نسيت بعد عالم مدهش بنتي تحلم فيه من كثر ما ودها تروحله
متى الوقت الافضل لزيارته؟؟

1. اجازه سعيده انا رايحه دبي يوم الجمعه ان شاء الله

1
السلام عليكم

اجازه سعيده انا رايحه دبي يوم الجمعه ان شاء الله

عندي اطفال في سن طفلتك باوديهم معاي سكاي دبي بس مادري ابو اربع يدخلونه والا لا
بس باجيب معاي قبعاتنا وقفازاتنا والدلاقات اللي شريناها من قبل من مول الامارات انما انصحك تجيبينه من عندك لا احنا عايله كبيره.............. واحد من عيالي طلع منها ازرق لانه ما ثقل في اللبس والحمد لله الماء اللي في الحمامات اللي جنب الثلج كان حار رجع له لونه................ بس استمتعوا كثير كثير
بس اختي باسئلك وين بتودين الطفل ابو ثلاث شهور هذا اعتقد انه مشكله ؟؟؟
2) دبي مول
شنو الشي اللي مايتفوت فيه؟؟
اعتقد انه مول جديد وكبير والمحلات فيه كثيره
3) الاتلانتس
فكرت ادخل بس الفندق بما ان عددنا كبير.شرايكم يكفي؟؟
احنا فكرنا نحجز فيه بس لقيناه غالي
4) الوايلدوادي
بنتي بتستانس فيه ولا لأ؟؟ فكرت نروح وقت المخصص للنساء
انا قريت في منتدانا الغالي ان النساء لهم ثلاث ساعات فقط من 9 الى 12
5) ودي بشي يونس امي وابوي بما انهم كبار ويحبون هالسوالف ففكرت بعشاء بقارب مائي
قريت عن قرية البوم هل هي الاحسن ولا في شي احلا منها واكشخ وكم التكاليف المتوقعة عشان ارتب الميزانية؟؟
حنا 6 كبار وعيالي الصغار
اعتقد القريه التراثيه بعد بتعجبهم وفي فندق القصر مشيهم فيه
ولا تنسين اكواريم دبي حديقه الحيوانات المائيه
حديقه الخور بعد حلوه وفيها تلفريك
احنا بنروح وندر لاند اللي في ام القيوين لاني سمعت من اعضاء المنتدى انها نفس اللي في دبي لاكنها ارخص تذاكرها 100 ريال للفرد
وحاطين في جدولنا حديقه الحيوانات ومدينه مدهش حديقه زعبيل
مركز وافي فيه سوق خان مرجان
مول مركاتو فيه فعاليات عالم القصص والرقص الفكاهي واستعراض الطبول
الانصار مول بدايه الشارقه فيه معرض سوري
دبي الاوت لوت مول شارع الامارات اسعاره مخفضه
سوق التنين ( الصيني )
بجانب فندق الادريس نافوره راقصه عرضها كل ساعتين
مول فستيفال فيه فعاليات من الخيال وخيمه شعبيل مع العشاء
اتمنى ان يكون برنامجنا اعجبكم
واسواقي اللي كل مره لازم امر عليها نايف ومرشد وجلابيات سوق عكاظ والوصل
ومطاعمنا اللي ما نغيرها صدف حاتم اصفهان والهندي ومطعم اسماك في الشارقه
ولازم امر على سوق الذهب اللي في الشارقه لانه ارخص من دبي
اجازه سعيده

بالنسبة لمدهش روحي فترة الصباح وراح تستانسين انتي وعيالك

اختي شعاع اخر الليل
شكرا جزيلا على هالمعلومات .. اسعدني ردك
اجازة سعيدة لك بعد
تسلم اخوي الكابتن ماقصرت
الصباح مو حر هالايام ؟؟

om ebraheem
معليش ماقدرت أخدمك بالباقي بس رديت عاللي أعرفه و مجربته وشكرا

1. حنا 6 كبار وعيالي الصغار

1) مول الامارات + السكي
سؤالي/ ناخذ معنا قبعات وقفازات للبرد زيادة على اللبس حقهم ولا مايحتاج؟؟
لبسهم يكفي، بس اخذي معك للاحتياط طالما معك أطفال
بنتي عمرها 3 سنوات ونص تدخل ولا لأ؟؟
تدخل طالما بتدفعين لها و تشترين تذكرة
2) دبي مول
شنو الشي اللي مايتفوت فيه؟؟
حوض الأسماك، و النافورة الراقصة (رحوا في المساء أفضل)
3) الاتلانتس
فكرت ادخل بس الفندق بما ان عددنا كبير.شرايكم يكفي؟؟
وش المشكلة بالعدد؟ ممكن تتوزعون على مجموعتين مثلاً، الأجانب يجون مجموعات و ما فيهم إلا العافية. أعتقد إن زيارته حلوة و لو للاطلاع.
4) الوايلدوادي
بنتي بتستانس فيه ولا لأ؟؟ فكرت نروح وقت المخصص للنساء
المكان ممتع للأطفال و الكبار، فالألعاب متنوعة و حلوة، و يوم الخميس مخصص بالكامل للنساء (و ليس 3 ساعات فقط)
5) ودي بشي يونس امي وابوي بما انهم كبار ويحبون هالسوالف ففكرت بعشاء بقارب مائي
قريت عن قرية البوم هل هي الاحسن ولا في شي احلا منها واكشخ وكم التكاليف المتوقعة عشان ارتب الميزانية؟؟

