السلام عليكم ورحمه الله وبركاته
اخواني خبراء تركيا ..
انا حجزت ع طيران الخليج اول يوم العيد ان شاء الله
مده رحلتي 16 يوم .. افراد العائله 6 بالغين وطفل ورضيع .. مابعد قصيت التذاكر
انا بنت وابوي قالي ارتب الجدول والوضع عشان يوافق ويقص التذاكر .. ابوي نظامي و يحب ان يكون كل شي مرتب من
قبل السفر ولازم ماننسى كل الامور ولا نغفل عن شي سكن مواصلات اكل تسوق .. ولا ودي اني اخطيء في شي..
وبعدين بيلغي السفره كلها .. ودي اني اوفر له جدول الرحله كامل مكمل ومع ضبط المزيانيه..
التذاكر كلفتني 17 الف وهذا ارخص شي حاولت اوصل له .. لو احجز عن طريق الطيران التركي يكون ارخص ؟!
وكيف احجز ياليت تعلموني ؟؟
ميزانيتنا 60 الف من بينها 17 الف للتذاكر باقي عندي 43 الف بتكون سكن ومصرف
ودي اني اسويها التذاكر مع السكن 30 الف او اقل لو حصل لي .. والمصرف 30 الف
لو اقول اخلي 2000 ريال مصرف يومي ؟!؟ بتكون كويسه
لو كان الفطور ع الفندق ( 2000 تشمل المواصلات والغداء والعشاء وسعر الدخول للمتاحف وبعض الاماكن الي تحتاج تذاكر دخول وو لو كان فيه اماكن تبيع اشياء تذكرايه وهدايا رخيصه تهقون تكفي في اليوم ؟ )
انا قريت اشياء كثيره وعرفت الاماكن السياحيه والاسواق والمتاحف وكل شي تقريبا
وجردتها في ملفات ورد خاصه باسطنبول ممكن اني اسوي الجدول اليومي للرحله بحيث اني استفيد من رخص سياره
الاجره الصفراء والتنقل بين المتاحف في يوم والاسواق الشعبيه يوم ثاني وحسب قربها من بعض وهذي لاحقه عليها
لما اخلص من الاشياء المهمه اقدر اسوي جدولي ع راحتي واقرر كل يوم وين نروح ..
وبعد الجرد .. قررت الاتي :
1-
الوصول في اسطنبول الساعه 2 ضهرا والبقاء لمده يومين في اسطنبول .. المطلوب اخواني السكن
ابي سكن يناسب ميزانيتي ؟؟! تنصحوني بالشقق المفروشه والي يعرف يقول لي او يوفر لي ارقام
او فنادق سعرها يكون كويس ويعطيني رقم وسعر غرفه افضل او سويت او ... انتوا ادرى بهالموضووع انا بنت واحسه
صعب علي ياليت تساعدوني وتقولون لي وش احسن شي نظيف ومرتب مو لازم 5 نجوم لو 4 نجوم اوكي ..
وابي شي يناسب ميزانيتي ..
2-
وبعدين نروح ل انتاليا لكن السؤال كيف نروح لانتاليا .. نقدر نروح عن طريق الفري بوت من ميناء يني كابي وقيمة التذكرة
تقريبا 20 ليره .. اذا كان ممكن حلو ؟!
واذا مو ممكن ياليت تبلغوني كيف وكم التكلفه ؟!
قريت انو كثير ناس يروحون انطاليا لده 5 ايام ولا يطلعون الا كم يوم .. والافضل المنتجعات السبا في انطاليا
وقريت واحد كاتب انو الليله كلفتهم 2500 .. اذا انتاليا احلى مافيها المنتجعات
ممكن نسكن يومين الى 3 ايام حسب الميزانيه .. في منتجع راقي ولو كانت تلكفته غاليه عادي لمده يومين ننبسط فيها
ياليت بعد تعطوني اسماء وارقام للمنتجعات مع الاسعار .. وابي شي يكفي افراد عائلتي ؟!
3-
نروح بورصا عن طريق الفري بوت نفس الشي ونجلس لمده 10 ايام وومكن اني اروح يلوا 3 ايام وتصير
بورصه 7 ايام ويلوا 3 ايام ايش تقترحون علي !؟
وطبعا ابي شقق في بورصا ويلوا وارقامهم واسعارهم وتكون نظيفه اهم شي