مسا الخير
كيفكم يابوابه سويسرا
بدخل بالموضوع على طول
طول عمري احلم بزياره سويسرا والنمسا
والحمدلله الصيف هذا جتنا الموافقه على سويسرا
دورت وسويت بحث وخاصه ان احنا نبي نحجز عن طريق مكتب
عشان يجيبون لنا الفيز اسرع
لقيت عرض بحط لكم الفنادق الحين
وقولي لي هل هي زينه والا لا
احنا عائله انا وامي وابوي واختي
وامي منقبه
يعني هل هالاماكن تتناسب مع نقاب امي والا لاء
والسؤال الثاني
على اي خطوط تنصحوني احجز
ابي خطوط زينه واسعارها مناسبه
هم معطيني الخطوط الاردنيه
بس الاردنيه احنا رايحين فيها قبل سنتين للاردن ودرجه اولى كنا ومره تعاملهم مو زين
فكيف واحنا رايحين سياحيه
السؤال الثالث
كيف المعيشه هناك
وحده قالت لامي شتبون فيها المويه النص لتر ب30 ريال
ماتوقع ان هالكلام صحيح
والسؤال الرابع
ايش احسن وسيله تنقل بين هالاماكن
وهل فيه مكتب معين تنصحوني اتعامل معاه
على علم اني انا من الشرقيه
واقدر اتعامل مع مكاتب البحرين والكويت والرياض عادي
والامارات للعطلات عندنا بس مايردون علي:112:
ارجوكم لاتبخلون علي بالنصيحه
اختكم بوجهها هالرحله ولو ماتميت كل شي ماراح نروح
والحين اخليكم مع البرنامج الي حاطينه لنا المكتب
1-جنيف اربع ليالي في فندق وارويك مع الافطار
2-انترلكن ثلاث ليال في فندق بوريفاج مع الافطار
3-لوجانو ثلاث ليال في فندق ديلابي مع الافطار
4-جنيف ليلتين في فندق بريستول مع الافطار
هو قالي ان كل الفنادق مصنفه 4 نجوم
وانا اعرف ان 4 نجوم برى 5 نجوم عندنا
انتو شرايكم ,,,؟
تحياتي لكم