جعل ايامكم كلها سعادة يا رب.
اذا نزلت زيلامسي خبرنا على اي قطار هل فيه تغيير والا بدون . وكذلك الاجواء

الحمد لله علي السلامه ..واستمتع بوقتك ولا تضيع اي وقت بالنوم
ممدي علي التبطح والنوم والكسل ...
وليتك تجيب لنا شوي براد وانت جاي ترانا ماعاد نقدر نتنفس....!!!
اننا نغرق تحت الغبار انقذونا خ...

لحمدلله على السلامة رحلة موفقة ان شاء الله

الحمدلله عالسلامة وموفقين باذن الله

بالتوفيق الله يجعل كل ايامك سعادة

اشكركم جميعآ الله لا يهينكم
ابو اياد ابشر طال عمرك من هذي قبل هذي
اخوي فهد التبطح والله هنا في حديقة القصر وحديقة لكسنبرق وبكل مكان

الحمد لله على السلامه
اخوي خالد وين رحتوا في هاليومين في فينا
وش الاماكن الي زرتها وتنصح بزيارتها ,, وش الاماكن الي ماتستاهل العنوة
يسلمك ربي

الحمد لله على السلامة وعطنا الأخبار أول بأول لأن ان شاء الله ناويين على فينا وزيلامسي بعد اسبوعين

1. أخوي الحر .. اختي مزيونه


2. بالنسبة للقطار من فيينا الى زيلامسي :

أخوي الحر .. اختي مزيونه

آسف على التأخر في الرد وهذا بسبب اني رحت زيلامسي وسكنت في شقق ما فيها انترنت و اليوم رجعت فيينا
بالنسبه لفيينا فيها اماكن حلوه الصراحه : حديقة قصر الشنبرون وهذي لحالها روعة ما تنتفوت الصراحه . حديقة لكسنبورق على ماظن اسمها كذا خيال سبحان الله ما كأنك في الدنيا . نهر وبرج الدانوب . الجبل المطل على فيينا كلها . ملاهي البراتر شي حلو والله . حديقة ستاد بارك وهي قدام الفندق اللي انا ساكن فيه وهو الراديسون ساس . بالإضافة للساحات الموجودة للتمشية يعني بالعربي تدقها كعابي وتمشى بوسط فيينا القديمه ( منطقة الرنق)

بالنسبة للقطار من فيينا الى زيلامسي :

والله يا احنا اكلنا خابور ابن كلب .. مشينا من فيينا الى سالزبورق وغيرنا القطار في سالزبورق ( الى الآن الأمور تمام ) . بعد ما مشينا بربع ساعه اكتشفنا ان قطارنا من فيينا متأخر نصف ساعه وقالوا لازم بعد تغيرون القطار بعد محطتين وفيكم تلحقون ويمكن لا بعد . وصلنا البليه المحطه اللي نبي نغير فيها ويوم نزلنا لقينا القطار الموصل لزيلامسي (هاجن عنا ) يا سلام فله ابلش بهالمقطعه عاد !! قالوا الموظفين هناك لازم تصبرون فيه قطار بعد ساعتين . والصراحه ما فينا حيل نصبر واخذنا تاكسي بسبعين يورو والشكوى لله .
بس زيلامسي تستاهل هالعذاب اللي مرنا .
نصيحه للي بيروح بالقطار : اضبط وقت التغيير بين القطارات مهب مثلنا تقل برابر منطلقات بحوش ركض ركض وبالتالي هج القطار خ .
ثانيآ : اعرف بالظبط كم راح يتغير القطار الى المدينه اللي انت رابح لها .
آسف على الاطالة
واي خدمة تامرون امر