مرحبا ياابوالطيب .شدعوه كل هاالاسئله وتقول طعوس. اقول وشرايك تاخذوني معكم على حسابكم وانا ادبر اموركم ههه.
اولا حاجه انا ما جربت طيران الخطوط السعوديه. انا طلعت على اتحاد الامارات لانه خريصا وراقي وفيه وسائل ترفيهيه كثير من افلام والعاب ونوم بعد. اسعارهم اتوقع هاالحين انها حول 2500 الى 2600 والله اعلم .مر على اي مكتب سفريات واسال ياخي "ترى ماهي صعبه". فيه نقطه اخرى انا طلعت من الدمام -ابوظبي-جاكرتا وكان الانتظار بس ساعه وحده في مطار ابوظبي . بس انتم اذا طالعين من الرياض الى جاكرتا فاالله يعينكم باالرجعه راح تقعدون 7 ساعات في مطار ابوظبي.
اذا وصلت في الطياره راح يوزعون عليك فيز دخول اندونيسيا وتراها مكتوبه باالانجليزي "اذا كانت مكتوبه باالاندونيسي فلا تعب نفسك وتعبيها لان مااحد راح ياخذها منك في مكتب التاشيرات" اسمع الحتسي زين.
او ما تنزل المطار جاكرتا راح يقبلونك موظفين يوزعون كروت الفيزا خذ لك ولخويك الطعس الثاني ههه "والله وصرت امون كخ" عبيها بسرعه يابويه ,وطلع على طول لمكتب الفيزا وادفع 50 دولا "25 دولار عنك و 25 دولار عن خويك" وانتبه ترمي الاوراق ترى في الرجعه راح يسلونك عنها.
بعدذلك ختم جوازك و وخذ عفشك وعلى طول على مكتب كاها .ولا تنسى تصر ف 100 دولار فقط من المطار يمكن سعرها هاالحين يكون 910 الف روبيه "وانتبه ترى فلوسهم تتشابه يعني يمكن تدفع 100 الف روبيه وانت على بالك انها 10 الف روبيه"
المهم احجز عند مكتب كاها السكن "وغالبا انتم القصمان تسكنون في شقق السون في جاكرتا" لا طول في جاكرتا يومين بس . المهم خذلك سواق من المطار وتوكل على الله ورح لسكن حقك نزل اغراضك هناك وريح" وبعدين رح تمشى في مجمع الاوتريوم واصرف فلوس من هناك "وانتبه مر على اصرفين اللي هناك كلهم في الدور الرابع او الخامس واحسن واحد يعطيك سعر زين اصرف من عنده" انتبه مره اخرى "لا تصرف الملبغ اللي تحتاجه.
بعد ما تقعد يومين خذ لك تاكسي زين واشترط عليه انه يوصلك للجبل وما يخليك الا اذا حصلت فيلا. ماعليك من سوالفه خلك ذيب ياالغالي. تدري وشلون رح لبقاله السعوديه في الجبل واسال عن واحد اندونيسي اسمه عبدالقادر "رجال اسمر وطويل وملتحي عنده مكتب خدمات" اكيد راح يحصلك فيلا نظيفه فئة 4 او 5 نجوم "اقصد من ناحيةالنظافه والااثاث والحراسه" حلو. او مر على مكتب سلطان المزيد ترى ان شاء الله راح يضبط امورك.
نسيت حاجه اطلب من عبدالقادر انه يدبر لك فيلا خاصه يعني لا يحطك في مجمع . خذ فيلا لها مدخلين خاصات مدخل رسمي لك ولخويك ومدخل لشغاله. والفيلا يكون لها بوابه كبيره بحيث تسكرونها وقت ما تبون . ولا تنسى المسبح ترى مهم الا اذا كنت ما تعرف فا ابعد عنه.
وبعدين اطلب شغاله ولا تعطيها اكثر من 50 الف روبيه في اليوم اوكيه خليك ذيب. والتكسي اللي جابك من جاكرتا للجبل لا تعطيه اكثر من 300 او 350 الف اذا كثر . ترى انا في عز الصيف شهر سبعه 2008 كنت اعطيهم 400 الف فقط من جاكرتا الى الجبل.
بنسبه لتمشي :كل ما حبيت تتمشى كل للخادمه ادورلك على تكسي .ترى الخادمات هن الزبده في كل شي وعندهن ارقام مكاتب التكاسي "وانا شخصيا كنت اتعامل مع مكتب زوج عائشه حق التاكسي, عن طريق الخادمه ".
انتبه لا تاخذ تكسي يومي "يعني لا تتفق مع التكسي ان يكون معك من اول الرحله الى ما تغادر اندونيسيا " ترى راح يكلفك كثير. افضل شي متى ما طرى عليك التمشي ولا تبي تقضاء شي من البقاله السعوديه او غيره تطلب التكسي ويجيك وتتفق معه على مشواره. اوكيه فهمت ولا اعيد ههه.
نصيح ياالقصمنجي "شكلك من اهل الشقه السفلى ببريده ههه" قبل ما تسافر لندونيسيا عليك اتباع ما يلي:
1- تاكد ان اسماكم اللي في تذاكركم تطابق جوازاتكم. انتبه لهذه النقطه يعني حرص على صاحب مكتب السفريات.
2-اشتر عزبه من السنيدي وروح على اقرب سوبرماركت اسعارها مناسبه وعليك باالتالي:
5 كيلو رز - 5 كيلو سكر "والله كثير" - 10 حليب بوني كبير الحجم "عشان يكون اقتصادي اكثر ههه - 10 قشطه قيمر الكويتيه ام كرتون بني اللون - 10 كراتين جبن كيري كبير الحجم - 10 كراتين جبن البقره الضاحكه - 1 جبن كرفت حجم كبير - -3 كيلو مكسرات وشكل لا تخليها نوع واحد - بهارات لطبخ - 1 كرتون مكعبات ماجي - 6 مربى ملينج - 1 علبة عسل وسط

