وعليكم السلام ورحمة الله وبركاته
موعدكم حلو تخف الزحمه ان شاء الله
وبالنسبه للطيران اشوف طيران الاتحاد رائع
والسعر ممتاز
رحله سعيده

مناسب السعر
والوقت الحالي شهر 7 و8 منتب لاقي دون 3500 ريال على خط سيرك
وانت وقتك بتخف الزحمة كثير
انا مكلم مكتب سياحي ودي احجز 15 اغسطس التذكرة اذا ماني واهم ب 3900 قالي
والمشكلة اني قريت لواحد من الاعضاء انه حاجز على الاتحاد بتاريخ 14/8/2008 جدة ابوظبي بانكوك ذهاب اياب بالعودة الانتظار ساعتين
في ابو ظبي واخذ التذكرة ب2725ريال عن طريق وكالة كانو للسياحة في المدينة
رحلة سعيدة ان شاء الله

اشكركم اخواني على المرور
طيب ممكن يكوون لو احجز عن طريق المكاتب السياحيه ارخص من سعر الوكاله نفسها
لاني اتوقع المكاتب يكوون لها اسعار مخفظه
ولا وش رايكم

اخذ على القطرية ولا الاماراتية ولا الاتحاد كلهم حلوين
بس انا انصحك على الاماراتيه
لانه ترانزيت دبي
مطارهم يفتح النفس اولا وثانيا كل شي فيه عكس مطار ابوظبي ومطار الدوحه
يعني بالعربي راح يقزر عليك الترانزيت
بس الديره راح تكون اغلى من الصيف على فكرة

شوف انا جربت الامارتيه والاتحاد ورحت 4 مرات لتايلند نصيحتي لك خذ الاتحاد افضل من الاماراتيه بمراحل كطيران والاماراتيه جربتها مرتين سيئه ومافيها ميزه الا ان الترانزيت بمطار دبي بس لان مطار ابو ظبي صغير ولك عليه لكن جرب الاتحاد وان شاء الله بيعجبك وانتبه تحجز من موقع الاتحاد يطلع ارخص بفرق 100 وشوي تقريبا عن سعر السوق انا بروح العيد ان شاء الله وحجزت وشريت التذكره ب 2500 والفرق بين موقع الاتحاد والمكاتب ان الموقع ما ترجع لك قيمة التذكره لو هونت لكن المكاتب ياخذون 200 ريال بس ويرجعون الباقي واذا انت بالرياض روح لمكتب الاتحاد بطريق الملك عبدالعزيز قريب من ساكو واكسترا وجنب معرض سوني في مبني بن طامي وطبعا حط في بالك انه لازم تحجز وتشتري التذكره مباشره او السعر راح يتغير كلما تقرب الرحله يرتفع السعر واذا شريت التذكره قبل الرحله بمده قصيره راح يفرق السعر كثير اغلى

شيخ على ربعة
معليش الكلام هذا غير صحيح الفنادق راح تكون ارخص الى نهايه اوكتوبر ومن بدايه نوفمبر تبدى ترتفع الاسعار وانا متاكد جدا من هالشي