- وبالنسبه للي يبي استخراج فيزا متعددة السفرات يجيب خطاب دعوه..
- ايام دوام السفاره السبت والاثنين والاربعاء
السلام عليكم ورحمة الله وبركاته
في البدايه كان الذهاب الى بعض المكاتب لاسخراج الفيزا والسؤال عن المتطلبات وقيمة الفيزا ومدة استخراجها...
فكان جوابهم بالنسبه للطلبات كالتالي :- الجواز وصوره من الجواز
- تعريف من العمل
- صورتين شخصيه
- حجز للفندق
- حجز طيران
- خطاب دعوه
- تعبئة الفورمه الخاصه بالسفاره
بالنسبه للفيزا لمرة واحده كانت ب 500 ريال واذا مستعجله ب 600
وبالنسبه للمتعددة كانت ب 750 اذا ماخاب ظني و مستجله ب 850 ريال
طبعا بالنسبه لنا ما عجبنا الوضع لا من ناحية السعر ولا من ناحية المتطلبات وخصوصا خطاب الدعوه و حجز الفنادق...
فكان الخيار الاخر الاتجاه الى البحرين بما اني من سكان المنطقه الشرقيه فهي اقرب من الرياض...
لما وصلنا السفاره قالوا لنا ما نطلع فيزا الا للبحرينين والمقيمين في البحرين او اذا كان عندك بطاقه سكانيه في البحرين...وعلى فكرة قيمة الفيزا للبحرينيين 80 ريال واغيرهم 125 ريال والمستعجله 225 ريال..
قعدنا نحاول يمين يسار ... نتمسكن شوي مافي فايده... قالت الموظفه اللي هناك عندكم حل واحد انكم تروحون للسفاره السعوديه وتجيبون ورقه من عندهم بعدم الممانعه باستخراج فيزا لنا...
قلنا اوكي واصلين لين هنا وش اللي يمنع من المحاوله...رحنا للسفاره و اول مادخلنا قابلنا واحد على مكتب من خلف النافذه... وقبل ما نكمل كلامنا قال ما نعطي وهو قاعد يقرا جريده... الاخلاق ماشاء الله كانت عال العال.. بعد في مثل هالمواقف ولا تفكر انك تحاول معاه...
عموما محاولة البحرين بائت بالفشل...وكان الخيار الاخير الاتجاه للرياض... وقبل مانروح اتصلت على السفاره وقلت لهم وش الطلبات..وكانت كالتالي:
- الجواز وصوره من الجواز
- صوره شخصيه واحده
- تعريف من العمل
- تعبئة الاستماره الخاصه باستخراج الفيزا
وبالنسبه للي يبي استخراج فيزا متعددة السفرات يجيب خطاب دعوه..
عموما وصلنا عند السفاره وصفينا سرا مع الناس ...السفاره تفتح من الساعه 9 الى 2 ظهرا...
اول مايفتحون البوابه يدخلون 10 ويوزعون عليهم ارقام وبعد نص ساعه يدخلون 10 اخرين وهكذا.. انا كنت في الدفعه الثالثه... ولما دخلت تفاجئت بأن اللي دخلوا قبلي ماخلص منهم الا عدد قليل بس... جلسنا ننتظر دورنا واحسن مافي صالة الانتظار انهم حاطين شاشه كبيره و عارضين عليها افتتاح اولمبياد بكين..
كان فيه موظف واحد يخلص الموضوع وبعد الساعه 12 جات وحده ثانيه وبدت تخلص معاه...
طبعا بأمكانك ادخال 30 جواز ماعندك اي مشكله وكان هذا من اسباب التأخير ان البعض كان عنده اكثر من جواز..
قيمة استخراج الفيزا لسفرة واحده ب 250 ريال واذا تبيها مستعجله ب 330 ريال...
ايام دوام السفاره السبت والاثنين والاربعاء
- فيه نقطه حبيت انبه عليها...حاول انك تبكر في الوصول الى السفاره لانك لو كنت متأخر ودخلت الى صالة الانتظار وجات الساعه 2 وماجا دورك يعني راحت عليك بيقولون لك ارجع يوم ثاني وصف من جديد... هذا الكلام سمعته من واحد صارت له هالمشكله...
