اخوي تكفي في حال حصلت تذاكر الطيران بسعر رخيص
يعني لو قنا مجموع التذاكر 10000 الاف ريال
الفنادق 6000 ريال
السياره 2500 ريال
الفيز 2000 الى 2500 ريال
يعني عشرين الف و12 الف مصروف
تكفي ان شاء الله
بس الاهم تشوف طيران بسعر معقول
وخلي الذهاب على فينا والعوده من ميونخ
تحياتي

هلا بك. انا توي راجع من النمسا ورحت العام تركيا. الصراحه راحة البال في النمسا وخاصه اذا بتستأجر سياره وميزانيتك اهم شي التذاكر و الفنادق ( شقق فندقيه) تحجزها من بدري عن طريق النت افضل واقل تكلفه من المكاتب السياحيه
التذاكر مع التأشيره للشخص على المصريه تقريبا 3200 للبالغ والطفل ب 2500 تقريبا و الرضيع 1000 الى 1300 ريال ( الشنقن ب 700 للشخص البالغ او الرضيع ) وكلها حسبتها مع التذكره.
الشقق الفندقيه معدل 600 ريال لليوم وفيها مطبخ .
ايجار سياره كشف بي ام دبليو لمدة اسبوع ب 3000 ريال ( وانت ماتحتاجها الى اسبوع بس فينا بالمترو واستخدامه سهل جداً.
يعني الحسبه من 20000 الى 21000 الف ويبقى معك 11 الف تكفيك اكل وشرب وتنزه ويمكن هدايا كمان.
وحلاوة الريف النمسوي ( زيلامسي وماجاورها من قرى ) السياره وجيب معك شنطه حط فيها معلبات واذا ناوين بالطبخ جيب بس رز وبهارات ) مطابخهم كتكامله منةاجهزه وادوات طبخ.
السواقه سهله ( اول مره اروح ومعايه الاهل ولا عندنا لغه انجليزيه ) معايه القارمن ومتعه ماتتخيلها.
تركيا عيوبها ماتقدر تسوق واستغلال عيني عينك واخلاق زفت تدخل محل واذا ما اشتريت يقوم يسب ويلعن ونصب في المشاوير وفي المطاعم انا ولله الحمد ماخليت بلد وسافرت كثير انا اروح انبسط واغير جو مو اروح يرفعون ضغطي واجلس اتجادل واتمشكل ،،، فيه ناس ماحصل لهم شيء وفيه ناس بالها وسيع بس انا لو احد نكد على من اول يوم اتنكد السفره كاامله وهذا ماحصل لي وحصل لاخوي وواحد من اصحابي نصابين الى من رحم الله.
خليك في النمسا وميزانيتك تكفي بالراحه وفرق السعر بين الدولتين ادفعه برضاك وبخدمه كويسه ووجه بشوش ولاتدفعه بالغصب او بالاستغفال.
وزي ما قلت لك السفره بالحظ وانا كان حظي مو كويس في تركيا لاكن انا رحت الدولتين وكلها طبيعه جميله لاكن النمسا عندي تفوق تركيا بكثير.

الله يخليكم والله ريحتوني ورفعتو معنوياتي
اصلا استئجار سياره ماهو في حسبة ميزانيتي
ماشاالله والله رفعتو معنوياتي فعلا
طيب اقدر اخذ فيزا شنغن النمساويه
وانزل بمطار ميونخ واستأجر سياره من ميونخ عادي ؟
طبعا ماراح اسكن في ميونخ الا يوم او يومين بالكثير

ميزانيتك طيبه ماشاءالله الاذا سكنت فنادق 4نجوم ..والمطاعم المتوسطه ماهي الغاليه جداً
تركيا انا اشوفها غاليه بعض الاشياء وكويسه في البعض الاخر
لكن هي على حسب التخطيط
تقدر تصرف هالمبلغ في تركيا وتقدر في النمسا
ودام المبلغ هالشيء انصحك بالنمسا
لو تبي تركيا ممكن تكلفكم ل9ايام 22الف مع العيال طبعا
والحجز المبكر

30 الف ماتكفي
الا تكفي ونص ونصين بعد
رح بس ولاتخاف
قاعده
أذا حجزت طيران وسكن وتنقل
الباقي سهالات على كيفك تقدر تصرف باليوم ميه والا الف
0الف اضمن لك سكن حلو وطيران وسياره
يبقى 10000
يعني يبقى لك 2000 يورو مصروفات
يعني يومي ممكن تصرف 200 يورو وهذا مبلغ مب سهل 200 يورو
لان بعض الايام ممكن تصرف خمسين وممكن ثلاثين
خذ لك عزبه افضل لك من المطاعم بتخفف عليك المصروف اليومي كثير
انبسط يالسنعوسي