الله يهديكم وين الهمه والفزعات
معقوله 12 داخلين الموضوع ولااحد عنده معلومات عن اسئلتي
ابي اعرف بعد اذا فيها مطار داخلي والا لا ؟؟

5o5ah

يا رجل ولا يهمك ولا تزعل
موقع سان سباستيان في الجزء الشرقي من الساحل الشمالي لإسبانيا
وتبعد حوالي 120 كلم عن مدينة بلباو عاصمة إقليم الباسك
وبينها وبين برشلونة 570 كلم وتبعد عن مدريد
وتبعد عن مدريد 460 كلم
ويوجد بمدينة سان سباستيان مطار داخلي

شكرا zaman99s
الله يعطيك الف عافيه ماقصرت
بس انا الحين احترت ماادري كيف ارتب المدن عشان احجز الاوتيلات واخلص
ابي اروح كان(وهذي خالصين منها لاني بجي على مطار نيس بعدين على كان ان شاء الله) بعدها ابي هذي المدن برشلونه وسان سبستيان وماربيا ومدريد ورجعتنا للسعوديه بتكون من مدريد ان شاء الله
وانا معاي 19 يوم ان شاء الله من 24-7 الى 12-8
ياليت اذا تقدر تساعدني بترتيب الايام وخط سير الرحله اكون لك شاكره
كان خليتها 3 ايام وبرشلونه 5 ايام وماربيا 6 ايام بعدين مدريد وسان سبستيان مدري كيف اتصرف معاهم !!!

ليش ما تبدلون سان سباستيان ببلباو وتستأجرون سيارة وتتمشون على مدن الشمال كلها سانتاندير وسان سباستيان وغيرها من القرى لأنها أجمل طبيعة وجو من بقية اسبانيا

والله مو عارفه .. بس مافيني استغني عن الجنوب بعد
ولاادري كيف بيكون التنقل بينهم
ههه المشكله مختاره مدن كل وحده بجههه
ماادري كيف بوفق بينهم الله يعين بس
والف شكر اخوي zaman99s
وسياره ماتوقع نستأجر الوالد مايئيد فكرة اللسياره المستأجره برا

5o5ah
ما قلت لكم استغنوا عن الجنوب وبعدين والله السيارة بتخليكم تنبسطون أكثر وهذا كلام مجرب
وبالنسبة لتقسيم رحلتكم
3برشلونة ثم بالقطار إلى سان سباستيان
5 سان سباستيان ثم بالطائرة إلى ملقا
7 ماربيا بما فيها زيارة مدن الآثار ثم بالقطار إلى مدريد
4 مدريد

الله يعطيك العافيه zaman99s
بس خلاص شلت سان سبستيان من القائمه
وخليت برنامجنا ضمن zaragosa
وصارت رحلتنا 20 يوم مو 19
يعني خليت (كان) 3 ايام
برشلونه 5 ايام
سرقسطه 3 ايام
ماربيا 6 ايام
مدريد 3 ايام
ومن سرقسطه على ملقا ان شاء الله بعدين نكمل المشوار بالقطارات
بس سؤال : الافضل احجز من هنا للطيران من (كان) الى برشلونه !! او من هناك عشان يمكن القى ارخص من اللي بلاقيه هنا؟؟
وبرضو الطيران اداخلي في اسبانيا احجز الحين عن طريق مكتب سياحي او من هناك!!
والف شككر

5o5ah
اسمحي لي هذا غلط كبير
سرقسطة اللي تسمى بالإسباني zaragoza ما تستاهل
مدينة متوسطة تقع بين برشلونة ومدريد وحرام تجلسون فيها وتفوتون سان سباستيان
وبرشلونة 5أيام واجد عليها خلوها أربعة وشيلو سرقسطة وحطوا بدالها سان سباستيان لمدة أربعة أيام
وبالنسبة للطيران الداخلي بأسبانيا الحجز من النت أرخص بس حاولوا تحجزون بدري كل ما بكرتوا بالحجز حصلتو ا سعر أحلى

5o5ah
حياك الله لكن سان سبستسان وسانتدير اقليم افلياس مطلات رائعه على البحر ماتتفوت بالسياره رحله ولا اجمل انا اشوف الي مايأجر سياره يقودها بنفسه في اوروباء محروم من متعه كبيره