أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
دلع الخليج
بالنسبه للAtomium ممكن الوصول له عن طريق المترو واقرب محطه له Heysel وهي أخر الخط الأصفر 1A
والساحه في محطتين دايماً انزل منهن DE BROUKERE او GARE CENTRALE
الطريق لمترو الساحه بيكون فيه تبديل في محطه ارتس لوي ARTS-LOIاذا طلعتي من محطه روجير الي بجانب الشيرتون
وبعدين الساحه قريبه منكم من تطلعين من الفندق في السكه الموازيه للستي تو الي فيها الماكدونالز تمشين مع الناس سيده بتحصلين كسره بسيطه لليمين وكملي سيده لين ما توصلين للساحه
شوفي الخريطه وبتفهمين الموضوع كامل وعلى فكره مترو بروكسل بسيط وايد
مثل ما تفضل الأخ بو ساره ... ساحة القراند بلاس تروحيلها مشي من الفندق ...
بالنسبه للأتوميوم بقولج الخط بكل بساطه ... تنزلين محطة روجير اللي تحت City 2 مجرد تعبرين الشارع من الفندق ... تاخذين القطار اللي متجه صوب Simonis مبينه بالبرتقالي اللي هي نهاية خط القطار ... تشوفين الناس كلهم نزلو معك .... اخذي القطار اللي في الجهه المعاكسه اللي متجه الي Heyzel بتلقين الناس كلهم طلعو معك و بتشوفين الاتوميوم لأنه القطار بيكون فوق
بصراحه إحنا مأجرين سياره فللأسف ماقدر أفيدج بهالشي ,,
وبخصوص المعالم السياحيه ,, فأمس رحنا لمتحف في بروكسل ,, هو عباره عن متاحف ومش متحف واحد بس ,,
فيه متحف عام وفيه متحف خاص بالمواد الحربيه القديمه ومتحف للسيارات القديمه ,,
متحف حلو للي يحب هالسوالف ,,
وإذت تعرفون حد في السفاره ممكن يعطيكم كتيب صغير فيه كل شي عن بلجيكا
من معالم وهالسوالف ,,
والله يوفقكم ,,
دلع الخليج
يعتمد انتي وين ساكنه ؟ هذا بالنسبه لبروكسل .... بالنسبه لباقي المناطق اللي خارج بروكسل بعطيك المنطقه و اسم المحطه ....
1- Antwerp و لها مسمى فرنسي Anverse ... تروحيلها من محطة Brussels Midi، كل 45 دقيقه فيه قطار ... بس فيه نقطه مهمه لازم تنتبهين لها و هي ... القطار يمر على محطتين اول ما يدخل انتويرب الأولى Antwerp/Berchem و هذي لا تنزلين فيها .... انزلي في المحطة اللي بعدها اللي هي Antwerp Centraal .. اول ما تطلعين من المحطه امشي على طول قدامك السوق
2- Oostende مدينه ساحليه تصلح للويكند و اليوم المشمس ... كل نص ساعه فيه قطار من Midi و المسافه تقريبا ساعه ... اول ما توصل المحطه اما تاخذين الترام أو تاكسي لوسط المدينه و منطقة السوق و المطاعم اللي على البحر اسمها البرت بروميناد و شارع التسوق اسمه Kapellestraat
3- Brugge بروج تبعد ساعه و شوي بالقطار ... عند الوصول لمحطة بروج الرئيسيه تاخذين تاكسي أو أي وسيلة مواصلات متوفره توصلك لوسط المدينه ... لأنه المحطه على اطراف المدينه ....
4- Knokke فيها سوق حلو في شارع اسمه Lippenslaan ولا يسكر حتى يوم الأحد ... المدينه ساحليه تقدرون تأجرون سياكل عالبحر .... المده ساعه و عشرين دقيقه ....
بالنسبه للAtomium ممكن الوصول له عن طريق المترو واقرب محطه له Heysel وهي أخر الخط الأصفر 1A
والساحه في محطتين دايماً انزل منهن DE BROUKERE او GARE CENTRALE
الطريق لمترو الساحه بيكون فيه تبديل في محطه ارتس لوي ARTS-LOIاذا طلعتي من محطه روجير الي بجانب الشيرتون
وبعدين الساحه قريبه منكم من تطلعين من الفندق في السكه الموازيه للستي تو الي فيها الماكدونالز تمشين مع الناس سيده بتحصلين كسره بسيطه لليمين وكملي سيده لين ما توصلين للساحه
شوفي الخريطه وبتفهمين الموضوع كامل وعلى فكره مترو بروكسل بسيط وايد