• 1 شفاف لتغليف الاطعمه - 1 كرتون دسوس شفافه للخادمه تستخدمه لما تقطع السلطه - 2 كرتونين شاهي ربيع او غيره - 1 كيلو قهوه - 1/2 كيلو هيل - 1/4 كيلو مسمار - 1 زعفران اذا تحبون ذلك - 5 ريال خبز صغير وعلى طول حطه باالثلاجه - 8 علب فول مدمس - 1 كيلو عدس - 8 علب فاصوليا - 2 زيت عافيه اوغيره حجم كبير - 2 علبتين ملح - 10 علب تونه مع اني ما احبها ابد - 1 دله - 5 فناجيل - 5 كاسات - 1 بريق - 1/4 كيلو زنجبيل.

لا انصح بقدر الضغط .لان في الجبل ما راح تحتاجه .
بنسبه للقطه ياالغالي ترى 10 الف مع التذاكر ..............ما تكفي حولوا تخلونها 10 الف من غير التذاكر اذا كنتوا تبون تستانسون .
واهم شي ابعدوا عن الاحرام .
وشكرا

مشكور اخوي ابو فهد عز الله انك كفيت و وفيت بس الاغراض واجد كم الحد الاقصى للأغراض تشيل لنفر واحد

8
8
والله ابو فهد ماقصر
ويعطيه العافيه
وازودك من الشعر بيت
اهم نقطه انك تكاسر التكاسي وحقين التيوس وكل شئ
اي شئ كاسر فيه لاتستحي وتقول ماعليه
ترى ماعليه هي النكبه في السفر
ياما قلنا ماعليه ولقينا ارخص
وربي يحميكم ياكريم
وعلى فكره بكون في الجبل ان شاء الله خامس العيد
>> العيد الاول بيكون في مكان خاص في جاكرتا يالبي قلبك ياجاكرتا
باقوس

مشكور اخوي ابو فهد وجزاك الله خير وكفيت و وفيت
بس احس ان الأغراض تبغا تكثر علينا كم الوزن المسموح به لشخص الواحد واذا كثرت الاغراض الكيلو كم عليه
ووفقك الله لما يحب ويرضى

الحد الاقصى للوزن لشخص الواحد على طيران الاتحاد الامارات هو 30 كيلو شحن و 7 كيلو تشيلها معاك داخل الطياره.

ماندلا القصيم
اذاكان معك عزبة نصيحة لاتاخذ الا الشي الضروري
هناك ستجد كارفور ولاتعب نفسك من الاغراض التي سوف تحملها لئنك ستجدها في كارفور
تقبل مروري