نسيت اذكر ملاحظة ان السفرة لعائلة من 6 اشخاص
انتظركم

وعليكم السلام ورحمة الله وبركاته ..
عائلة 6 أشخاص ومدة الرحلة 10 أيام !! بصراحة المدة قليلة لعائلة كبيرة ولكن إذا كان
هذا الموجود فياريت تلغي من الجدول انير وتكتفي بالتوزيع التالي حسب وضعك هناك ..
جاكرتا 2 >> الجبل&بوقور 4 >> باندونق 3 >> جاكرتا 1 ..
الأفضل معك سائق بسيارته وهذا يريحك كثيراً في التنقل والزيارات لجميع الأماكن ..
السكن في شقق فندقية هي خيارك الأفضل من الفنادق والجبل عندك الفلل الخاصة أو مجمع
كوتا بونقا قد يناسبك ..
يمكنك الاستفادة من هذه الجداول في ترتيب رحلتك ..
https://artravelers.com
ويمكنك الاستفادة من هذه الخيارات الخاصة بالسكن من خلال تجربة الأعضاء ..
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com
طبعاً هناك فيزا على عدد الأشخاص ب 25 دولار × 6 وعندك رسوم مغادرة 150000 روبية × 6 ..
إذا تذكرنا شيء عدنا والجميع ما يقصروا معك إن شاء الله ..

الله يسلمك ماتقصر
والله مثل ماتعرف اجازة الحج قصيرة ومافي حجوزات بالموت حصلنا هذا
وهي اول مرة نسافر لهالبلد فنحب نزور المنطاق الاربعه المذكورة ولو كان فيه بعض التعب لكن هي مرة بالعمر وتهون ان شاء الله
انا ابي استفسر وش افضل احجز الفنادق من هنا او لما اوصل المطار
لاني خايف يوم نوصل يكون كل شي فل لانه اجازة عيد الاضحى وكذا اتوقع الوضع سيء هالايام
ووش رايك افضل وقت نروح فيه بونشاك هل ثاني يوم او متى بالضبط لان هالبلدة يقولون لا تروحونها سبت واحد لانها زحمة وحنا نوصل هناك يوم الجمعه ان الله اراد وان اجلناه بعد يوم السبت والاحد بيكون عيد الاضحى فازحم وازحم فمادري وش افضل وقت مناسب لها حتى تكون الزحمة اخف عالاقل
ويعطيك العافيه ويجزاك خير

ماشي ولكن ياريت تلغي انير لأنه لا داعي لها وأنا جربت العائلة ونفس العدد وتراها متعبة لك ولهم !!
مشكلة أن تذهب للجبل يوم وصولك ومتعبة جداً للعائلة وخاصة إذا لم يكن حجز الفيلا في الجبل موجود !!
من رأيي ترتاح بجاكرتا يومين من رحلة طويلة وبعدها تذهب لباندونق ومن باندونق للجبل وبوقور لأن الذهاب
للجبل يوم السبت والأحد شبه مستحيل وزحام غير طبيعي ..
العيد وأجوائه بالجبل جميلة ولكن ما أدري كيف الوضع بالنسبة لك هل تذهب للجبل على طول !!
تعب وارهاق ولكن إذا مصر أمن حجز أولاً بالجبل وسائق خاص بسيارته ..
الحجوزات من هنا أفضل ومن خلال مواقع الإنترنت وبالك مرتاح وخاصة وقتك ضيق وأيامك قليلة ..