عقد القصيد
23-03-2022 - 08:22 pm
السلام عليكم و رحمة الله و بركاته ..
ارغب بالسفر لتركيا ..
و بالاخص الشمال التركي
طبعا 3 اشخاص انا و زوجي و بنتي عمرها سنتين فقط و مزعجه شوي *_*
مخططه اروح يوم الوصول على طول لطربزون و اجلس اربع ايام و من ضمنها اروح اتمشى في اوزنغول بدون سكن و اروح ثلاث ايام اسطنبول
اتمشى و اتسوق فيها ..
هل الخطه كويسه ..؟؟
ابغى افضل المناطق في الشمال التركي ؟؟
انتم خبراء تركيا ايش تنصحوني فيه ؟؟ من ناحية كل شيء بالرحله من التخطيط للطيران للسكن اي شيء انصحوني فيه ..؟؟
الاجواء عارفه انها بارده بس كم تاصل درجه الحراره هناك ؟؟
و طريقة المترو كيف و التنقل فيه ارخص من غيره ؟؟
انا سافرت لكوريا و ارتحت للمترو كثير في سيول مادري هل نفس الطريقه و السهوله ؟؟
و افضل الاماكن في الشمال التركي و اسطنبول ؟؟
انا فقط زيارتي اسبوع او عشرة ايام بالكثير من تاريخ 30 مارس وهذا التاريخ الوحيد المتوفر لي ..
بالنسبه للطيران ايش افضل خطوط ؟؟ و اسعارها مناسبه ؟؟؟ و هل طفل عمره سنتين ياخذون عليه المبلغ كامل ؟؟ بالتحديد سنتين
و شهر عمر الطفله ..
و بالنسبه للشمال التركي قريت افضل شيء التعامل مع سائق خبره ..
ابغى ارقام سائقين و كيف اسعارهم ..؟؟
و ابغى احلى المطاعم هناك في تركيا ككل ؟؟ و هل اكلهم كله حلال ؟؟؟
و بالنسبه للعبايه و النقاب عادي و تعامل المواطنين مع السياح كيف ؟؟
و هل تركيا تحتاج فيزا ؟؟
انا اللي اعرفه ما تحتاج بس ابغى معلومات اكثر و اكيده ..
و يعطيكم ربي العافيه
الله يسعدكم و ييسر لكم و يعافيكم
ساعدتوني كثير في رحلتي لكوريا
اتمنى تساعدوني في رحلتي لتركيا
و الله يعطيكم الف عافيه و يسعدكم ..
بخطط لك رحله تقريبا حقت اسبوعين و ان شاءالله تعجبك
عدد الايام 12 يوم مع الذهاب و العوده
اول شيء طيران متواصل على الخطوط التركيه إلى ترابزون و بعد ذلك التعامل مع سائق معين يتم الاتفاق معه في السعوديه و قبل الرحله يجيك و يتواجد في
المطار و يكون مسؤول عنك هناك و تتمشى في ترابزون و تنام ليلتين
بعدين تروح مع السائق نفسه لاوزنغول 3 ايام للاسترخاء جدا جميله ومريحه تندم لو ما تروح حتى لو برد جميله ..
اوزنغول للاسترخاء 3 ليالي و اليوم الرابع تروح ل يلوا تجلس فيها 3 ليالي و من هناك تقدر تروح لبورصه ساعه بالباص ب 9 ليرات فقط السكنفيها افضل من بورصه وانت براحتك
و بعد ذلك تروح لاسطنبول 3 ليالي و اليوم الرابع ترجع للسعوديه ..اوسبانجا جممييله بس بتضطر ترجع لاسطنبول لو ليله وحده علشان الرجعه للوطن يعني يصير
انك تجلس فيها ليلتين و الثالثه في اسطنبول و من بكره اقلاعك للسعوديه
والله يهنيك و يوسع صدرك .. تركيا دوله جميله و رئعه بس ضروري تروحاوزنغول لو ما رحت صدقني بتندم اهم شيء تتدفا و تاخذ معك كرتون زنجبيل و فكس
ههه
ترا انا رحت في الشتا و خذتمعي زنجبيل و فكس و الحمدلله رحله ممتعه و ماتعبت فيها
وبالنسبه للطفل عاديي الحمدلله عمر سنتين ما تخاف عليه باذن الله اهمشي تجيب معاك دواء كحه و دواء حرارة
و الامور سهله باذن الله ..
هذي الخطه اللي من رايي وانت براحتك