1. السلام عليكم ورحمة الله وبركاته00

السلام عليكم ورحمة الله وبركاته00

اشكر كل القائمين على هذا المنتدى الرائع 00واخص احباءنا في بوابه تركيا 00ولا انسى الاعضاء الفعالين في هذة البوابه اللي جنوا علي بدون مايدرون 00تدرون ليش لاني ما كنت اتوقع في يوم اني بسافر لتركيا 00بس العام الماضي دخلت على هذه البوابه الرائعه وقرات تقارير رحلات اعضائنا الاحباء ولقيت نفسي رايح اركض احجز لتركيا 00والله ما كنت اتوقع تركيا بهذا الجو الرائع والطبيعة الخلابه 00
والمشكله جيت هذة السنه ادور مكان اسافر له ولفيت كل البوابات وبالنهايه رجعت للبلد الحبيب تركيا 00انا اتوقع اللي يسافر لتركيا مره يدمن عليها 00ما ألوم كثير من الاعضاء اللي يسافرون لها كل سنة00
في رحلتي العام الماضي زرت بورصه الرائعه ويلوا وابانيت واسطنبول00 هذه السنه ان شاء اللة بزور بورصه ويلوا وطربزون واوزنجول 00 وحجزت الفنادق من هنا لاني احب اني ارتاح من هم البحث 00بس طربزون ما حجزت لها لا تذكره ولا فنادق لاني لقيت تذكرتها غاليه 1400 ريال فقلت احجز من المكاتب اللي هناك على الطيران المخفض عندهم وبالمره احجز فنادق طربزون من هناك 00 (لا تقولون لي احجز عن طريق النت لان ما عندي لغه وايضا ولا مره جربت الحجز بهذه الطريقه)
ياليت تفيدوني باسم مكتب ثقه واسعاره حلوه حتى احجز منه في اسطنبول لان اول اربع ايام بجلس اريح في اسطنبول 00 واذا تقترحون علي فنادق معينه في طربزون تكون قريبه للباصات لاني بخليها محطه رئيسيه انطلق منها للقرى المجاوره ؟
وسؤالي الثاني كم يبعد مطار صبيحه عن تكسيم لان رحلتي على خطوط العربيه وفي وقت متأخر الساعه الواحده ليلا 00وهل تنصحوني احجز استقبال من الفندق لي بالمطار لاني اخاف ما القى تاكسي اثق فية في هذا الوقت المتأخر ؟
وعندي سؤال اخير _ شريحه الجوال التركيه اللي العام استخدمتها موجوده عندي اقدر اشحنها واستخدمها والا لازم اشتري شريحه جديدة ؟
ويعطيكم ألف عافية000