اصرف من السعوديه ليره تركي ويفضل تسكن قريب من الترام ( قطار فوق الارض ) انصحك بفندق polatdemir بمنطقه اكسراي قريب من كل شي وتركب الترام ب 1.95 ليرتين الا خمسه قروش ونصحيه لا تركب تاكسي وحاول ان فلوسك تكون خمسات وعشرات وعشرين ابعد عن الخمسين والميه وكاسر ويفضل تروح سوبر ماركت كبيره يستخدمو جهاز كاشير وخذ كل التموين بيبسي كيكات عصاير الخ عشان ما يستغلونك انا اول ما جيت كنت اخذ البيبسي ب 5 ليره واللحين صرت اخذه بليره ومره بليره ونص واذا اضطريت تدخل بقاله اشتري اغراض وبعدين سوي نفسك تحسب علي انك عارف الاسعار واعطه عشرين ليره عشان يرجع لك الباقي لان لو قلت له كم بيرفع السعر

توي شيكت علي الفندق بتاريخ سفرك طلع السعر 3671 مره مرتفع السعر انا اخذته 5 ايام ب 1200 الفندق نصيحه اسكن بارخص شي اهم شي يكون قريب من المواصلات العامه لانك ما بتروح فيه الا وقت النوم ودايم خبي فلوسك وجوازك بالفندق لا تحطها بالخزنه خبيها ورا الدولاب او تحت السرير او اي مكان يصعب الوصول له