عليكم السلام ورحمة الله
سيلانجور دائماً تكون المحطه الاولى من أجل الراحه من تعب السفر الطويل وخاصة انو لديكم أطفال
البراميد مجمع ضخم يحتوي على السوق والفندق وألعاب الصن واي يعني ماراح تحتاجون اي تاكسي كل شي متوفر عندك
فندق لنكاوي أنا قبل 3 أيام غادرت لنكاوي فندق فرينجباني بصراحة روعة وقريب من عالم تحت البحار وأيضاً قريب من المطاعم
كوالا حالياً أنا في فندق رويال شولان والفندق ماشاء الله عليه الكل يمدحه يبعد 5 دقايق مشي عن شارع العرب
هذا مالدي
وان شاء الله أهل الخبرة يفيدونك أكثر مني

هلا بك اخوي الجنوبي ..
الله يجزاك خير ماقصرت ..
سمعت عن هالفندق وببالي والحلو انه عليه مدح بعد ان شاءالله بيكون من ضمن الحجز
مشكور عالرد .

باقي الاستفسارات و ي ليت يكون جدول
انتظر ردودكم

سلانقور بما انها يوم واحد فيالله يمديكم على العاب صن واي المائية وتسوق بالبراميد.وعندكم اذا حبيتم حديقة الاضواء ومجمع الماينز ومنطقة القصر الرئاسي والحكومة(بتراجايا) ومتحف شاه علم والحدائق اللي حولة.لنكاوي عندكم الرحلات البحرية وافضلها المانغروف وعندكم القرية الشرقية والترفليك والشلالات وميدان النسر وشاطي سينانج وجزيرة بولاو بايار وعندك العيون الحارة .
كاميرون بعيده ومتعبه واقترح عليك بما ان مدتك قصيرة تلغينها لانك بتخسرين يوم رايحه ويوم راجعه.فخلي جدولة 2سلانقور 3لنكاوي و2بينانغ و3 كوالا.
ولو يكون 3 اماكن يطلع افضل واريح لكم فالتنقلات مكلفه ومرهقة ومعكم اطفال. سلانقور 2 لنكاوي4 كوالا4.
كوالا فيها اسواق ومجمعات ومولات مثل التايم وسوقو وبافليون وبي بي لازا ميقا مول و.. وعندك البرجين والمناره وعندك شلال تابلر وعندك شارع العرب والسوق الصيني وجنتق وافموسا.
اقترح عليك ومن تجربة وراح تدعين لي اسكني في كوالا في فندق التايم سكوير فهوفضيع ومتكامل وسعره وسط وموقعه رهيب. فعنده محطة المانوريل تنقلك الى اي مكان وايضا باصات.
ويحتوي الفندق على ملاهي داخله ملاهي ليست بالصغيره بل جميلة وايضا خمس ادوار اسواق من كل ماتريدين ومطاعم اشكال والوان والتكاسي زي الرز.

kazami
سلانقور راح اخليها يومين ومن ثاني يوم ننتقل للنكاوي .. برايك افضل كذا؟
وبالنسبه لبيننانغ شايلينها من راسنا يعني جدولنا بيكون مثل ماقلت 3 مناطق لكن بالنسبه للكاميرون مو حابين نسكن فيها يعني نروح لها من كوالا بس ابي اعرف افضل طريقه للوصول لها تاكسي او باص؟ حابين نقضي يوم كامل فيها وهل يمدي نمر من الصبح لحديقه الشاي واللافندر وللشلالات ؟
واشكرك كثير ، بانتظار ردك

ملفتة
بسم الله الرحمن الرحيم
حياك الله أختي
وعودة بعد انقطاع طويل لظروف خاصة
بالنسبة عدد الايام عندك 10 ايام ما يحتمل انك تروحي أربع أمكان
وخصوصا معاكم عدد من الكبار والصغار
انصحك أختي باختيار ثلاث مناطق
اقتراحي لك
يومين سيلانجور
3 لنكاوي او بينانج
5 كوالا
بالنسبة للفنادق يخضع حسب ميزانيتكم
لكن بالترشيح عندك في سيلانجور ارشح البراميد لوجود الاسواق وايضا قريب من الصن واي
لنكاوي اذا الميزانية مفتوحة عندكم ارشح ذا دانا او الويستن وبعدهم بلانجي بيتش والفرنجي باني
بينانج عندك قولدن ساندس او بارك رويال
واقل منهم من ناحية الموقع فلامنجو
الكوالا الخيارات كثيرة
لكن التريدرز في المقدمة وايضا بعد الرويال شولان
بالتوفيق لكم
ابو عبدالرحمن

صعب تروحي للكاميرون بنفس اليوم وترجعين لسببين :
الاول : المسافة 300 كم رايح و300 جاي
الثاني : الطريق كله لفات وطلعات يعني اللي معه دوخة او شي مايتحمل .
بخصوص المواصلات هناك باصات وهناك تكاسي بس حتكون غالية بحكم المسافة وعددكم كمان .
من رأيي اذا مدة بقائكم بماليزيا حول 15 يوم روحوا لها غير كذا لا بصراحة .
رحلة سعيدة ،،،

مثل ماقال استاذنا مجهول النت وبقية الاعضاء.ثلاث اماكن مناسب جدا لكم.
سلانجور-لنكاوي-كوالا.
تقسيم الايام براحتكم وعندك اسلوبين
2سلانجور-3لنكاوي-5كوالا
او
2سلانجور-4لنكاوي-4كوالا.
شاوري وشوفي ولك القرار.