وين رقم ستة وينة!!!!!...انا بدال ماحصل رد ينحذف شي من موضوعي شسالفة ؟!!!!!!!!!!!!!!!!!!!!!!!!!

1. السلام عليكم ورحمة اللة وبركاتة..


2. فاريا الثلج بدا يذوب او خلاص صار على القمم الحين بالارز باقي

السلام عليكم ورحمة اللة وبركاتة..

هذي اول مشاركةلي ...ودي اتساعدوني لاني وايد محتارة لان احنا اساسا كنا مخططين اوروبا وماصار نصيب ...وتغيرت خططنا كليا ...للبنان وسوريا والاردن بس انا ماعندي اي خلفية عن هالمدن كلش...وماعرف شلون اقسم 25 يوم خصوصا ان احنا عايلة من اربع وطفل اربع سنوات....
بكتبلكم باختصار الاسئلة عشان ماتخربطون:
1- اهم الاماكن السياحية في بيروت وصيدا وكم يوم تستحق وهل فاريا فيها فنادق ومطاعم ترا انا ماعرف شي عنها ..

فاريا الثلج بدا يذوب او خلاص صار على القمم الحين بالارز باقي

الجدول هذا جدول جاهز https://artravelers.com/p/re/260683
2- اهم شارع في بيروت يعني تمشي نفس الشانزليزية .... وابي اعرف اكثر عن بحمدون وايد ناس تكلمو عنة بس اهوا شنو؟3- اماكن التنزة للاطفال ..وابي اعرف الشعب اللبناني طيب ولا نفس سوريا وابي اماكن الخليجين ابي احس بالامان ...معاي طفل تعرفون واخاف علية
هو مو شارع مكان تجمع الخليجين واسمه " السولدير" من المغرب الى الساعه 2 وهو معروف جدا وفيه مجموعه من المطاعم المميزة مثل مطعم البلد لايقدم الا المطاعم اللبنانية وجدا جميل ومطعم مهنا قريب جدا اسألي عنه بالسولدير والكثير من الكافيهات بالسولدير شوفي اللي يعجبج واقعدي عندهم واذا تبين زحمه اهل الخليج روحي البتي كافيه وفيه محلات ماركات
وبحمدون اختي منطقة بالصيف الناس تروح لها لأنها جبلية وهي حالية توها مابلش موسمها ويكثر فيها اهل الكويت ويملكون بيوت هناك وشقق وتبلش شهور الصيف كله زحمه زحمه بحمدون لأن فيها مطاعم منهم الجنه وسوق وكافيهات ستار بكس وغيره وسينما بالشيراتون وفندقين السفير والشيراتون ، والشعب اللبناني شعب بسيط وخدوم ولكن ايضا البعض وخصوصا اهل المطاعم والكافيهات بسبب الخليجين صاروا يشوفون الخليجي ربطة فلوس تمشي يحاولون ياخذون اللي يقدرون عليه يعني " احرصي احرصي احرصي على فاتورة المطعم والمقهي وبالعكس مافيه شي اذا راجعتي الفاتورة مرة وثنتين هذا حقج ولا لج شغل بأحد ، واعرفي عدل سعر الصرف كم لأن بتعاملين بالدولار و لكن يردون لج ليرة يعني لازم تعرفين كل وحده كم تسوى مع الثانية وتحفظينها ولبنان امان ان شاء الله ابتعدتوا عن شوارع البارات والنوادي يعني اسهروا بالسولدير واطلعوا على طول على الفندق "
4-اهم الاسواق والمولات الكبيرة والراقية والاسواق التجارية اللي عالشوارع والاسواق الشعبية نفس سوق واقف في الدوحة ...
اهو الاسواق ال abc بالاشرفية مجمع حلو حلو راقي جدا ، مجمع ستي مول نفس المستوى ، وعندج شارع الحمرا كله محلات تجارية على الشوارع ولكن احرصي كثرة الشحاذين واذا بطلتي الباب علىى نفسج مايصك لأنهم قروب واحد ، واما الاسواق الشعبية اتوقع منطقة جبيل منطقة جميلة وفيها سوق تاريخي وكذا منطقة صيدا وكلهم مناطق بحرية
5-اهم المطاعم الحلوة والمتميزة للفطور الغداء العشاء لبناني هندي بوفيهات كوفيهات؟
الفطور عندج مطعم زيت وزعتر تحلصينه بأغلب المجمعات التجارية ، وعندج سلسلة مطاعم بربر مناقيش يحبها قلبج ، وانا اختصاص لبناني عندج لوكندا بجبيل ، منير وقصر فخر الدين برمانه وبرج الحمام ، مهنا و البلد السولدير ، الاشرفيه عبدالوهاب ، بحمدون الجنه وياكثرهم المطاعم في لبنان هذا غير المطاعم الانجليزية بالمجمعات
7

• متى تسكر المحلات والمطاعم ....

تختلف من مكان لي مكان فما اقدر افيدج بالضبط
ان شاء اللة مازعجتكم وان شاء الله تردون علي
موفقه خير

نسيت اقولج انتوا متى بتروحون ..؟ 25 يوم يعني بالصيفية فاريا موسمها مو صيفي هذا نقطه.. وانتوا مصيفين في لبنان انصح لكم بما انكم عايلة انكم تأجرون شقة في بحمدون ارخص لكم من الفنادق وانزلوا بعدين على المناطق يوم بصيدا وبيروت انزلوا لها يومي عادي مايأثر ويوم جونيه ، ويوم جبيل تغدوا فيها و ترى جوا بحمدون حلو حلو والسهرة فيه حلوة ..و الله يعينكم كل شوي مسلمين على فلان وعلان

يعطيك الف عافية أخي زين
ما قصرت والله