محمد العزيز
25-04-2022 - 05:32 pm
السلام عليكم ورحمة الله
انا بروح لدبي اول اغسطس عشان العيال مره ملزمين يبون يشوفون وش دبي
بس والله ماردنا الا الميزانيه
قلت خل اشاور الاعضاء بالمنتدى ممكن ينصحونا بسكن رخيص لعائله صغيره ونفرح العيال:bounce8:
المهم سكن نظيف لو 3 نجوم عادي المهم نظيف بحدود 300 او 400 ريال
لان بحط ميزانيه للسكن 2000 ريال تكفي خمس او ست ايام في دبي او حتى ممكن نسكن في الشارقه المهم الرخص والنظافه مانبي فخامه
و2000 ريال مصاريف وتسوق بسيط المهم نطلع بشي اسمه من دبي والسياره معانا وهي رحله على قدنا والحمدلله
انتظر تجربة احد او راي احد ولا اجل لازم نكنسل ونقول مافي لاروحه دبي ولا غيرها والله يعين على
نخليها باجازه ثانيه تكون الميزانيه احسن من الحين
س- كيف ادخل مع الحدود تكفي بطاقة العائله الصغيره طلعتها قبل اربع شهور نص حجم القديمه هل تكفي لدخول العائله او لازم جوازاتهم؟؟؟
شكرالكم الله يوفق ويسعد كل من دخل او رد
راح تلاقي وبسهوله ان شاء الله
شوف بها الطريقه ما لك الا تبحث في مناطق الشقق اذا وصلت لدبي بنفسك
راح ادلك علي مكان مليان شقق
شوف روح لبر دبي المنطقه اللي خلف برج مان مول - ملياته شقق تتعب وانت تقول مليانه
اعرف شقق اسمها رامي خلف سوير ماركت سبينس
علي طول في المنطقه اللي خلفه
هذي الشقق غرفه وصاله بس الغرفه مره كبيره تطلع علي المطبخ كبير مره مفتوح علي الصاله
الصاله ديره من كبرها - يعني بتكفيكم ان شاء الله- يعطونك الفرش اللي تبيه زياده
وفيها دورتين مياه
وتقدر تطبخ بعد وراح تلاقي كل شي هناك في كارفور من اشياء انت تحتاجها للطبخ حتي الرز
قيمتها 450 ريال في اليوم
وراح تلاقي عيرها كثير في نفس المنطقه بس دور كويس
وبالنسبه للفلوس ان شاء الله بتكفي لا تشيل هم
والجواز لابد منه لان السكن يطلبونه ما يعترفون بالبطاقه---- لازم جواز
وشوف في اي سفره لازم يكون معاك مبلغ احتياط لو احتجته
وبالتوفيق