السلام عليكم ورحمة الله وبركاته
بعد ولادة متعسره للاجازة طبعا
كل ما قلت لهم بطلع قالوا اصبر شوي عندنا هاك الشغله خلصها وامش واذا خلصت قلت بطلع قالوا باقي شغله بسيطه خلصها وامش
وعلى هالحال لين جاء اليوم الموعود وطلعت اجازة
طبعا كنت حاجز بالطائره ومسوي الامور تمام وشحنت السياره قبل السفر ب 4 ايام
طبعا ازعج ام اهلي ابوعبدالله اعز صديق كل ما شفته او اتصلت عليه قال لي هاه شحنتا السياره ؟
وانا اقول له اصبر يا رجال ترا الاجازة بكبرها ما بعد تاكدت
المهم جاء يوم السفر الصباح بدري حوالي ثنتين الظهر تجهزنا من بدري من حوالي ست الصباح والعيال مرتزين عند الباب يحترون كلمة هيّا ننطلق
طبعا الرحله كانت مقررة لابها بعد عدة مشاورات مع نفسي ومباحثات بيني وبين نفسي وشوي اسشارات مع نفسي على كم معلومه منيّ لين قررنا انا وانا وترنج وابراهيم وابو سليمان ومحاتسيكم
اننا نروح ل أبها البهيه ام عصاقيل ملويّه
ابها
منظر ل ابها علوي رقيت بالسياره لين قالت فح علشان اصور لكم هالصورة
تلك المدينه القابعه في جنوب غرب المملكه والتي تبعد عن شقراء حوالي الف ونص كيلومتر
طبعا لا تختلف ابها عن شقراء الا كون ابها فيها ابهاويين وشقراء فيها شقراويين والا باقي الامور متطابقه
رحنا بالطيارة من الرياض هبطنا في مطار هيثرو في ابها فجرا حوالي اربع العصر
يعني في حدود تسع ونصف الصباح
رحت لوكالة الشحن قلت هاه وين السياره قال هه توها واصله قبل شوي قلت الحمد لله
خذناها وانطلقنا نتهادى بين الجبال الخضراء والرمال اللازورديه والضباب يلف المكان خبركم الدنيا ليل وما نشوف وحنا مغمضين عيونا
هبي باب الندوة هبي انا سئيدة ام الهكي
ابها حلوة والسكن فيها متوفر مراكز الشقق المفروشه غاليه شوي لكن عن طريق مكاتب العقار للبيوت التي ياجرها اصحابها للمصطافين ارخص بكثير الى النصف تقريبا
طبعا كنت متفق مع اخوي ونسيبي على الروحه بس انا سبقتهم بيوم هم جو ثاني يوم اجتمعنا واخذنا سكن مناسب وحليو في منطقة النّميص في ابها
بدأنا برنامجنا التمشياتي ثاني يوم
بالذهاب الى منتزه السلام لانه قريب
شكلي منيب مفصل واجد لان الحكي كثير وكل ما كثر الكلام لازم نحط صور اكثر وانا متعيجز ازين الصور واحملها كلها لكن بعطيكم اللي الله يقدرني عليه لاني منيب فاضي لكم ورانا عرس الليله
السودة
في طريقنا للسوده
طبعا الابتعاد عن منطقة الزحمة في السودة هو الاسلم اللي هي المنطقه اللي حول التلفريك والمنتزة الرئيسي
خابرين لنا مداخل حليوه وزينه رحنا لها الارض خضراء والجو منعش والاشجار كثيرة وكبيره والظل موجود كل شئ تمام
هذا سد في طريقنا للسودة نسيت وش اسمه
السودة من اشهر منتزهات ابها لذا تجد فيها كثافة من الناس اكبر من غيرها وكل شئ متوفر فيها تموينات ومحلات خضار ومطاعم واسواق واماكن للسكن ومراكز ترفيه ملاهي ودبابات وغيرها كلشئ متوفر
هالمنظر يتكرر وين ما تروح
وهالمنظر بعد دايم يتكرر
المسقي
حلو وكبير لكن اقل اخضرارا والاشجار اكبر لكن مهيب هاك الزود
ام ثمانين مهوب اربع واربعين في المسقي
مقطع صوت وصوره لادخال دودتين في نص قوطي ببسي
ارعص يمين واحفظ
هذا اخوي عباس احسن واحد يطبخ الغداء
طبعا خويكم تخصص تقطيع بصل وطماط وسلطة
الحبله
ممتازه جدا والامطار كانت غزيرة والجو زين كان مكان ممتع وجميل فيها خيام كثيرة للتأجير باليوم خذنا وحده مع اننا نبي برا لكن المطر ما خلنا نقعد برا في الجو الطلق
ارتحنا فيه كثير يالله لك الحمد
حتى شوفوا
يالله من فضلك شاهي وعصاقيل ممدده خبركم لازم الواحد يريح بعد تقطيع البصل
شوفوا الشعيب سايل في الحبله
شلال حليو في الحبله بعد المطر
منتجع الشقيق
منتج الشقيق
منتجع على شاطئ الشقيق البحري
شاطئ جميل ونظيف لكن بعيد عن ابها حوالي 125 كم والاشد فيه هو نزولك من عقبة ضِلَع طبعا من هالعقبه تنزل وما يردك الا جيزان او طريق مكه الساحلي ( طريق الليث )
خذنا فيه شليه وجلسنا فيه يوم كامل ارتحنا فيه مره
منظر للبحر من الشاليه
تسجيل حي ومباشر للنزول من عقبة ضلع متجهين للشقيق
والله ياهو شئ الطريق منحدر قوي وملفات شئ مخيف للي ما يعرف هالطرق
ارعص يمين واحفظ
لحظة الغروب في منتجع الشقيق
الملاهي اللي في ابها يا انها غاليه ولا تهون ابها الجديده ( اجل تذكرة الدخول ب 40 ريال )
او انها صغيره ومهيب مرضيه للاطفال
لكن فيه وحده اسمها السلام حلوه ومناسبه
الكلام كثير والاماكن كثيره لكن مزمزوا على هالموضوع لين نجيب لك صور ثانيه
اللي يبي سن توب يشفط له شفطتين
ترنج بالزبادي
الرياض
مكتبي
جنبي قارورة ماء فاضيه