جزاك الله خير ما في اماكن تكتشف بجنيف
خلك على فندق واروييك ممتاز و قريب من محطة القطار اول ما تطلع من المحطه تشوفه
طبعا انت بتوصل المطار و تطلع من المطار بتشوف التكاسي خلها لا تركب
خلها على يمينك و تمشي على طول تجيك بوابه بوجهك تفتحها و تصير وصلت محطة القطار
تقطع تذاكر و تركب قطارك توصل محطة جنيف تنزل تطلع من الفندق و تشوف على يسارك فندق واروييك
طبعا اذا تفكر بالمصروف اوفر لك القطار بكثير
انا لما وصلت ابي اروح لوزان كلمت التكاسي اللي عند المطار قالو لي 200 فرنك
رحت محطة القطار اخذت تذكرتين ب 50 فرنك اي التذكره ب 25 فرانك
و انت براحتك
اما الاماكن اخوي جنيف ما فيها اماكن ما لك الا تستأجر سياره
و تروح لشمونيه الفرنسيه
ثاني يوم تروح لمدينه لوزان لا بد من ذلك و تمر بطريقك على مدينة ديفون الفرنسيه
و تتمشى بجنيف يوم منها ترتاح من المشاوير
اليوم الرابع تروح لأنترلاكن و هذا شي طبيعي
لا بد منه
مجرد افتراح اتمنى يعجبك

بعد أذن أبو عزيز بالنسبه لكمبنسكي ممتاز مدام معاكي سياره
الأسواق : rue de rhone وكذلك rue de march
المطاعم: de paolo و موجود مقابل الكمبنسكي من الجهة الثانيه من البحيرهrue de lac 3
intercote موجود في rue de rhone
المطعم الهندي في فندق أنجلاتيغ
مطعم للشوي أسمه charbonnade وعنوانه موجود في الموقع http://www.taverneduvalais.ch
المطعم اللبناني في فندق بريزدينت ويلسن

المغروم...............
شكرا لك لكني احب الفنادق الفخمه والورويك اعتقد اربع نجوم وابغي اعرف كيف اوصل محطة القطار من فندق كمبنسكي وزوجي مفكر يستأجر سياره لو عندك اي معلومات عن اقرب المناطق لجنيف يا ليت تفيدني.

abo fahad
تسلم يا خوي بس بغيت اعرف كيف الجو هنالك الحين لو عندك اي فكره وبالنسبه لانترلاكن هل تنصحني فيها وكم ساعه تاخذ بالسيارة من جنيف الى انترلاكن وشو اقرب المناطق لجنيف.

خيار الكمبسكي رائع بإذن الله
الفندق توهم مجددينه وكنت فيه للأستطلاع ((فقط)) قبل اسبوعين
وبالعكس البريزيدنت ويلسون جدا من الطراز الأول (كلاسيك) ولكن مشكلته انه ابعد من الكمبنسكي
استأجار السيارة فكرة جيدة وخاصة ان زوجك ماشاء الله عليه (حريف) سواقة
ولي استفسار بسيط هل الهزبند في رحلة عمل ام انكم رايحين سياحة؟
الجو جدا بارد لذا لا بد من التفكير في الأماكن اللي راح تزورونها
واضح من اسألتك انك تبحثين عن الفخامة ومو اي فندق
برايي الفور سيزون اجمل من كل شيء وخاصة انه تحته الستار بكس (مدمن كوفي)
وجنبه بعد بقالة صغيرة والأهم منها المانور واللي في مطعم رائع في الدور الخامس
وسناكات خفيفة من اللي يحبها قلبك في الدور الأرضي و بالطبع سوبرماركت لكل حاجاتك
كما يوجد لاندري (؟؟؟) و قريب وكوتيه كوافير ممتاز و الكونسيرج بيدلك عليهم
اذا انتي في الكمنبسكي ففي نفس الفندق كوافير ممتاز مع خصوصية تامة (غرفة خاصة تاخذين راحتك اذا انتي محجبة)
حتى الرو دو مارشيه قريب جدا (متر)
لكن مشكلة القراند والفور سيزون بعيد (700متر) عن محطة القطار (مدري ليه تسألين عنها ومعكم سيارة) افتر راسي صراحة
و بعيد عن ماتبحثين عنه وخاصة السوبرماركت واللاندري والأسواق
استشفيت من كلامك انك محتاجه هذي الأماكن علشان تنزلين وقت ما يكون الزوج في العمل
او لا مادري ؟
جوابك يعتمد عليه شغلات كثيرة وخاصة في التخطيط اليومي
استأجار السيارة ممكن عن طريق النت اذا معكي لاب توب تدخلين على واحد من مواقع الشركات الكبيرة وتحجزينها
او عن طريق الكونسيرج في الفندق
متظر توضيح اكثر لطلباتك
تحياتي

