ام ريوني
هلا وغلا .. ام ريوني ...
يطوولي بعمرك اوول شين .. اذا ماخلصتي حجز ... اتمنى تعيدين النظر في نيس .. لان بصراحه
ماتستاهل .. يومين .. وخلي السكن في كان افضل ...
ثاني شين .. انا اشووف انك تخلين باريس اربع ايام .. كان 3 ايام .. باريس خمس ايام ...
ثالث شين .. لازم يكون السكن في كان .. قوليلي ليش .؟؟؟ لان الوناسه والبسطه في كان ...
وبعدين تقدرين تروحين لنيس بنفس اليوم وترجعين .. لان نيس الساعه 9 فاضيه .. عكس كان ...
اللي وناسه لاي سااعه تبين ... يوم في كان تركبين القطار الصغير .. وتدورين المدينه .. على اتجاهين
وبالليل جلسه في المقاهي ... ولا أروع
اليوم الثاني .. تطلعين لنيس .. تتمشين في نيس وتركبين القطاار الصغير ويدور فيك المدينه ...
وتقدرين تلحقين تطلعين لمونت كارلو .. بنفس اليوم اللي بتروحين لنيس لان نيس مافيها شي ...
طبعا التذكره حوول 18 يورو .. خوذيها لمونت كارلو .. وتقدرين تنزلين في نيس وتكملين بنفس 18 يورو
رابع شين ... اذا وافقتي على اقتراحي نكمل لك باريس .. واذا ماوافقتي ترى ببطل ههه .. امزح ...
خليني اشووف الترتيب الاخير لك .. وبعدين نكمل ... :tongue:
مايحتااج تاخذين اي شي لان كل شي متوفر بالفندق :
على فكره في كان لازم تكونين قرريبه من الكورزيت ... وسلامه عمرك

تسلم بعدين اسافر اقتراحك حلو بس حجزنا الفنادق خلاص ودي اخذ رايك فيهامن حيث موقعها والاشياء القريبه منها
concorde la faytte باريس
west end نيس
cannes palace كان
le merridanباريس
الاشياء اللي باخذها من باب التوفير
وبسال عن دزني لاند تنفع للكبار يعني مو حسافه عليها يوم لاني ماراح اخذ الاولاد

من ناحية إيش تسوي بباريس أنا رديت على وحدة من الأخوات ببرنامج في باريس لمدة 6 أيام أختاري منها الأهم فالأهم و إن شاء الله تنبسطوا وبالنسبة لديزني مملة الصراحة لكن بس روحيلها شوفيها و ألعبي ماونتن سبيس و كلو هناك و أخرجوا بس شوفوها وخدوا صور حرام تروحوا باريس وما تروحوها لو أول مرة تزوروا باريس
هذا البرنامج :
https://artravelers.com/p/re/294765
خذوا الكواية بس خلوها معاكم في الطيارة لا تحطوها مع العفش ولو أي أحد ضايقكم في الطيارة بالكواية على راسوو

دامك حاجزه وخالصه ...
شووفي يطوولي بعمررك ... الكنكورد لافييت بعيد شووي عن الشاانز ...
ولي مرديان طبعا فيه اثنين اللي اعرفهم اذا مو اكثر ... بس اتووقع انك حاجزه
بمرديان ايتوال ... وهذا مقابل فندق الكنكورد لافييت ...
بشكل عاام يعتبر المرديان افخم واحلى .. بس يعيبهم البعد عن الشانز ...
اما في كان ... cannes palace
حظك حليو ... حاجز لكم مكان قرريب من الكورزيت ... وقريب من الفندق الافضل والاحلى
فندق مارتنز ... بس لو انكم بالنص طبعا يكوون افضل .. بس يعتبر كوويس الفندق
وبالنسبه للبرنامج حطه اخوونا شكرري بخاري ...
وبالنسبه للافضل .. في التنقلات .. هي المترو داخل بااريس ... والطريقه ...
تقدرين تروحين لمووضووعي عن المترو ... وان شااء الله بيفيدك .....
بالنسبه لموضووع ... انك تاخذين من هنا شي ... انا ماشووف انك بحااجه هالامور ...
وتقدرين تطلبين من الفندق وبيأمون لكم كوايه ..

