بداية اتمنى لك سفرا سعيدا وهانئا ورومانسيا وحالما الى اخره بصراحه اختى انا عن نفسي ودى واتمنى موريسوش بالغرم انه ماعندى سابق خبره فيها ولا رحت لها بس ابي اخذ انطباع منك بصراحه كثير مدحوها وياريت تخلي وجهتك لها تحتى نشوف رايك بعد ماتردي بالسلامه ع فكره اانا شفت تقرير شامل ومفصل هنا عن الجزر بس والله مانى محصله الحين بس احاول الاقى الرابط وارسله لك
رحله موفقه مقدما باذن الله

عزيزتي
اقري تقرير الاخ القدير ابو عزيز المثبت عن موريشوس وصدقيني بتحبينها
وفيه تقارير هنا برضو عن المالديف اقري وقارني بينها وشوفي اللي ترتاحين له
علما ان المالديف اقرب وموريشوس جوها احلى خصووصا بالصيف
انا مارحت المالديف
رحت لموريشوس
خياليه للاسترخاء والرومانسيه والهدوء
بالنسبه للاوتيلات حسب ميزانيتك
فيه اوتيلات رائعه 6نجوم
وفيه اللي اقل وايضا ممتاز
ارجع اقول اطلعي على موضوع ابو عزيز
واي سؤال بالنسبه لموريشوس انا حاضره:x1:

بالفعل في شهر الصيف ما انصح بالمالديف (امطار)
وبالنسبة لكم (شياب) موريشس راح تكون اختيار صحيح ومثالي وعلى مسؤليتي الخاصة
اذا ما انبسطتوا فيها ما اكون ابوعزيز
بيني وبينك خلال السنوات التسع الماضية رحت لها تقريبا كل سنة مرتين اخذت الوالدين وكل مرة كنت ياالله يالله اجرهم للمطار في العودة
البلد رائع والجو في الصيف هو الأفضل لكما (ربيعي معتدل) لأنه يعتبر شتاهم (بين 19 و 25 درجة) مع هتان من المطر ممزوج بتغريد الكناري وحفيف نخيل النارجين وهدير الموج
سعر الباكجات تبدأ من 10 الاف للشخصين وانتي طالعة حسب نوع الفندق وحسب نوع الغرفة لمدة 8 ليالي
عطيني الميزانية وراح اختار لك الباكج المناسب من قائمة اسعار الباكجات اللي لطشتها من موظف الإمارات
تحياتي

السلام عليكم ,,,
اشكركم اخواني على ردودكم ,,,
انا سبق وقريت مواضيع ابو عزوز عن المالديف وموريشوس وهذا اللي خلاني احتار على العموم شكلنا بنخلينا موريشوس على راي الاغلبية ,,,
ابو عزوز الميزانية يا طويل العمر مثل هالاماكن تحط اغلب ميزانيتك بالسكن لانه الاهم وبالنسبة لنا ابي افضل باكج ولا عليك امر ,,,
واسفة جدا على الاطالة
تحياتي

ام غلا
وعليكم السلام ورحمة الله وبركاته
أم غلا كيف الحال وكيف أبو غلا اتمنى الجميع يكونون بأتم صحة وعافية
عزيزتي اخترت لكم هذا الباكج في فندق سبق تجربته ومتأكد تماما منه
العرض قصير لمدة 5 ليالي و 6 ايام ممكن زيادة الليالي بإضافة 1200 لليلة تقريبا للشخصين
العرض الأول لغرفة عادية مطله وليست على الشاطيء مباشرة
PARADIS HOTEL & GOLF CLUB
(Superior Room)
السعر 13800 ريال للشخصين
أو
PARADIS HOTEL & GOLF CLUB
(Junior Suite)
السعر
15600للشخصين
الباكج يشمل تذاكر الطيران (من جدة) طبعا ارخص شوي من الرياض او الدمام
+الفندق
+الوجبات (افطار وعشاء)
+المواصلات
هذا العرض من الإمارات فقط لغرض المقارنة
وتحياتي

السلام عليكم ,,,
الله يعطيك العافيه يارب يا ابو عزوز تعبتك معاي بس من جد العرض حلو لان يشمل التذاكر والسكن و الوجبات الا الغداء ,,,
بس للاسف ان ابو غلا ما راح يقدر ياخذ اجازة الا بشهر 10 هجري اتوقع يوافق اخر اكتوبر على اول نوفمبر هل تتوقع ان العروض هاذي تستمر الى ذاك الوقت والا بس عروص الصيف هاذي ؟؟
والله ماادري وش اقول لك يا ابو عزوز مره اسفة اني كلفت عليك بس نقول كل تاخيره فيها خيرة ان شاء الله
تحياتي