أم ريآن
29-06-2022 - 03:20 am
السلام عليكم ورحمة الله ..
بدخل بالموضوع بسرعه لأن مآلي في المقدمات :tongue:
ان شاء الله ناوين نروح ل انترلاكن (3 ايام) و جنيف يومين ..
من تاريخ 30/7/2009 الى 4/8/2009
واستفدت من التقارير الموجوده كثير و اخترت عدة اماكن في انترلاكن :
1-قرية كاندرستيج وبحيرة أوشن سي ..
2-قمة Jungfraujoch
3-شلالات جس باخ
والسكن راح يكون في metropole
وش رايكم في الأماكن ..!
وياليت ياليت تقولون لي وش احسن الأماكن اللي تنصحون بها
في جنيف لأني مابعد حطيت شي في بالي ..!
علماً ان السكن راح يكون في Bristol
وعندي سؤال ممكن يكون غريب شوي :tongue:
في الفندقين كلهم جنيف وانترلاكن كيف افياش الكهرب حقتهم ..!
اقصد هي ثلاثيه او ثنائيه أو من النوع الصغير أو عاديه ..؟
تدرون ما نستغني عن بعض الأشيآء الكهربائيه
ف بشوف وش نوع التوصيله اللي اخذها معي
يعطيكم الف عافيه مقدماً ..
موقع البريستول رائع
امام الفندق يوجد زووق
يعني ربع كيلو مع كاسة كوفي من ستار بكس اللي في اللفة
وعندك المانور قريب جدا من الفندق
سواء لحاجة سريعة على الماشي من الدور الأرضي مثل قطعة من البيتزا او شطيرة جبنة الغريير بالخبز الفرنسي الطازج او التونة مع الخس والبصل والليمون
حتى الوجبات الكاملة اكثر من رائعة في التراس في الطابق العلوي للمركز يمكن اختيار وجبة مطعم الخدمة الذاتية مثل قطعة من السلمون المشوي مع القليل من خضار السوتيه ومايمنع للحلى قطعة من تارت الفواكه الطازجة مع كوب من القهوة
ياشين الجوع
المهم نرجع للبرنامج اليومي من جونيف
يوم لأنسي
يوم لشامونبه ممكن تحطين معها مجيف
يوم طبعا لقطار الشوكولاته
يوم لزيرمات
يوم لقشتاد مع قلاسي 3000
ويوم للريفيرا السويسرية منترو وخواتها
ويوم لجولة بحرية
التفاصيل تجدينها في برنامج 10 ايام جنيف
وشركة الكي تور اكثر من رائعة لعمل مثل هذه الرحلات
وسوالك عن الفيش ليس غريب والجواب بسيط
الفيش السويسري عن جد من الأنواع الغثيثة اللي ماتحصلينها بسهولة وهي ذات ثلاث روس على شكل هرم
أفضل شي لك هو شراء فيش يونيفيرسال عالمي سعره بحدود 30 - 45 ريال وتحصلينه في كل مكان (ساكو - اكستر - جرير - ماكس - واكيد المطار )
وحتى على متن الخطوط السعودية
ويجي على اشكال متنوعة
ومنها يكون على شكل شنط
ورحلة موفقة