نوارة البيت
19-10-2022 - 01:40 am
السلام عليكم
المتواجدين هالايام في ماليزيا وخصوصا كوالا ولو اني بثقل عليكم لكن ارجو مساعدتكم
اذا احد يقدر يستفسر لي عن الباصات من كوالا الى جنتنج الساعة كم ؟ وفي مجال نحجز بنفس الوقت ولا لازم نحجز قبل بكم يوم؟!
حبيت استفسر عن يوم 11/8
اتمنى منكم المساعدة .. مع ألف شكر و جزاكم الله ألف خير
اختي ( نواره البيت )
اعذريني .. لست متواجد حاليا في كوالا ........ ولكن املك معلومات بسيطه عن الباص واتمنى انها تفيدكم ... وآمل ان يفيدك غيري من هو افضل واخبر مني ......... وآسف.
اختي ..
موضوع الباص من كوالا الى جنتنج ....... امر في غايه السهوله ( بسيط جدا جدا ولا يحتاج الى اي قلق ) يوجد في كوالالمبور اربع محطات تنقل السواح الى جنتنج ( اهمها محطه كوالاسنترال و محطه بودورايا )
وتسير الباصات الى جنتنج كل ساعه ( ان لم تكن اقل ) ... تبدا من الساعه 7 صباحا او 8صباحا ...
ولا يحتاج الى حجز مسبق خصوصا ان موعد ذهابكم هو 11/8 ( لا يوافق يوم اجازه عندهم .. لان الاجازه عندهم يوم السبت ويوم الاحد ) ................. لكن لو حجزتم قبلها بيوم يكون افضل ( علشان تضمنون وجود حجز )
واذا لا سمح الله لم تجدوا حجز على الباص ........ فالامر بسيط جدا ( خذوا تكسي من المحطه بسعر 80 ريجنت على ما اعتقد )
اهم شي عندي ......... لا يكون موضوع الباص شاغل بالكم ...... ( لانه موضوع سهل جدا )
اكرر اسفي على تطفلي والاجابه
وتقبلي تحياتي