حنا 6 كبار وعيالي الصغار

مشكلة هذه الرحلات إنها رسمية نوعاً ما، و ما تصلح للأطفال لأنهم بيملون بسرعة و كأنهم مسجونين بمكان صغير(مدتها ساعتين). أقترح إنكم تعوضونها برحلة خاصة فيكم. استأجروا قارب صغير يتمشى فيكم لحالكم و براحتكم، و تكلفته حوالي 50 -75 درهم لمدة نص ساعة (بغض النظر عن عدد الأشخاص) ، و ممكن تزيدون المدة إذا عجبكم الجو.
بالنسبة للوالدين الله يحفظهم و يرزقك برهم، فإن مشكلة دبي في الصيف هي الجو، لذلك ما لكم إلا الأماكن المغلقة مثل المجمعات التجارية، و أقترح تروحون مدينة جميرا، مكان حلو و رائع للجميع. فيها سوق قديم و مكيف، و فيها جولة صغيرة بين الفنادق بقارب، و ممكن يتمشون على البحر.
و كذلك قرية التراث (جنب نفق الشندغة) ممكن يتمشون فيها شوي، و تجلسون في أحد المطاعم المطلة على الخور.
6) محتارة لباقي الايام لأني احاتي بعيالي فياليت تعطوني اقتراحات مع العلم اني شايله من بالي المولات العادية والسفاري

• مدينة مدهش بالتأكيد مهمة و حلوة حتى للكبار، فيها ألعاب و جلسات و تراث، و مسرح اليولة.
• جميرا بيتش ريزدنس (The walk) حلو للتمشية مساءاً.
• زيارة منطقة تراث الشارقة التي تضم متحف التراث وبيت خالد بن ابراهيم ومتحف الخط العربي وبيت النابودة ومتحف مدرسة الإصلاح وكذلك زيارة متحف الشارقة للفن ومتحف الشارقة للحضارة الإسلامية ومتحف الشارقة للآثار ومتحف الشارقة للعلوم ومركز الاستكشافات العلمية والحوض المائي بالشارقة والمتحف البحري وقناة القصباء ، والعجلة الدوارة الشهيرة - عين الإمارات .

شعاع اخر الليل
اختي شعاع الكريمة وماهانو الأعضاء الباقين
ذكرتي مطعم اسماك في الشارقة ممكن تزودينا بأسمه وموقعه وكيف اسعاره
انا سمعت الأخوان يتكلمون عن مطعم اسماك في الشارقة و هو على ما اعتقد على طريق دبي ما ادري هو نفسه اللي تقصدينه؟؟؟
ارجو من لديه معلومة افادتنا

وايد مستانسة اني في احد رد علي وما انصفطت زي كل مرة
اختي كولمبوس مشكورة واايد ومن جد ماقصرتي
يارب يجزاك الجنة ووالديك.
اخوي سعود بن محمد كفيت ووفيت ودايم ردودك تبرد على القلب ماشاءالله عليك
بالنسبة للاتلانتس اقصد العدد كبير عشان التذاكر اذا بندخل كل شي فيه اتوقع يصير كثير على حسب ماقريت
اما اجميرا بيتش ريزيدنس فكل يوم بنتمشى فيه ان شاءالله بما ان ساكنين فيه
القارب الخصوصي فكرته وايد حلوة بس وين نلقاه؟؟
بالنسبة للشارقة ما توقع يبونها لأنهم مالين منها بما ان الوالد خطاط محترف وحنا جايين معاه عشان يسلم لوحاته لمتحف الشارقة للخط العربي لأنهم مسوين معرض برمضان.
مرة ثانية شكرا من الاعماق اخوي سعود

om ebraheem
حياك الله اختي ام ابراهيم، و لا تنسينا من دعائكم
مشكلة بعض الأعضاء الله يهديهم أنهم ما يبغون يكلفون نفسهم و يبحثون حتى لو كان البحث سهل و واضح، مثل أسعار الفنادق، أو البرامج و الأماكن، خصوصاً إن في تقارير مفصلة و ترد على طلبهم.
عموماً، الاتلانتس زوروه و مو شرط تدخلون كل شيء، عندك مثلاً محل آيس كريم يجنن، اجلسوا فيه و ادعوا لي لأنه بعد الحر يطلع له طعم ثاني، و بعدها تمشوا و شوفوا الفندق بس. أحواض الأسماك ممكن تشوفونها من برا بدون دخول المتحف، و اللوبي و الشاطيء كلها ببلاش.
بالنسبة للقارب، تلقونه في شارع بني ياس المطل على الخور مباشرة. و للعلم ليس هناك موقف محدد للقوارب، و لكنها في المنطقة المقابلة لفندق راديسون ساس و بلدية دبي تقريباً.
هناك قوارب خشبية و أخرى حديثة، و سعر استئجار قارب خاص بكم يتراوح بين 100 - 150 درهم/ الساعة، بغض النظر عن عدد الأشخاص.