اهلاا وسهلاا
اختي للامانه انا مازرت قارمش
لكن على حسب كثير الكلام ان قارمش نفس زيلامسي
وعلى فكره زيلامسي اروع من قارمش
يعني لو رحتي زيلامسي راح تشوف قارمش ولا شي
حاولي قدر الامكان انج ماتسكنين في زيلامسي
وذلك للإزعاج اللي فيها
سالزبورغ حلووه
منو قالج انهاا مو حلووه
والقرى اللي خارج سالزبورغ احلاا منهاا
مثل قرية وولف قانق والقطار البخاري اللي فيهاا
ومثل قرية فوشيل ام سي
ومثل قرية سانت جيلجن وقرية موندسي
جميع هالقرى لديهاا بحيراتهاا الخاصه ذات الإطلاله الجميله
بالنسبه لتأجير السيارات
لماذا يقولون تاجير من المانيا افضل
لان المانيا ارخص من النمسا
يعني النمساا دبل سعر المانيا
والمانيا لهاا خاصيه التاجير والمميزات الجميله
من اهماا موديل السياره ونضافتهاا والتامين الشامل الرخيص
شهر 9 والله للأمانه ماني عارف الجو هنااك
لكن اتوقع ان الجو جميل
قمة كابرون اول ماتوصلين المرحله الاولى راح تلقين لوحة بالعربي ان يوجد تاجير الملابس الثلجيه
والأحذيه الثلجيه اكمرك الله
ولاتنسين تاخذين النظارات معاج اذا كان الجو صحوو
لان الشمس تعكس على بياض الثلج وهذا راح يجهرج
تاجيرهم فقط على الاحذيه والجاكيتات فقط
ممكن تستغنين على الجاكيت وتجبين وياج
لكن الحذاء ضروري لانه متخصص بالثلج
وهو اقرب الى البوت
قمة كابرون او اي قمه اخرى
والزحلقيه الصيفيه
اذا كان الجو ممطر تغلق واذا كان الجو غائم وفرصه لحصول امطار ايضا تغلق
لكن ليست كل القمم
اذكر اني في انترلاكن صعدت قمه ثلجيه وكان الجو ممطر وكانت مفتوحه
بالنسبه لتاجير السياره يوم السبت
الاحسن مراسلة الشركة علشان تاخذين الخبر الاكيد متى راح تستلمين السياره علشان تلحقون عليهاا
فينيا ماتحتاجون السياره لكثرة الانقراوند والباصات
ومع ذلك مايمنع التاجير للسياره في فينيا
لكن ترااهاا غاليه تاجير السياره فيهاا
ختامآ
لو تعكسين مخطط الرحله
وتكون ميونخ زيلامسي سالزبورغ فينيا
وتسلمين السياره في سالزبورغ من قرية فريلاسنق الالمانيه وهي قريبه جدآ من سالزبورغ
وتطلعين فينيا بالقطاار
والعوده من فينيا
هذا راأي وجهة نظر
وان شاء الله الخبراء ماراح يقصرون وياج
واذا ممكن من الخبراء التعديل في ردي على استفسارج
لهم مطلق الحريه
فهناا في هذا المنتدى تعلمنا المساعده والتعديل
تحيتي لكٍ ..

اهلا اخوي مشكور وما قصرت على الرد
بس صعب اغير تبديل التذاكر لان خلاص احنا دفعنا قيمة التذاكر على الخطوط القطرية واهي بحرين فينا ميونخ بحرين
انا ممكن اتم على مخطط فينا سالزبورغ زيلامسي ميونخ
بس انا وزوجي حابين نروح الى قارمش وفوسن وشوانجو وهذلين قريبين من بعض من التقارير الناس تروح لهم من ميونخ طول اليوم ويرجعون بس انا برجع السيارة وميونخ عندهم مهرجان ومن نص سبتمبر اسعار الفنادق نار
المسافة بالسيارة من زيلامسي الى قارمش 3 ساعات ونص ومن قارمش الى فوسن ساعة من جذي فضلت اسكن ليلتين هناك خصوصا ان معاي ولدي الصغير
وبالنسبة للمرتفعات عادي يكون معاي الصغير وعندهم له ملابس
والف شكر لك على سرعة الاجابة

فيننا 3 ليالي
سالزبورغ 2 ليلتين
زيلامسي 5 ليالي
قارمش ليلتين
ميونخ 3 لياليهذا افضل مخطط وتستلمين السياره من القريه الألمانيه فريلايسنق طبعا تكون قادمه لسالزبورغ بالقطار من فيينا
وبالنسبه للصغير الله يحفظه مافيه مشكله بس لبسيه لبس ثقيل وتوكلي على الله
انا شفت اطفال بأعماره في الثلج
وفي الزحليقه اتوقع مافيه مشكله تركبينه معك وتتوكلين على الله
وشركات التأجير اتوقع تكون مفتوحه طوال ايام الاسبوع بس للتأكد ادخلي على مواقعهم
هذا اللي اعرفه والله يسهل اموركم
وإن شاء الله سفره سعيده ميسره