love words
20-07-2022 - 02:58 pm
السلام عليكم ورحمة الله
مساكم الله بالخير جميعا
بصراحه يا شباب احترت واتمنى انكم تشيرون علي
انا ودي اطلع لتركيا مدة 12 يوم لكن كل ما سألت ناس تقولي انها غاليه وفيه ناس تقولي لا بالعكس تركيا مناسبه جدا
وحتى اني فكرت اروح دوله ثانيه غيرها مع اني من زمان ودي اروح لها
انا حسبت بناءا على المعلومات اللي اخذتها من المنتدى والمعلومات من مواقع السياحه واسعار التذاكر
من عند الخطوط التركية بيطلع تقريبا مصاريف السكن ومصاريف التذاكر تقريبا 11500 ريال سعودي شاملة الرحله الداخلية بين استبول وانطاليا
وانا ميزانيتي تتراوح من 18 الف الى 20 الف ريال
احنا شخصين انا وزوجتي بس
وفي بالي ازور مدينتين استنبول وانطاليا
اللي مخوفني انه يقولون المصاريف اليوميه للاكل والتمشية غاليه جدا
طبعا التاكسيات يقولون مره غاليه فجا في بالي اني استغني عن شي اسمه تاكسي واستغل المواصلات العامه
انا سمعت ان عندهم مترو لكن هل سهل التنقل فيه اخاف اركب ولا القى نفسي الا باخر الدنيا
واللي عنده فنادق معينه ينصحني فيها بالمدينتين بكون له شاكر
اما الاماكن فالشباب بالمنتدى ماقصروا لقيت اماكن فعلا تستحق الزياره :x1:
انتظر ردكم ياخبراء بلاد الترك
و اذا مخطط رحلتك هاليومين فاتوقع "انطاليا" ما تصلح ابد .. لان احلى مافيها البحر و شواطئها فبالشتاء ما حتستمتعون بهالشي ,, اما لو مقررين بالصيف فاكيد حتكون حلوة .
و بالنسبة للمواصلات العامة و المترو تحديد فهو جدا جدا سهل ,, يعني كل المطلوب مراجعه بسيطة لخريطة المترو و حتصير خبير فيه ,, و ما تخاف ما يضيع هو اساسا محطاته محدودة .
نصيحة ... خصص لك يومين او ثلاث من هال12 لزيارة بورصا