الاجنبي يدخل الخليج معزز مكرم نافخ ريشه بدون فيزا ويستلمها بالمطار
ماتوقعت لهاذي الدرجه ؟!
كأن نطلب حريتنا بفلوس والي مفروض تكون حرية بدون مقابل
و هو المفروض العكس
بس شنو نسوي ,,
مشكورة على الطرح

اجراءات الفيزة باغلب دول الخليج للشنغن و حتى الفيزة الامريكيه صارت سهله
باستثناء السعوديه طبعا, وهذا بسب بان الاجانب كلهم مجبورين ياخذون فيزة للسعوديه واجراءاتها صعبه وتطول
علشان كذا صارات اجراءاتهم ضدنا اصعب من باقي دول الخليج

صحيح ان الفيزا الامريكيه اسهل من الاول............لكن المسخره اللي تحصل لنا في مطار جون كيندي (نييورك)
والطوابير الطويله بعد عناء سفر طويل في الطائره بسبب (فوبيا الارهاب) المبالغ فيه والمصاب به الشعب الامريكي
الذي تسيطر على عقليته هوليود وافلامها مثل ما قال الممثل العالمي(عمر الشريف)...المهم............ان هذه المسخره
وطريقة التعامل الجافه تجعلك تشعر بانك قدمت اليهم بانتظار حسنه!!...لا تشعر بقيمتك كسائح مرحب به في بلد يشعرك بشكره لاختياره بين بلدان العالم كافه لقضاء اجازتك فيه......يبقى الاختيار هو اختيارنا والخطأ هو خطأنا.

اعذروني ع العصبية وش اسوي شي يقهر صراحة
حنا بس نبي معاملة بالمثل مانبي شي ثاني
والي يقهر حنا الي نزيد من تغطرسهم بدل المقاطعة

وعليكم السلام ورحمة الله وبركاته
صعبة المعاملة بالمثل في هذه لاسباب كثيرة التفارق بين الدول و فيه اوروبيين بنفسهم محتاجين فيزا لبعض الدول
مثلا الاسباني يحتاج فيزا للصين يعني عادي
فيه جملة مافهمتها لو نقاطعهم شو يصير فيهم شو راح يصير مافهمت
في اطار المعاملة بالمثل تونس عملت نفس الشي مع دول الخليج من باب انو التونسي يحتاج فيزا للخليج فتونس فرضت
فيزا على الخليجيين
ارجع واقول صعبة
يعطيك الصحة
تحياتي

planazur
عليكم السلام ورحمة الله وبركاته
اعتقد السعودي والبحريني يدخل تونس بدون فيزا اما الباقي ما عندي خبر
لكن اعتقد جميع دول الخليج تدخل دول المغرب العربي بدون فيزا عدا الجزائر
هذا الي اسمه معاملة بالمثل
بالنسبة للمقاطعة لو الخليجي يوفر شوية بالدراهم والريالات والدينارات يكون ابرك او انه يروح لاحد البلدان العربية الحمدلله ما نتعرض للمواقف هاذي بالدول العربية عكس الدول الغربية كان رايحين نطلب حسنات
وعلى طاري بعض الجنسيات الاوروبية تكون معفية من الفيزا في أغلب دول العالم اذا الاسباني يدخل الصين بالفيزا في دول اخرى مايدخلها بالفيزا ومنها دول الخليج والدول العربية
الدول الي تفرض فيزا على الامريكان الاستراليين الكنديين والاوروبيين مهوب واجدة يعني على راسهم ريشة

صدقيني اختي هم مادروا عنا سوا عاملناهم بالمثل ام لا
الدول العربيه كلها لاشيئ!!!
اجمالي الناتج المحلي في ولاية كالفورنيا اكبر من الناتج المحلي لكل الدول العربية مجتمعه...اكرر ولايه كلفورنيا بس
والمعاملة بالمثل انتقائية فمثل ما ذكر احد الاخوان تونس تفرض تاشيرة على السعوديين والخليجيين جميعا- باستثناء الامارات- كمعاملة بالمثل لان هذه الدول تفرض فيزة على التونسي
لكن لايوجد تاشيرة على الفرنسي الذاهب لتونس رغم ان التونسي يحتاج فيزة -شنغن- اجراءاتها صعبه جدا للسفر لفرنسا
هنا نجد ان المعامله بالمثل انتقائية
طبعا كخليجيين لم يؤثر فينا هذا القرار التونسي لان تونس ليست مقصدا مهما للسفر بالنسبة لنا
وهذا نفس المبداء الي تمشي عليه الدول الاوربية
حطينا فيزا او شلناها ماراح يفرق لان الحاجه لنا ان اردنا.
الامريكي والبريطاني يحتاج فيزة للسفر للسعوديه مثلا لكن وش يصير؟؟...نظرا لحاجة الشركات الكبرى لامريكيين او بريطانيين للعمل في بعض المجالات نجد ان تلك الجهات داخل المملكة هي الي تقوم بعمل كافة الاجراءات لاصدار تلك الفيزة لانهم هم الي محتاجين هؤلاء الاشخاص بينما لاتعتقدين ان الامريكي يبي يصف طابور قدام السفارة السعوديه علشان يسوي مقابلة شخصية و ياخذ فيزة ...انسى طبعا