السلام عليكم و رحمة الله و بركاته
فالبداية اشكر جميع من ساهم في مساعدة اخوانه و خواته و ارشدهم على الطريق الصحيح
و اشكر كل من يسأل لان من خلال الاسئله و الاجابة عليها نستفيد
فجزاكم الله عنا كل خير و بارك الله في جهودكم
اما بعد
بعد دخولي لهذه البوابه و انبهاري بالتقارير
غيرت وجهة السفر و قررت ان تكون اوزنجول هي الوجهه و الهدف
فيا اخواني اختكم فالله محتاسة اشوي و متوهقه
انا و الوالد بنسافر الى تركيا تقريبا 14 يوم باذن الله
لا الوالد و لا انا عندنا خبره فالموضوع
لكن من كثر ما كلمته عن المنطقه حبها و قال ياله يا بنتي مشينا عليها
و خصوصا اني من زمان ما سافرت و بصراحه ما ابي تكون السفره ممله او غير ممتعه
لان بصعوبه قدرت افرغ وقت لها فما ابي اخسرها
و قلت يا بنت مالج الا اخوانج فالبوابه هم اللي بساعدونج
ادري طولتها عليكم عندي مجموعة استفسارات
و اتمنى من أي شخص اذا دخل و كان عارف جواب لسؤال واحد لا يبخل علي فيه
لاني و الله بحاجه لاي خبره و معرفه ..بصراحه ضايعه اشوي
عندي مجموعة اسئلة :
بالنسبة لاسطنبول **********
اول سؤال:
حجزت من الكويت الى اسطنبول
لما جيت احجز طيران داخلي
مثل ما عرفت من المواضيع
رحت لشركة النور و لقيت حجز و لله الحمد لكن فيه مشكله
صحيح ان من اسطنبول اى طربزون
لكن لاحظت ان مو نفس كود المطار
انا اجي من الكويت الى مطار اسطنبول SAW و عرفت ان اسمه
Sabiha Gِkçen International Airport
اما بشركة النور ما لقيت الا اسطنبول و الاختصار حاطينه
HAL ??
ما عرفت اذا نفس المطار و لا لا؟؟ من البحث عرفت ان فيها مطارين الثاني اسمه
Atatürk International Airport
لكن اشلون الاختصار اللي طلعلي بشركة النور؟؟ ما ادري؟؟
رحت للطيران التركي لقيت بنفس المطار اللي راح انزل فيه لكن للاسف الوقت ما يناسب؟؟ راح يضيع علي يوم بالوصول و يوم بالعوده؟؟ شنو تنصحوني فيه؟؟
2: احتمال نقعد في اسطنبول يمكن يوم فشنو المكان اللي اقدر ازوره و يكون قريب من المطار؟؟
3: اسم فندق في اسطنبول يكون زين و رخيص لليله وحده؟؟ و اسم مطعم تنصحوني فيه؟؟ وما يكون بعيد .
4: اذا ابي اشتري شريحة تلفون هناك ؟؟ من وين اشتري هل من المطار ؟؟او لا و شنو احسن شركة اذا عندهم اكثر من شركة؟؟
5: سعر التاكسي؟؟ الى المناطق اللي قريبه من المطار يعني بالتقريب؟؟ عشان اعرف المتوسط و عشان اتجنب النصب؟؟ لان لا انا و لا الوالد عندنا خبره
بالنسبة لطربزون **********
نفس السؤال الثاني و الثالث بطربزون؟؟
1:فندق نظيف لليله وحده؟؟ و يكون سعره زين يعني يكون مستواه 3 الى 4 نجوم ؟؟ عشان ليلة وحده قبل الذهاب لاوزنجول
و اسم مطعم تنصحوني ازوره ؟؟:2
اذا بروح من طربزون الى اوزنجول؟؟ كلمنا مكتب قال 150 دولار؟؟ معقوله؟؟ و لا غالي؟
عطوني الله يخليكم المتوسط؟؟ بالتقريب يعني؟
بالنسبة لاوزنجول **********
لقينا واحد تركي عندنا بالكويت خليناه يكلم فندق انصار