شكرا اخوي ابو عزيز ،،،،
بالنسبه للفندق انا حجزته عن طريق ال booking.comبصراحه عجبني اكثر عن ويلسون والفورسيزون ما عرف يمكن على الطبيعه احسن من الصور انا يهمني الموقع شو رايك فيه اللي فهمته من كلامك انه الفورسيزون موقعه احلى.
واحنا رايحين سياحه لمدة 6 ايام تقريبا.
بالنسبة للسيارة احنا فكرنا(بس ما قررنا للحين) نستأجرها ليوم او يومين فقط عشان نطلع برع جنيف محتارين بين القطار او السيارة.
بصراحه كنا ناويين نقعد بس في جنيف للراحة والاستجمام لانه تونا راجعين من بلجيكا وكنا مستأجرين سياره ورحنا عدة اماكن وخلاص نبغي مكان نريح فية بس للاسف كل ما اقول جنيف يقولون لي ممله وما فيها شي من جذية انا خايفة وفكرت نطلع برع جنيف مادري شو رايك انته

بالنسبه للجو أفادك أبوعزيز بارد جدا أما الذهاب لأنترلاكن فهي حلوه بس أنا من الناس اللي ما أفضل
سويسرا في الشتاء بأشتثناء اللي مسافرين من أجل التزلج لأن سويسرا في هذه الأوقات شبه كئيبه
البرد والثلج يحبس حركتك وما في شئ تستمتع به

تسلم اخوي بو فهد بس انا شيكت على الويذر شفت ان الجو بيكون مشمس في هالايام وانا مجربة السفر فالشتاء بالنسبه لي احسن من الصيف برد و وناسه

RODAH
الآن اتضحت الرؤية عزيزتي
ماتبحثين عنه ليس غير موجود في جنيف
ارشح لك فندق قراند فيكتوريا في انترلاكن
وبرنامج صغير وخفيف كما يلي
واضح انه اتي في خاطرك جنيف
لذا فكرت بمجرد وصولكم وانا مدري من وين راح توصولون تاخذون 4 ليالي في القراند فيكتوريا
العلماء اتفقوا على وجود شيء غريب في جو ونقاء الهواء في هذه المنطقة اللي فيها انترلاكن
حيث انها تقع بين بحيرتين والجبال محيطة بهم بانوراما اعجز للأسف عن وصفها لك
4 ايام في انترلاكن للأسترخاء في الشتاء انصحك بها وبكل قوة
بافي الأيام خليها لجنيف في القراند كمبنسكي
محتاجة تعملين على التفاصيل الدقيقة للرحلة مثل من وين جايين اصلا
اذا ممكن لزيورخ بيكون رائع
اذا لجنيف فأيضا مافي اي مشاكل
ممكن تاخذين القطار من مطار جنيف وفي اقل من ثلاث ساعات وانتم في انترلاكن
وممكن تاخذون السيارة من المطار لكن لو في الصيف ممكن انصحك
في الشتاء معظم الوقت بيكون للراحة والأستجمام