اخي المسافر الحر
طرابزون لا تستحق البقاء فيها وانما هي نقطة عبور و من رأيي يكون البرنامج كالتالي :
4 أيام اوزونجول 2 يوم آيدر و1 يوم طرابزون
بخصوص النوفتيل سعره معقول وهو افضل فندق في طرابزون
بطاقة فيزا تسوق غير مقبولة في مكاتب تأجير السيارات لابد من الفيزا العادية
المصروف اليومي لشخصين + وقود السيارة من 200 - 250 ليرة ( 400 - 500 ريال ) تقريباً
لا يوجد فرق كبير بين سعر الديزل والبنزين ( العام الماضي البنزين 10 ريال والديزل 7 ريال للتر )
رحلة سعيدة

بارك الله فيك اخوي الهوى تركي
لكن لان فيه مناطق قريبة من طربزون تستحق الزيارة مثل حيدر نبي وغيرها
بالنسبة لسعر الديزل صحيح مقارب للبنزين لكن الصرفيه اطول
عالعموم ما قصرت اخوي وانتظر اراء اخرى

1. هلا أخوي


2. في ذيك الديره ما يحتاج حجز مسبق اللا في فندق النفوتيل فقط


3. والباقي متوفر في لحضته ( الاكواخ )

هلا أخوي

بالنسبه لفيزا تسووق الراجحي مقبوله في مكاتب التأجير للسيارات وانا شخصيا اخر مره استاجرت بها من خمس شهور في طرابزون تحديدا وست مدن في مناطق مختلفه في تركيا عامة في نفس الرحله
بالنسبه للديزل طبعا أوفر بكثير ( بكثير ) صدقني الفل تناك يمشيك من 850 الى 1000 كيلو متر سياره رينو أو فورد وتكون اوتوماتيك وتطلع فيها الجبال زي الهوا تحس كنها بنزين لا صوت ولا رائحه وناعم صوت الموتور .
بالنسبه لمدينة طرابزون لا تسكن فيها اللا يوم واحد للعوده فقط في فندق النوفتيل مطلله عالبحر الاسود وقريب من المطار
اوزنجول 2 يوم
ايدر 2
ارتيفن 1
تونيا 1
ولك يوم مفتوح على حسب ذوقك تحدده هناك

في ذيك الديره ما يحتاج حجز مسبق اللا في فندق النفوتيل فقط

والباقي متوفر في لحضته ( الاكواخ )

لا تستغرب في كل منطقه يوم واحد السبب انك بتسوي تشيك أوت من الكوخ وتروح تتمشى الين توصل منطقه تبعد 50 أو70 أو90 كيلو فليش ما تسكن فيها بدل ما ترجع وأهي تمشيه واسترخاء وتكون مريت بتجربه للناس اللي جلست 25 يوم فهمت قصدي
وحيدر نبي ما لازم تروحها لأنها بعد طرابزون بأتجاه سامسون لكن ما يمنع لو تروحها صباحا وترجع للمول اللي قريب من المطار وسط طرابزون نسيت اسمه حاليا عل العصريات وانت راجع من حيدرنبي
وترا كل المناطق اللي قلت لك عليها تشبه حيدنبي هو جبل مرتفع أخضر وفيه أكواخ نفس طبيعة ارتيفن وايدر
بالنسبه للمبلغ المتبقي من الميزانيه افضل ان يكون 3650 حتى لو توفر منه 700 وحولها بس حط في بالك انك ممكن تتحتاج هالمبلغ .
وبالتوفيق

الله يعطيك الف عافية اخوي قيصر
اشهد انك قيصر وتستاهل
بس اخوي هالمدن ارتفن وتونيا وين تقع
صراحه ما شفتها في تقارير الاخوان ماجد وابو عاصم
وكم تتوقع تكلف الاكواخ هناك
ووياليت لو تذكري بعض اسماء الاكواخ اللي تنصح فيها
والله يجزاك الف الف خير

شف بالنسبه للأكواخ اسعارها تبدا من 60 ليره الى 120 وتونيا حول مفرق ريزا .. وارتيفن هي البعيده بعد مفرق هوبا عاليسار تخللي البحر خلفك وكأنك متجه ل أرزروم تجيك عاليمين في الجبل عقب السد .
اكتب اسماءهن في صور قوقل أو ياهو وتشوف النعمه الخضراء

اسماء الأكواخ والله ما اذكر اني قريت اسم .. بالعاده اسكن ومن بكره دق سلف وامش .. وين اللي يبي يحفض اسم كللها تتشابه حلاوة أي كوخ بنضرة العزاب له على طلبهم أو العائله الصغيره على طلبها أو اللي معهم أطفال ويدورون كوخ عنده مراجيح .. بس ترا فيه أكواخ على شكل فنادق ودور ثاني وكبير حجمها انا شخصيا لله في لله ما حبيتها وحبيت أسكن فالطوابق الارضيه كوخ منعزل لحاله وانت ورغبتك .

قيصر للسياحه
الله يعطيك العافية اخوي القيصر
ما قصرت
اسف بكثر عليك الاسئلة بس اتمنى تتحملني
بالنسبة للاطفال هل يوجد لهم ما يسليهم في هالمناطق الريفية الجميلة
لاني من عشاق الطبيعة والريف بس بنتي معي عمرها 6 سنوات وابيها تستانس
اشكرك جزيلا

فيه ملاهي في المول اللي في مدينة طرابزون قريب من المطار ناسي والله اسم المول يمكن استينا ماني متأكد بس أول دوار عقب المطار وانت داخل البلد من اليمين بعدالنفق يجيك عاليمين
وفيه ملاهي خاصه بالبلديه قريبه من مفرق حيدرنبي حديقه عامه
وفيه ملاهي وانت طالع من طرابزون لاوزنجول قبل كارفور يجيك كارفور عاليمين وهي عاليسار عند البحر
وفيه مراجيح عند الاكواخ في اوزنجول بس انها خاصه باصحاب الاكواخ نفسهم يعني تستاجر كوخ عنده مرجيحا وفيه مراجيح عند المطاعم عالبحيره واعتقد فيه مراجيح في جواهر مول قرب فندق النوفتيل قبل المطار وانت جاي من اوزنجول باتجاه طرابزون هاذي تقريبا اللي أذكرها معضمها متواضع ما عدا اللي في المولات بكروت تعبئه وليست مجانيه ومسليه اكثر .
وأعذرني من القصور خصوصا للأطفال احباب الله
عسى الله يحفظهم ويخليكم لبعض .

الله يجزاك الف خير اخوي القيصر
شكر الله سعيك
طيب وش رايك بهالجدول
الوصول للمطار
الاتجاه لاوزنقول والمبيت 2
الاتجاه الى ايدر والمبيت 2
الاتجاه الى تونيا والمبيت 1
الاتجاه لارتيفين والمبيت 1
الاتجاه لطرابزون والمبيت 1 واخذ طريق العوده تمشيه حتى الوصول
الذهاب للمطار