انصحك بإستإجار سيارة
اذا استأجرت سيارة مايمنع تسكن في شقق أبعد من اللي حول الجامعه وتكون أنظف وأرخص
وبالنسبة لجده لها خريطة بسيطة تعلمك كل شئ فيها
الأحياء اللي حول جامعة الملك عبد العزيز حي الجامعه وكل شئ فيه مطاعم ومكاتب وشقق مستوها أقل شوي
الفيحاء قريب من الجامعه وفيه شقق أفضل
السليمانيه والنسيم شقق فيها حلوه ونظيفة وفيه شقق جديدة فتحت في النسيم أجيب لك اسمها ورقمها إن شاء الله وقريبه من الجامعه ومكانها استراتيجي
بإختصار السيارة والخريطة تشيل عنك عناء كبير وبتريحك كثير جدا بحكم إنك اول مرة تجي لجدة الخرايط تتوزع مجانا في المطار وبعض الفنادق والشقق

وبالنسبة للمكاتب اللي في حي الجامعه بتحصل كل شئ تحتاجه بما انك منتسب ملخصات وإختبارات سابقة لكل تخصص ومواد اساسية وبتفيدك كثير في تحصيلك بالتوفيق لك وبكرة إن شاء الله احط لك عنوان الشقق الجديدة وأرقام هواتفها

شقق الكادي في حي الجامعة شارع الجامعة بقرب دوار الجامعة مستواها مقبول وفي منطقة حية إذا تدور على شي فخم لا تروحها الحلو اللي فيها
انها جنب الجامعة (تروح للجامعة بتكسي بخمسة ريال)
جنبها الجامعة بلازا (فيه هايبر بندة، ومجموعة مطاعم وجبات سريعة، البيك،كافيهات، ملابس) والجامعة مول (تروحها مشي)
جنبها مطاعم كثيرة (البخاري، ريدان، كافتيريات، محل حلويات العماد)
حولينها مكتبات
قريب منها شارع باخشب فيه محلات كمبيوتر
جنبها سوق الجامعة الشعبي
جنبها صيدلية
جبنها مغسلة
في الدور الأرضي للشقق فيها كافتيريا وفيها انترنت ويرلس
كمان أسعارها رخيصة
باختصار حتكون جنب الجامعة وفي منطقة مخدومة
بالنسبة لرقمها ما أعرفة لكن حاول تدق على 905، وإذا لقيته ححطه في الموضوع
هذا موضوع ممكن يفيدك
(((بخصوص الشقق المفروشة))) - منتديات طلاب وطالبات جامعة الملك عبدالعزيز http://www.skaau.com/vb/showthread.php?t=12190

الملخصات والمقررات موجودة داخل الجامعة وتباع في اماكن التصوير ...

الجرياء للشقق المفروشة ..
ممتازة وعلى شارع الجامعة الرئيسى وحولها كل شىء ..
كموقع أفضل من الكادى ، لأن الكادى لاصقة فى مدرسة متوسطة وأمامها الدفاع المدنى بس هى أقرب شوى للجامعة
للأسف ما أعرف تليفون الجرياء بس أكيد مسجل فى الدليل ...
موفق إن شاء الله