البدر-
02-05-2022 - 08:54 pm
السلام عليكم
يعجز اللسان عن الشكر للقائمين على هذا المنتدى والاعضاء الكرام على مايقدمونه من توعيه وارشادات
للمسافرون العرب ولا احد ينكر ان هذا الصرح الالكتروني قد غير حياة وبرامج المسافرون العرب الى الافضل
فجزاكم الله عنا خير الجزاء ووفقكم لما يحب ويرضى
هذه المشاركة الاولى لي راجياً من الله ثم منكم افادتي مشكورين
لقد قررت السفر الى النمسا ولاول مرة ولدي بعض الاسئلة
بصراحه تعبت وانا اتكلم فصحى
المهم اولاً وش رايكم بالصرح للسياحه والسفرهل هو يقدر يطلع الفيزا ويحجز الفندق او الشقق ويضبط اموري كلها او الطيار احسن ايهم احسن الشقق اوالفندق لاني احترت ابغى اخذ راحتي اطبخ واستانس ابغى شي مايتعدى 120 يورو
ثانياً وش احسن خط رحله واحسن خطوط حصلت على الاردنية الرياض عمّان فينا ب 4400ريال بس بعدين هونت قلت اروح ميونخ بعدين فينا
الرحلة 14 يوم
ميونخ سالزبورغ زيلامسي فينا شلون ارتب الايام يعني كم يكفي كل مدينه من يوم
ثالثاً حنا راعين طبخ ونثريات اقدر اخذ الكاتم معي وقطمه رز ابو كاس بصراحه انا موسوس ما اثق بالمطاعم
رابعاً الاجواء بشهر اغسطس بالنمسا الجو معتدل والا برد عشان اعرف وش اخذ من ملابس
واشكركم مقدماً تقبلوا تحياتي
البدر
بالنسبة للصرح يقدرون يطلعون لك الفيزا بس من السفارة الايطالية وإذا كنت من أهل الرياض رح للسفارة النمساوية بنفسك وكمل أوراقك وما تاخذ اسبوعين إلا وهي طالعة
بالنسبة للفنادق ياليت لو تحجز بنفسك على النت عن طريق مو قع بوكينج افضل وأوضح و اسهل
هذا اللي قدرت أفيدك فيه
تحياتي