شهر بيكون برد بس مو زي الحين ..
اتوقع بيكون حلو ..
و الافضل تحجز من الان لان باقي شهرين بس ..

والله انا ودي احجز بس ابي اتاكد اول من الجو لانه معاي بنتي صغيره واخاف عليها من البرد وابيها تستانس لانه اصل السفره عشانها ياريت احد يفيدني عن الجو خلال الوقت وشكرا

رحلة موفقة ان شاء الله
بخصوص الجو طبعا بيكون بارد بس اختي اقل من الان بس يظل بارد مع مطر
يعني لازم عربانة الطفلة لازم تغطينها ببلاستك عن المطر ودفيها كويس عن البرد وربك الحافظ
ديزني احس توها صغيرة عليها ...يكفي خذيها محل ديزني في الشانز واشتري لها كم لعبة
وملابس وتتونس البنوتة الحلوة وان شاء الله على كذا يصير عمرها 3 سنوات يعني تفهم للالعاب
والاستعراضات بديزني...
وبخصوص الاستفسار عن الجو هذا الرابط بفيدك
http://www.weather.com/outlook/travel/businesstraveler/tenday/FRXX0076?from=36hr_topnav_business
وانصحك اختي بفندق كلاريج الشانز
موقعة العجيب وسط الشانز وسعرة جدا مناسب وخصوصا نظام الاستوديو عندهم غرفة وصالة وحمام الله يعزك ومطبخ
مجهز ....وهذا الرابط بفيدك فيه عن كلاريج وممكن تدخلين رابط الفندق وتشوفين الاسعار وممكن تقارنين بينها وبين اي مكتب
https://artravelers.com/p/re/242221
وبخصوص الاسواق اسواق باريس حلوة بس اذا في مخطط للندن انصحك التسوق من لندن جدا افضل
وهذا الرابط بفيدك كثير
https://artravelers.com/p/re/243165
واي استفسار ابشري به

ماقصرتي اختي والله يوفقك ويجعله بميزان حسناتك يارب مو غريبه عليكم يا اهل قطر والامارات واهل الحليج عموما اهل فزعه
الله يحفظكم
بس انا بنتي اهي تبي تروح اسم الله عليها تحب ميكي وتبي تروح بيتهم لول
انا خايفه يكون الجو لا يطاق يعني ما نقدر حتى نطلع او نروح مكان وتخترب علينا السفره كلها خصوصا انه الي اسمعه انه من شهر 5 يصير زحمه مو طبيعيه وما نقدر نروح لانه تدري معانا طفل واخاف نضيعه
يعني هل تحس انه في هذا الشهر السفر لفرنسا فكره سديده ولا اغير الوجهه احسن ؟؟؟

الله يجمل حالنا
ولايهمك اي اختي خذي راحتك بالاسئلة
وربي يحفظكم
اجل موفقة خير
رحوا ديزني بس اهم شيء ماترحون يوم سبت او احد
عشان الزحمة .... وحاولوا تاخذون تذاكر دخول ديزني من الفندق يحجزونها لكم
عشان ماتوقفون في الطابور والزحمة
والجو حلو يالغالية لاتحاتين ...
وعلى فكرة سبحان الله امس اتكلم مع صديقتي عن احلى شهر للسفر لباريس من وجهه نظري
اقول لها جربت السفر والحمدلله لباريس في عدد كبير من شهور السنة
لكن شهر 5 مايو غير كان اجملها لانه العرب كان تواجدهم معتدل
والمقاهي بالشانز كانت شبة منظمة ...ولاتوجد حجوزات للطاولات كما في اغسطس
ولا مهجورة كما في ديسمبر .....والجو ربيعي بارد جميل جدا

بعد عمري مشكورة ما قصرتي وان شاء الله راح اتوكل على الله وابد التخطيط والحجز

om rayan
ونحن معك خطوة بخطوة
وربي يوفقكم ويفتح عليكم

السلام عليكم
حبيبتي ما قصرتي ومشكورة بس كنت ابي اسال عن موقع مضمون لحجز الفنادق ؟
وبالنسبة للتسوق انا اعرف لندن واسواقها بس باريس مافيها شي مميز ماكو منه في لندن ؟؟؟
واذا كنت ابي اطلع من باريس واروح برشلونه شنو الطيران المناسب اذا عندكم خبره في هذا المجال