ياليت ماتتاخروون علي الله يسخر له جنود الارض وملائكة السماء الي يجاوبني لاني من جد محتارة ولا اعرف في باريس اي شي..

وصح ابي اعرف ليش تمدحون اللافيداس مع ان الناس تتغنى بالشانزلزيه؟

طيب ايش رايكم في Adagio La Défense Esplanade
وهل الشقه لاربعه اشخاص تكون غرفه او غرفتين؟؟
والتنظيف يكون يومي ادا استاجرت اكثر من اسبوع او اقل من اسبوع؟؟
وادا قارنها ب
Fraser Suites Harmonie Paris La Defense
ايش رايكم ؟؟
ادري اني حست روسكم بس لاني من جد في حيرة

وبالنسبة للجو بداية سبتمر في اليل هل يكون بارد على الاطفال ؟

مرحبا
بالنسبه للسكن في اللاديفانس انا ارشحه اكثر من الشانز خاصه اذا العايله كبيره
وفيها اطفال ..
بالنسبه ل Adagio La Défense Esplanade
انا سكنت فيها وتوني راجعه منها وانصحك فيها .. موقعها جنب فندق السوفتيل اللي في اللاديفانس.
انا اخذت ستوديو ل 3 اشخاص وشقه بغرفه وحده ل 4 اشخاص..
بالنسبه للاستوديو يحتوي على :
1) مطبخ ( فيه ثلاجه وفرن وميكرويف وغلايه وكفي ميكر وغساله صحون بالاضافه الى عده المطبخ
من شويه صحون واكواب وملاعق وخلافه )
2) طاوله وكراسي للجلوس
3) صوفا تصير سرير يكفي شخصين كبار بالراحه
4) سريرين منفصلين ولكن حاطينهم جنب بعض كانهم سرير واحد كنج سايز .
فيه مساحه جيده في الاستوديو اذا تم طي السرير الصوفا وارجاعها لوضعها الاصلي ..
5) دوره مياهنفس الاشياء الموجوده في الاستوديو موجوده في السقه بغرفه مع فرق بسيط ان الشقه اللي بغرفه
فاصلين السرير في غرفه والصوفا والتلفزيون في الجهه المقابله وبينهم باب اوكورديون والمطبخ مطل على الصاله
بالنسبه للمطبخ الشي المختلف فيه انه فيه فريزر والفرن اكبر .
طبعا الاستوديو والشقه كل وحده فيها دولاب ومعاليق لملابس وصندوق امانات ومكنسه يدويه للتنظيف اليومي
ومافيها كاويه لكن كاتبين اطلبوها من الرسيبشن يوفرونها لكم .. بالنسبه لي كنت ماخذه كاويه معي ..
بالنسبه للتنظيف اعتقد انهم قايلين اكثر من 3 ليال يكون التنظيف اسبوعي بمعنى اخذتوا الشقه السبت ينظفونها السبت
اللي بعده .. لكن اذا كانت المده قليله اذا مو غلطانه 3 ليالي هم ينظفونها بشكل يومي ..
بالنسبه لفريسر ماسكنت فيها لكن سكنت في اللي جنبها شقق السيتادين قبل كم سنه لكن adagio esplanse افضل
بكثير ومودرن وحلوه بتعجبكم .
هذي اهم الامور بنظري .. الموقع هادي ونظيف وقريب من المترو جدا واحلى شي انك على اللاين رقم 1 يوديك
اهم الاماكن في دقايق ..
اتمنى لك التوفيق في سفرتك ..

غرفه رباعيه معناها غرفه فقط فيها 4 اسره بدون صاله او مطبخ
اللاديفانس احدث ومساكنها جديده بعكس الشانز القديمه ولكنها مجدده بطراز اوروبي عريق وعالي الجوده .. لكنها غاليه واللاديفانس افخم وارخص .. عيب لادفانس انها بعيده شويه (تقريبا نص ساعه لين الشانز مع انه قطار واحد ولكن وقفات متعدده)
الجو في بداية سبتمبر ماراح يكون بارد جدا ولكن فيه شي من البرد وانصحك بقبعات للراس وجاكيتات خفيفه
السكن اتوقع اسأل مجرب ولا تسأل طبيب وام النواعم ما قصرت معك

ام النواعم
شكرا لك الله يسعدك
طيب لو قارنها ب Fraser Suites Harmonie Paris La Defense
ايش الفرق من ناحيه الموقع خاصه؟؟

mezajee_ksa
شكرا لك يعني كم درجه الحراره باليل؟؟
والنهار يكون عادي؟

فريزر اربع نجوم بينما اداجيو 3 نجوم وهم في الموقع سواء تقريبا 250 متر عن بعض
اليوم في يوليو مساء درجة الحرارة 12مئوي لكن في سبتمبر احسبوا حساب 3-7 درجات مئوي مساء
في النهار ممكن 18-20 مئوي عموما
لا دفنس تبعد بالمترو عن الشانز حوالي 10 دقائق لا اكثر خط واحد 5 او 6 محطات