اخوي عشان تحب المغرب
اعشقها لو بالاسم
حاول تحس انك تعرفها من زمان
اجلس مع مزاعيط المغرب واهل الخبرة
اكثر من نص الاسئلة بتلاقي جوابة من نفسك
تقبل مروري

يالغالي وين احصلهم راعيين المغرب ههه
اقول كل واحد قلت له رفض ابي الاجابه من عندكم وانتم فيكم الخير والبركه

1. اذا لوحدك انا افضل لك انك تسكن في فندق .. اما اذا معاك احد فخذ شقة


2. س6 ابي تنصحوني بكل شي ولا تبخلون علي ...


3. اعتقد ان الاجوبة قدرت تاخد النصايح مني ..

الأخ فايندي
ان شاءالله الأخوان الخبراء في المغرب يفيدوك اكثر .. وتظل الإجابة وجهات نظر
س1 هل تنصحوني اني اسافر للمغرب بروحي لان الاغلبيه قلت لهم ورفضو وانا بالعربي ودي اروح مدري
بحكم انكم اخبر مني هل حلوه اني اسافر بروحي طبعا من جميع النواحي الامن والامان ومن هالكلام وانتم خابرين ...
عزيزي القناعات تختلف من شخص لآخر في مسألة السفر لوحدك ولا معاك أحد .. انا من ناحيتي ما احب اسافر لوحدي .. ومن ناحية الامن والأمان فالبلد مافيها شي يخوف .. ولكن كازا تخوف بعد الساعة 11 مساء يعني لو تبغى تتمشى كعابي أحس اني قلقان والوضع ما يطمن ... اما اغادير ومراكش فأحسها اروق واهدى من كازا ..
س2 بجلس اسبوعين كم اخذ معي وابي يكون وضعي متوسط يعني لاتحت ولا فوق اهم شي مبسوط كم تتوقعون تطلع الميزانيه مع التذكره ...
اذا وضعك وسط يمكن ماراح تصرف اكثر من الف ريال في اليوم ولكن للإحتياط حط في بالك انك راح تصرف الف في اليوم يعني ماراح تتجاوز صرفيتك ال 14 الف ريال .. طبعا بدون التذكره ..
س3 هل السكن بفندق ولا اخذ شقه ..

اذا لوحدك انا افضل لك انك تسكن في فندق .. اما اذا معاك احد فخذ شقة

س4 ابي مدينه اجلس فيها يعني اختارو كازا ولا طنجه ولا مراكش .. ولا احب التنقل يعني ابي استقر بمدينه وحده بس ...
انك تجلس اسبوعين في مدينه يمكن تحس بالطفش شويه .. ولكن مراكش ما تتفوت بلد اعجبتني كثيراً .. وطنجة يقولو عنها ولكن ما اقدر افيدك فلا يفتي ومالك في المدينة .. عمدة طنجة الاخ طنجاوي بورو راح يفيدك اكثر عنها ولك حرية الاختيار .
س5 وش نظام هالبلد وانا والله اعجبكم مو مدح بنفسي بس عارف حدودي والغريب لازم يكون اديب .
نظامها من اي ناحية ؟؟ ترى البلد عادية والامور سهالة صدقني ولكن خذ احتياطك من التكاسي والإكراميات في بعض الاماكن .. واذا كنت عارف حدودك صدقني ماراح تلاقي اذية من أحد فكل مين في حاله في المغرب ..

س6 ابي تنصحوني بكل شي ولا تبخلون علي ...

اعتقد ان الاجوبة قدرت تاخد النصايح مني ..

ولكن اتمنى انك تكون خير ممثل لبلدك من خلال التعامل مع المغاربة .. وانتبه من الثقة في الناس اللي تمشي في الشوارع ويقولولك تبغى اقامة ولا غيره .. وخلال تجولك لا تطلع جوالك الا وقت الضرورة فهو معرض للسرقة والنشل .. وكمان لا تحاول تظهر نفسك بمظهر الرجل الغني وهو عادة السعوديين حينما يذهبو للسياحة فخليك بسيط في لبسك .. واذا كنت راعي سهرات حاول انك قبل ما تروح للمكان اللي بتسهر فيه تتفق مع تاكسي يوديك ويجيبك وبسعر مناسب ..
س7 الي عنده اضافات على شي ماذكرته بحكم اني مااعرف شي بالبد هذا ياليت يذكرلي ...
ما عندي اي اضافة وان شاءالله الاخوان ماراح يقصرو معاك ... بس لا اوصيك سلم لنا على المغرب كثير السلام
تحياتي لك وتروح وترجع بالسلامة

يابعدي عزالله ماقصرت وبيض الله وجهك
بس حاب اسمع للاغلبيه وراح استمع لنصايحكم الله لايخليني منكم..

هو ماقصر وانتم بعد ماراح تقصرون وانا ابي اعرف وجهات نظر كل واحد منكم
ولولا اختلاف الاذواق لبارت السلع انا ابي اشوف ارائكم لاستفيد من خبراتكم
افا وينكم يالغاليين
جاوبو علي وعلموني