- بسم الله الرحمن الرحيم ، هذا موقف حصل لي في مانيلا
بسم الله الرحمن الرحيم ، هذا موقف حصل لي في مانيلا
رحت لمكتب السوبر فيري في الدور الاول في مجمع الروبنسون بارميتا وحجزت لسيبو الساعة 8 ليلا وطبعا ذكرلي الاخوان ان التذكرة ب3000 بيسو لكن اتفاجأت ان التذكرة ب990 بيسو بس طبعا انا فرحت لانو وفرت 2000 بيسو + اجرة ليلة بالفندق بحكم ان الرحلة تستغرق 24 ساعة يعني ضربت عصفورين بحجر
المهم رجعت الروم تبعي ببيل اير سوهو ونمت وصحيت اليوم الثاني كلمت جاكي وعملت تشيك اوت الساعة 1:30 ظهرا وحركت على النورث هاربور بدري لان الحضور كان الساعة 4 عصرا والسفينة تحرك الساعة8
طبعا المنظقة الي قريبة من النورث هاربور من افقر المناطق الي شفتها بحياتي والله بيوت من صفيح وحالة لاحول ولاقوة الابالله
المهم بعد كذا نزلني التاكسي في منطقة بعيدة شوية عن مكان الشركة واطضريت امشي مسافة لين وصلت بس بصراحة مااعجبني الميناء يعني الطريق المؤدية لها كانت مصيبة بصدق رحت على مقر الشركة ودفعت التيرمنال في اتوقع 20 بيسو وبعدين رحت على قاعة الانتظار، انا جالس والكل يطالع فيني المهم لاحظت انو معظم المسافرين من الطيقة الي ماتستطيع ركوب الطائرة لذلك يفضلون الذهاب بالفيرى ارخص لهم وانا الي مسوي فيها سياحة واول مرة اركب سفينة
يعد شوي نادوا علىنا وركبنا السفينة ، انا كان معاي شنطة كبيرة وتوهقت فيها صراحة لانو ماعندهم مثل الطيارات شحن ومن هالقبيل او في وانا مدري المهم استأجرت واحد من افراد الطاقم عشان يشيلها واجنا بالطريق قاعد اتخيل الغرفة الي بقعد فيها وشلون انها بطل على البحر وهاتك احلام لكن فجأة قالي العامل هنا مكانك:36_2_67: وكان المكان قريب من المدخل ونا صار وجهي كذا:121: قلت وش هذا وين الغرف وين انام انا:m12: طبعا المكان الي اتكلم عنه هو سرير بطابقين مشكوف يعني الكل يتفرج عليك ولا وقدام المدخل يعني كل من يدخل السفينة يشوفك انا طبعا قلت وش خلاني اجي هنا كان ركبت الطيارة معزز مكرم ولا البهدلة هذي:shocking:
المهم جلست وانا متحسف وبصراحة وبدون مبالغة العاملين حاسين انو شكلي مو راكب على هالمكان:kashkhah: فقالي واحد منهم ليه ماحجزت غرفة احسن ؟ قلت له لي هو في غرف في السفينة؟ وانا على بالي السفينة كلها درجة وحدة وبصراحة وقتها حقدت على الي عطتني التذاكر ماقلتلي انو في درجات:112:
المهم كلمته وقلتله الحقني بسرعة وشوفلي غرفة تراني مت من الحر هنا:36_1_47: ، المهم رحت االاستعلامات وقلت لهم ابي اعمل ابقريد وقالت لي في روم شيرنق فيها اثنين وسويت كبير وكان غالي صراحة قلت خلني اجرب الروم لانها 350 بيسو فرق بس ، المهم قلت يلا اعطيني المفتاح وانا طاير من الفرحة :36_7_9: قالت لي لا مو الحين انتظر الى الساعة 8 الي هو وقت ماتحرك السفينة يعني انتظار بالعربي انا طبعا صار وجهي كذا:121:
قلت يلا ماعليه ننتظر شوية منها اتفرج على البواخر والغروب افضل:36_1_24:
جات الساعة 8 ونادت علي ورحت على الروم تبعتي وكان فيها واحد شايب قلت احسن ماوراه خوف
لكن بعد هذي اللحظة الفيري صار شي ثاني رحت الكوفي شوب وطلعت على مكان تقدر تشوف فيه البحر من وراء الزجاج وواخر دلع، بصراحة الموقف الي صارلي هذي ذكرني يفلم تايتنك:36_15_24: بالظبط لان المكان الي كنت فيه كان من جد للطبقة الفقيرة وفوق كان للطبقة الغنية وقبل ماانسى كان الفاصل مابين الدرجتين مدخل وعليه سلسلة نفس الي بالفلم
الرحلة بصراحة كان اكثر من رائعة وهذا اكثر شي عجبني لكن الي ماعجيني هو الطريق المؤدي للميناء ومقر الشركة قبل ماتطلع السفينة بصراحة ماقبل الدخول للفيري مأساة
اولاً الحمدلله على سلامتك
ولاتقول تحسفت على هذه الرحله
بالعكس تجربه رائعه وراح تتخزن في الذاكره
فلا تعتقد ان كل من سافر كانت ايامه سعيده لابد من يوم تشعر فيه بالتعاسه بس موقف معين
ولكن هذه حلاوة الرحله
وانت اكتشفت شي جديد وهذه في حد ذاتها مغامره زادت من حلاوة الرحله
فالف شكر لك يالغالي
معلومه راح يستفيد منها الاخوان وياخذون حذرهم في المرات القادمه ان شاء الله عند الحجز
اخوك الساحر