لي عوده وبكامل التفاصيل التي تريدها
ومالك الا طيبه الخاطر
تحياتي

1. انصحك انك تسكن بحدا هالفندقين

بسم الله الرحمن الرحيم
في البدايه أسأل الله العظيم رب العرش العظيم ان يشفي العم ، وأن يكتب لك ولوالدك الأجر والثواب
وبأحاول افيدك بالي اقدر عليه لأن والدي يتلقى علاجه هناك في نفس المستشفى ونحن على سفر مستمر الى هيوستن
مستشفى ام دي اندرسون عالمي ويقع بمدينه هيوستن في ولايه تكساس
أولا بالنسبه للسفر من الرياض الى مدينه هيوستن
عندك خيارات كثيره ورحلات يوميه من العاصمه والى هيوستن
عندك الأوربيه منها اللوفتانزا والبريطانيه والهولنديه ( كي ال ام ) وهذي رحلات تطيرمن الرياض وتوقف في اوروبا وبعد ذلك لهيوستن ومده الترنزيت ماعندي خلفيه عنها لأني اروح دايم عن طريق الدمام او البحرين
وعندك الخطوط الي تطير من الخليج دايركت الى هيوستن وهي الإماراتيه والقطريه طبعا من الرياض الى دبي او الدوحه وثمن داريكت الى هيوستن
انا جربتها كلها ماعدا القطريه وافضل السفر على الإماراتيه لأسباب كثيره منها الخدمه ومنها ايضا مطار الترانزيت فمطار دبي اكثر مرونه وسهل ويسر
طبعا لمن تجي تشري التذاكر اطلب كرسي متحرك ( ويل تشيير ) للعم وراح يوفرونه من كاونتر الحجز في الرياض الى الطائره وفي مطار الترانزيت والى سياره الأجره عن الوصول لهيوستنثانيا بخصوص الوصول الى مطار هيوستن
ممكن تكلم المستشفى وتطلب تحويله المكتب الدولي ( انترناشونال اوفيس)
لمن تاخذ التحويله كلم وحده اسمها ( إليان ) او وحده ثانيه اسمها ( جاكي )
طبعا هالبنات عربيات وعطهم معلومات الرحله ووقت الوصول قبل السفر بوقت كافي تزيد عن 48 ساعه
طبعا لمن تكلمهم راح يوفرونلكم شخص يستقبلكم في باب الطائره بمطار هيوستن ويسهل اجراءات الدخول من المطار والإمقريشن والحوسه حقتهم وأقلها يختصر عليكم السرى الطويل في المطارثالثا بخصوص السكن

انصحك انك تسكن بحدا هالفندقين

الهولدي ان ..... او ..... ريزدنس ان ماريوت لفتره مؤقته تقريبا اسبوع وخلال هالأسبوع تبحث عن شقق مفروشه تناسبكم من حيث السعه والسعر والشقق واجد والي يسعونلكم فيها ايضا واجد وكلهم عرب وارقامهم عندي بس مادري شلون اوصلها لك ، وطبعا كل هالشقق ب(المديكال سنتر) اي المنطقه الطبيه والي فيها الأمدي اندرسون وغيره من المستشفيات
وميزه الفنادق بهالمنطقه تقدم بعض الخدمات للمرضى مثل ( الشاتل باص ) وهو باص يوديك للمستشفى ويرجعك ويوديك للأسواق القريبه من المستشفى واي محل تبيه بحدود 2 ميل عن الفندق
اضافه الى ان بعض الشقق تقدم ايضا خدمه الباص او من الممكن ان تستأجرون سياره ماتكلفكم في الشهر 500 الى 600 دولار والي يأجرون عرب والدعوه سهلات والرخصه سعوديه ماعندك مشكله
وايضا ذولي ارقامهم عندي ولا اعرف وش لون اوصلها لك وبالنسبه للدلاله والتضييع جهاز جي بس اس تاخذوه بحول 170 دولار يمتربك هيوستن شبر شبر اسبوعين وتحفظ كل شي فيها
هذا موقع الهولدي ان واسعاره معقوله لوجوده بالمنطقه الطبيه
http://www.ichotelsgroup.com/h/d/hi/1/en/hotel/houmd
وهذا الماريوت نظام بيوت خشبيه غرف واجنحه والي تبي وميزته جنب السوبر ماركات
http://www.marriott.com/hotels/travel/houas-residence-inn-houston-medical-center-reliant-park/
وعلى فكره في مقابله شقق ممكن تاخذونها بالشهر مؤثثه ورايقه
والشقق عموما اسعارها بحول 2000 وانت طالع حسب موقها واثاثها والخدمات الموجوده بالسكنبخصوص المطاعم الحلال ولعربيه ممكن تستفيد من هذا الموضوع
https://artravelers.com/p/re/322123 اذا عندك اي استفسار اقدر افيدك فيه تفضل وحاضرين
واذا في شي مو واضح في كلامي اسأل ولا يردك شي
وعقبال مانسمع اخبار زينه عن العم والله يقومه بالسلامه ويرفع عنه
وبخصوص الأرقام اتمنى من مشرفنا ان يرسل ايميلي المدون في المنتدى لإيميلك الخاص او يرسله لك كرساله خاصه ووافيدك فيها
بغيت ادونها لك هنا بس خفت ينحذف موضوعك
بالتوفيق عزيزي