أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
انا ياطويل العمر الى الأن ماسويت حجوزات التذاكر .جالسه احوس في مكاتب الحجوزات ..كثير من الأعضاء لخبطوني ,,,,لأنو كاتبين اسعار خيالية حصلوها من ناحية التذاكر على طيران الأمارات والأردنية والمصرية واذا كلمت ع المكاتب تبع الحجوزات اعطوني أسعار نار.......... بعدين ياغالينا أنا ناويه السنه هذي ازور المانيا وسويسرا ..أما النمسا فأنا سافرت لها قبل واحس اني حفظتها زي ماني حافظة الرياض ...(قويه صح....)
يعني يا الغالي رتبلي رحلتي وربي يعينك عليا ..
ايش رايك اخلي الوصول على جنيف وأحجزالسياره من المطاربعدها اطلع دايركت على قريه قريبه منها .انترلاكن مثلا واخليها 5أيام نزور كل يوم قريه ومنها أطلع على لوقانو موحب فيها بس عشان حبيبة قلبي فينيسيا,,,ولو كان الوصول لفينيسيا من انترلاكن اواي قريه قريبه منها من غير ما اروح للوقانو لأني ماني عارفه كيف نظام النقاب فيها ؟؟معانا ناس الله يرحم والديك لاتقولي صعبه ............. بعدها اطلع على قارمش او بادن بادن والي تختاره ليا راح يحدد نقطة النهاية أما انترلاكن او ميونخ...........فهمت كل ها الخبطة ولا أعيد أو خذ الخطة الثانية...الوصول على ميونخ والسياره من مطار ميونخ بعدها قامش أسبوع تقريبا عشان نغطي كل قرى ألمانياونروح منها لبادن بادن ورست والذي منه .. بعدها نختار قصدي تختارلي قريه سويسرية على ذوقك نزور فيها قرى سويسرا ومنها نروح للغاليه فينيسيا وبعدها نرجع على فرانكفورت للتسوق ..عارف ليش نرجع لفرانكفورت عشان السياره ما يأخذوعليها ضريبة ..شفت كيف أنا ذكية ... شكرا ماعليك زود الراي الثالث ..بس نقلب يعني الوصول فرانكفورت والعوده ميونخ عشان كذا أنا أسأل مين ألأحسن للتسوق ؟؟اختك ناويه لها نية الراي الرابع ..اني طالبتك تساعدني لأنو والله العظيم مره طفشانه واحس نفسي متلخبطه .. عارفة انك راح تقولي أحسن هذا ألي يخلي نفسه أبو العريف وألف ألف مليون شكر لك اخوي علي لرحابة صدرك وحفظلك غاليك
مساء الخير
ابشري ولا تترددي بالسؤال ..
اولا احب اعرف كم شخص وهل راح تسكنون بشقق او فنادق ؟؟
ثانيا كم يوم الرحله ؟؟ واي شهر ؟؟
المشكله كلها بفينيسيا لانها اقرب للريف النمساوي
لكن ممكن عمل جدول جيد جدا ومناسب للطيران السعودي او غيره
ويكون كالاتي مبدأيي طبعا
النزول مطار ميلان والجلوس بها 3 ايام يوم انزور فيها فينيسيا بالقطار تمشون فيها من الصباح الى المغرب وترجعون بعدها تذهبون الى انترلاكن سواء بالسياره ايجار او بالقطار . بعد انترلاكن الى بادن بادن او ضواحيها مثل روشت .. وبعدها نختم الرحله بفرانكفورت لانها اقرب لكم ونفس فكرة التسوق وزياده من ميونخ بشوي ..
طبعا بتسئلين عن ضريبة التسليم مو مهمه برايي لانها قليله احياانا ولا يحتاج تلخبطين الجدول علشان الضريبه .. نعم ممكن تفاديها لو ما كانت فينيسيا من ضمن المخطط
تحياتي وبنتظاركم
مشكور اخوي ازعجتك..
اخوي احنا 8 اشخاص و راح نستأجر سيارة من المطار,مهما يكون المطار,
الرحلة راح تكون 17 يوم بإذن الله من 27 يونيو الى 13 يوليو..
وب النسبة لميلانو و الله ياخوي ماحبيته..قل ليش؟؟
لانو الي انا اعرفه انو ميلانو في هذا الوقت الجو فيها مش و لا بد..و الرطوبة فيها عالية..لذا ايش رايك نستبدلها بأي قرية قريبة من فنيسيا تكون ذات طابع ريفي أهدأ و اروق..زي مثلا قاردا او لوقانو؟؟
و معليش بغلبك أكثر و أطمع بكرمك المعتاد..كم المسافة بين قاردا او لوقانو و فينيسيا؟
اخوي ابو عمر ممكن انزل في مطار زيورخ السويسري و اطلع منه على لوقانو او جاردا و منها ازور فينيسيا؟؟
كم المسافة بين لوقانو و جاردا؟؟ و السكن فيهم كيف وضعه؟ غالي ؟؟ لانو انا ابغى اسكن اكواخ اذا ممكن؟؟
ومعليش اخوي ابو عمر .كمان ابغى أسألك تتوقع التذاكر على ميلانو وايجار السياره ارخص من زيورخ أو العكس؟؟؟وكم المسافة بين كل قرية والمطارات في ميلانو وزيورخ.........................وسامح أختك على الأزعاج
وقول امين ..الله يكثرمن أمثالك وينولك ماتمنى .يارب
dewy drop
ميلان اقرب لفينيسيا من لوقانو .. لكن ممكن تنزلون مطار ميلان وتاخذون السياره الى لوقانو .. الاجواء بلوقانو وميلان وفينيسيا بهذي الفتره واحده تقريبا
المفروض يعتمد على اخر مدينه قبل ميونخ او فرانكفورت ماهي ؟؟
تحياتي