وبالمرّه .. وش تنصحوني اجيب معاي غير الملابس .. ؟؟

حياك الله اخوي و اسف على الناخير في اجابتك
تقريبا الجو في ايرلندا مقارب للجو في بريطانيا اذا كنا رايح هناك , و بشهر يونيو راح يكون الجو ممتاز و رائع , لكن من شهر يبدأ الجو بالبرودة , بالنسبة لتجمعات العرب و المسلمين في دبلن ’ توجد مراكز اسلامية , مطاعم , محلات لبيع اللحم الحلال و هذه تحدثت عنها في تقريري موسوعة دبلن و تجده ان شاء الله في توقيعي.
أماكن ترفيهية و مفيدة : موجودة و لو تفكر في كل ويد اند تروح مكان (ممكن يكون خارج دبلن) سوف تكون لك حصيلة رائعة من الاماكن و في نفس الوقت يكون فيها كسر روتين و تجديد , لكن في فصول الشتاء الباردة يكون الجو باردا و نفضل البقاء في المنزل (و النوم لوقت متأخر تعويضا عن الاستيقاط المبكر طوال ايام الاسبوع) . و غالبا في ايام الويك اند يكون الذهاب للسينما او للعب كرة القدم , السنوكر , بولنغ و في كثير من الاحيان السهر مع الاصدقاء ليوم في الاسبوع.
و اتمنى لم حظا موفقا

عفوا اخوي .. انا اسف و اسف جدا بعد
واتمنى قبول اعتذاري
.. كان هناك خطأ .. كنت كاتب الموضوع وانا مستعجل ... واخطأت
انا مسافر بعد كم يوم ..
يعني في بدايه شهر يناير
يعني
الثالث او الرابع من :
January
ان شاء الله بأذن الله مسافر دبلن
وبالنسبه لردّك .. صراحه شاكرك لك ..
وشاكر لك جزيلا متابعتك يالغالي ..
وللمعلوميه .. كنت اتمنى انك انت اللي ترد بالذات ..
وفعلا سبحان الله ردّيت
.. وان شاء الله بالنسبه لموضوعك " موسوعة دبلن " راح اقراه .. واطّلع عليه ..
واذا كانت هناك اي استفسارات اخرى .. راح ارجع لك يالغالي ..
يعطيك العافيه

حياك الله اخوي و الصراحة كنت مستغرب لان العادة بشهر يونيو تبدا الاجازة , بالفعل 3 يناير بداية الترم بعد الكرسمس
الجو بارد انصح بالملابس الشتوية. ايضا ضع في بالك انها متوفرة هنا كون البلاد باردة و كذلك بيكون عليها خصومات جيدة لان موسم التسوق انتهى مع حلول عيد الميلاد (كرسمس) لذلك اذا اضطريت لشراء اي شي حاول ان يكون في موسم التنزيلات و التي تبدا شهر يناير و كل شئ تقريبا بيكون عليه sale تخفيض
و انا حاضر و في خدمتك و اعتذر لاني ارد متأخر في الغالب

الله لا يهينك يالغالي ..
ان شاء الله راح ااخذ احتياطي بالنسبه للملابس الشتويه
وماذا تنصحني بأحظاره بأستثناء الملابس !
اشياء انت جبتها معاك غير الملابس ..
انا اخاف اجيب معاي اواني مثلا وشي من هذا القبيل او مستلزمات حلاقة الدقن ,, كريمات ,, عطورات ،،
او اي شي اي شي كان
ويرفضون وماقدر ادخل بها معاي هناك ..وبعد سمعت ان التاكسي غالي بدبلن .. وفي ناس فضّلوا الباصات على التاكسي ..
ف مادري شنو وجهة نظركآسف للاطاله و يعطيك العافيه

1. حياك الله اخوي عزيز و غالي

حياك الله اخوي عزيز و غالي

الحقيقة في اشياء كثيرة ممكن تجيبها معك تدري الاسعار غالية في بدبلن بس تذكر انك راح تكون مربوط بوزن معين على الطيارة , و في دبلن كل شئ متوفر تقريبا مو زي ايام اول.فالاشياء اللي تجيبها تعتمد على تقديرك. طبعا الملابس شي اساسي لان من الطبيعي ان يكون معاك شوية ملابس و ايضا تشتري من هناك. ايضا الاحتياجات الاساسية.
العطورات و الكريمات و الاشياء السائلة ممنوع تاخذها معك في حقيبة اليد و لكن ممكن تكون في الحقيبة الكبيرة و الاشياء التي ذكرتها موجودة , ايضا لا ننسى ان عندهم اسواق باسعار تنافسية. باختصار احضر معك اي شئ تحتاجه بشرط مراعاة الوزن المسموح , المويبل بيكون ضروري لان الهواتف عندهم غير معربة و اكيد عندك موبيل , لا تنسة تخلي الاهل يكتبون لك الطبخات المفضلة و ايضا حاول تدخل المطبخ قبل لا تأتي دبلن و تاخذ دروس عملية في الطبخ صدقني تفيدك.
الجو في هذه الايام بارد و اكرر التنويه على الملابس الشتوية ’ ايضا جو ايرلندا ممطر و ضروري يكون معك جاكيت واقي من المطر , طبعا في ايرلندا متوفر بحكم انه جو البلد , و اكرر انك تنتظر موسم التنزيلات لان الاسعار سوف تخفض بشكل كبير و هذا راح يكون بعد وصولك بفترة بسيطة.
شوف اخوي التكسي من المطار شي طبيعي شخصيا من المطار دايما اخذ تكسي , لكن التكسي اكيد غالي و ما يصلح لان تستخدمه بشكل يومي , و هذا الشئ اللي جعلني اركز على وساءل النفل العام في دبلن , الباص ميزته انه يغطي لكل مكان في دبلن ال luas و ال dart اسرع و افضل لكن لا يغطون الا مناطق محدودة و استخدامك لها يعتمد على مكان سكنك و جامعتك.
و بالتوفيق