يعطيكم العافيه وماقصرتو طيب بسال الجو كيف راح يكون رحلتي من8/7الى 20/7

4"]يعطيكم العافيه وماقصرتو طيب بسال الجو كيف راح يكون رحلتي من8/7الى 20/7
طيب باريس بوصلها يمكن على الساعه ثلاث العصر واكيد فينا تعب يعني بنريح بعدين عالشانزينفع نروح مشي ولا بعيد
نتعشى وناخذ لفه ونرجع للفندق علشان اليوم الثاني
اليوم الثاني ناخذ الباص الاحمر وممكن ننزل في متحف اللوفر وبعدها ساحة الكونكورد وبعدها عالشانز
اليوم الثالث ناخذ الباص الاحمر وننزل عند هضبةمونمارت كم يبيلها وقت وبعدها نرجع لبرج ايفل ونهر السين
مادري كذا اوكيه اذا فيه تعديل او اضافه علشان اكمل

على فكره ودي اروح بروكسل في نفس اليوم وارجع ينفع واذا نفع كيف
وشنو احلى شي هناك

شوفي أختي الرحلة راح تكون بالقطار من باريس لبروكسل ساعة وخمس وعشرين دقيقة يعني طبعاً تقدري تروحي وترجعي في نفس اليوم والحجز راح يكون إما من النت أو من محطة قاردي نورد يعني إن كنتي جيتي على باريس وقعدتي فيها ممكن تروحي لمحطة جاردي نورد من أي مترو تحجزي , أما إن كنتي من المطار مطار شارل ديقول ناويه تروحي لبروكسل أول فهذه الطريقه :
من تيرمنل 2 في مطار شارل ديقول إلى محطة TGV القطار B إلى محطة قاردي نورد إلى بروكسل
وراح تكون رحلتك من بروكسل لباريس كالتالي : من السنترال ستايشن
إلى midi و منها لباريس.. والعكس صحيح من باريس لبروكسل والمحطة اللي في بروكسل هي محطة midi
وهذه الأماكن السياحية اللي ممكن تزوروها في يوم واحد وتكون حلوة
اهم شئ ساحة الجراند بلاس هذي ساحه كبيره وتتفرع منها شوارع فيها
محلات وبوتيكات وفي شارع من احد الفروع اسمه ((نيوستريت)) الشارع .
هذا فيه مقاهي ومطاعم ويصلح للمشاة وفيه مركز تسوق اسمه ((سيتي دو))
وساحة الجراند هذي للي يبي يروح لها في نص اوغست راح يشوفون سجادة الزهور في الساحه وكمان الساحه هذي بالليل يعملون عروض بالأضواء والموسيقى وحركات حلوه
وفيه مول في بروكسيل اسمه (( سان هوبير )) هذا يعتبر اول مركز تسوق في اوروبا كلها وفيه ارقى انواع الشوكليت وغير الأزياء الراقيه والسجاد والتحف
وفي حديقه عندهم اسمها ميني يورو mini_europ هذي فيها اوروبا كلها بس بشكل مصغر احس انها تستاهل العنوه
وعلى فكرة تكلفة الذهاب والعودة راح يكون 850 ريال سعودي تقريباً وتذكرة حديقة الميني يوروب ب 11.5 يورو وتذكرة الأوتوميوم ب 6 يورو و إن كنتي ناويه تلفي هناك بالباصات المكشوفة عندك هناك باصات زرقة وحمراء تكلفك 16 يورو وممكن تنزلي في الأماكن السياحية تتصوري وتركبي في الباص اللي بعده كل 20 دقيقة يمر باص جديد
الأوتوميوم :
بعض المعالم الأوروبية المصغّرة في الميني يورو حتى برج آيفل الصراح حلو ولا يفوتك :
ساحة grand place
جاليري سان هوبير
محطة midi اللي أتكلمت عنها هي مكان الوصول في بروكسل من باريس
محطة midi
البرنامج يا أختي هو برنامج أختنا باريس فور إيفر هي اللي عملت البرنامج في بروكسل الله يجزاها خير

مشكور اخوي شكري بخاري ماقصرت
بالنسبه لكان ونيس ماذكرتوا شي مهم يعني البحر وبس
مافيه اشياء حلوه معالم اسواق اي شي