1. السلام عليكم ورحمه الله وبركاته

السلام عليكم ورحمه الله وبركاته

احب اشارك في موضوع بسيط واتمنى ان يحوز على اعجابكم وهو ان تذكر موقف حصل لك في سفرك الى الورده الفلبين وانا راح اكون اول واحد يذكر لكم موقف اتمنى ان يحوز على اعجابكم
كنت جالس في المقعد جنب الدريشه ههه وبجنبي رجال وحرمته وبعد 4 ساعات بغت حرمته تنام وهي تقوم وتمد رجلينها على رجلين زوجها وانا ما عاد لي وجه اناظر يسار لاني اذا ناظرت يسار ما اشوف الا رجلينها في وجهي الله يكرمكم وما قامت الا يوم بقى على الوصول ساعه طبعا تلقون حركه على الحمام من كثر هالفلبينيات اللي يحطن هالمكياج على وجيهن لو ان عمرها 50 سنه
واثنا توقف الطائره والجميع كان واقف وينتظر ان تفتح الابواب وانا من الطفاقه ابحاول اسحب الشنطه من الدرج الخاص بالشنط الي فوق المقعد الا وتضرب اخونا الفلبيني مع راسه ويناظرني بحقد ويقول لي صديق انتا مافي سعوديا انتا في فلبين بصراحه بساعتها بغيت اروح للطيار واقوله رجعني مثل ما جبتني انا ما راح انزل والحمدلله هداني الله ونزلت وختمت الجواز وطبعا ماعرف ولا حرف من اللغه الانجليزيه ذاك الوقت الا اني ابتسم وامشي ولما وصلت لاخر واحد في المطار اللي هو ياخذ الاوراق اللي عبيتها في الطائره وجهه كريه وجسمه عملاق ويروع ويقول لي وين الورقه طبعا بالانجليزي وانا اخوكم داج بالانجليزي وما فهمته وهو يرتفع ضغطه وهو ينفخ علي وانا اعطيه كل الاوراق اللي معي وجواز سفري وبغيت اعطيه الفلوس ابي الخلاص والسلامه والحمدلله عدت على خير
هذا موقفي وين مواقفكم يالله ننتظركم لا تستحون ترانا اخوان
تحياتي
اخوكم
محمد بن فيصل