الله يحيك ..
حلو حلو حلو ..
ش
قضية الوزن هذه معروفه وواضحه وماراح اواجه فيها اي مشاكل ..
والحمدلله زين قلت لي بحقيبة اليد ما اقدر اشيل الاشياء اللي ذكرتها ..
يعني مثلا العطورات والكريمات ومستلزمات الحلاقه وغيرها ممكن تكون بالحقيبه الكبيره .. كذا تمام ..
وبالنسبه للموبايل .. قول موبايلات مو موبايل :P
طبعا مااقدر استغني عنه واكيد راح اخذه معاي موبايلي
وبعد بالطبخ لا تشيل هم ... عندي خلفيه كبيرة عن الطبخ .. :d
والملابس .. انا قررت اني ما اخذ معاي ملابس كثير .. لاني كنت حاط في بالي اني باخذ حقيبتين كبار وكلها ملابس ..
بس راح ااخذ واحده وفيها ملابس كافيه .. وان اشاء الله راح اشتري من هناك ....
بس راح تنزل الاسعار مثل ماتفضلت بعد فترة بسيطه من وصلي .. قصدك يعني في نهاية شهر يناير وبداية فبراير ؟؟
و اي مول ممكن اني احصّل فيه ملابس حلوه ...
( المول اللي عجبني بصراحه ستيفنس قرين ,,, وشارع قرافتون بعد عجبني وايد )
وياليت تقول لي كذا مول ,, او شارع .. او مكان .. للملابس .. انا من النوع اللي احب الملابس واهي اهم شي عندي :d
وتسلم يالغالي
تحياتي

اخوي المرافد .. !!
وينك طوّلت الغيبه علينا
ياليت القى رد على اللي قلت لك (( فوق ^^ ))
اضف الى ذلك :
انا المفترض اني امس مسافر ... لكن أجّلت السفر الى 18 جانيوري .. صار عندي شوية اشغال لازم اخللصها
بالدوام والوالده راح تولد ان شاء الله هالكم يوم
يعني ان شاء الله 18 جانيوري مسافر ان شاء الله
وحجزت وقصيت التذاكر خلاص ..
الرياض >> لندن
لندن >> دبلن
رحلتي من الرياض ل لندن
الساعه 2 ونص am وراح اكون ب لندن بأذن الله الساعه 6.25 am
والساعه 9.05 am من لندن على دبلن و اوصل هناك ان شاء الله الساعه 10.25 am
لكن السؤال هنا
الرحله طبعا ترانزيت
وراح ااقعد بمطار لندن ساعتين تقريبا لين تجي رحلتي على دبلن
هل احتاج فيزا حق لندن ؟؟
مع اني ماراح اطلع من المطار .. يعني قعدتي بلندن كللها ساعتين
مادري هل احتاج اسوي فيزا حق لندن أو لا ؟
شآكر لك يالغالي
تحياتي
خالد

بالنسبة للتنزيلات ما ادري بالضبط بس تبدي بشهر يناير و اتوقع الوقت اللي راح توصل فيه بيكون موسم التنزيلات قد بدأ طبعا راح تشوف كتابات كلمة sale بكثرة و معناها تنزيلات و المحل اللي حاطها بيكون عامل تخفيض.
المجمعات و الاسواق : الصراحة المفروض اني استكمل موسوعة دبلن المصورة التي بدأتها و عندي مجموعة مجمعات جيدة و صور لها بكامرتي الشخصية منذ فترة طويلة و لكن انشغلت بتقرير رحلتي الى اسكلتندا و الان مشغول كثير بالدوام و ان شاء الله استكملها بس المحلات هذه تلقاها في السيتي سنتر اللي عبارة عن مركز تسوق رئيسي و ايضا في مجمعات كبيرة و مولات تنتشر خارج السيتي و اشهرها مجمع Dundrum هذا اكبر مول في اوربا حسب ما سمعت بالاضافة الى مجمعين مشهورين هما بلانشيستاون و ليفي فالي يقعان خارج دبلن لكن يمكن الوصول لهما بباصات يعني بعيدين شوي. و ان شاء الله راح احاول اغطي اكثر عن المجمعات في تكملة تقريري عن دبلن قريبا.
بالنسبة للانترنت في العائلة لا تحمل مشكلة الان كثيرا من العوائل بيكون عندها وايرلس طبعا بيكونون حاطين عليه باس ورد للدخول و بيعطونك اياها , لكن اذا ما عندهم وايرلس تقدر ببساطة تشترك بخدمة الانترنت من كثير من الشركات , و بيعطونك جهاز (خل نقول مودم ) و بكل بساطة تركبه و توصله بالكمبيوتر و يشتغل فورا و لا تحتاج خط تلفون و لا اي شي ثاني و سعره معقول اتوقع 20-25 يورو شهريا و يمكن تحصل ارخص لان فيه اكثر من شركة , طبعا الاشتراك كحد ادنى معهم ممكن يكون ستة اشهر الى سنة حسب علمي. و ميزته انك تقدر تدخل على النت باي مكان ,كل ما عليك ان تاخذ الجهاو معك و تشبك (بس لازم توصله بالكهرباء طبعا) يعني ممكن تشبك من الكلية , بيت صديقك و أي مكان آخر.و السعر جيد