السلام عليكم ورحمة الله وبركاته
والله بالنسبة لي مادخلت هاذي الفنادق بس ودي أفيدك بنقطة تأخذها بعين الأعتبار ..
العام الماضي لما بغيت أحجز الفنادق في بوكيت وبانكوك وبعد ما بحثت وسألت لقيت أن بعض الفنادق تعطي ليالي مجانية مقابل السكن ليلتين أو ثلاث علشان كذا حبيت انبهك لهذي النقطة .. لأن بعض مكاتب السفر يعطونك السعر بدون الليالي المجانية وطبعاً قيمة الليلة المجانية تكون في جيوبهم ..
وأنا أرشح لك فندق Amari Coral Beach Resort في فوكيت والله فيه جلسة بالبلكون جميلة وما تنسى ..
أما في بانكوك فأرشحلك هوليدي أن اللي قريب من الأنتر كونتنتال لأنه وسط الأسواق والمجمعات وجنب المترو .. أتمنى لك رحلة سعيدة

الف شكر على مرورك والله يجزاك خير
بالنسبه للاسعار ياريت تضيفيهاا للفنادق اللي ذكرتيها
وبالنسه للطيران عندك خلفيه؟

هلابك .. وأنا في الخدمة
1/بالنسبة للخطوط أنصحك بطيران الأتحاد ممتاز وطيران نظيف ومريح وأسعاره مناسبة وكلما تحجز بدري يكون سعرك أقل وبعدين يمكن تبدأ أو تنهي رحلتك بالسكن على حسابهم في فندق في أبوظبي ويوصلونك من وللمطار مجاناً ..
2/عندي رأي أنت مسافر مع زوجتك وش رأيك تروح شانغ ماي بدل بتايا مدينة جوها لطيف ومريحة صراحة أرشحها لك وأسكن في فندق الشيراتون Sheraton Chiangmai Hotelسعره ما يتجاوز 300 ريال مع الفطور يكفيها 3ليالي..
3/ فندق Amari Coral Beach Resort في نهاية شاطئ الباتونق يعني أفضل شواطئ فوكيت وموقعه ممتاز أخذناه 280ريال مع فطور وكل ثلاث ليالي عليه ليلة مجانية يعني دفعنا حق 6ليلي وسكنا 8ليالي
4/فندق Holiday Inn Hotel & Resort Bangkok تقريبا330 ريال بدون فطوربس تطلع من باب الفندق وتحصل المترو قدامك يعني ما تحتاج تكاسي تعرف بانكوك للتسوق ما يحتاج فلا تفوت الفرصة..

هلا اخوي
بما انك رايح بتايا وشهر عسل وانت مغمض احجز في فندق رويال بيتش كلوب وبتدعي لي وهذا الموضوع الي كتبته عن الفندق https://artravelers.com
بخصوص النقل الداخلي الخطوط التايلندي ممتازه جدا بعدها بانكوك ايرلاينز . واذا تبي الاسعار فباقي الشركات ما تفرق من ناحية المستوى واسعارها ارخص بكثير من التايلنديه .
تقبل تحياتي والف مبروك وسفر سعيد

مشكوره اختي طالبه على مرورك والله يسعد بحياتك بس بحكم اني جاي من ماليزيا وشانج ماي تعتبر في شمال تايلند وبوكيت العكس ولاتنسين التسوق اهم شي عند الحريم بانكوك

الله يعطيك العافيه ويبارك بحياتك صرااحه حيرتني انا كنت مخطط على ماريوت بس لان خويي يمدحه لي كثير وبحكم قربه من المطاعم بس احتمال كبيراغيره بعد كلامك

يا عزيزي لا تشيل هم المطاعم ولا شي هو انت تاكل 24 ساعه !! كلها عشى وغدى تطلع بالطقطق 100 بات رايح ومثلها جاي والحمد لله. لا وغالبا تصير اصلا وقت الغدا والعشا طالع برا!!
لا وحتى لو تقول صرفيه اذا بتدفع 100 بات كل روحه ورده بقولك ان الكراسي الي على شاطي بتايا تكلفك 150 بات للشخص يعني انت وزوجتك 300 بات لا ويجي واحد جميك يضايقك فضطر تمشي.
ومع اني ما انكر ان الماريوت ممتاز والجميع يثني عليه، لكن ترا ميزة الشاطئ الخاص ميزه رهيبه جدا نظافه وخصوصيه. لا خصوصا في بتايا الي شاطئها كله مزحوم الى ابعد الحدود.
بقوولك شي انا لو بطلع اجازه في الصيف الجاي بطق لي اسبوع في ذاك الفندق ما اطلع منه ابد. واذا عزمت على هذا الفندق ارسل لي على الخاص عندي لك مكان سري يعجبك.
شوف الفرق بين الصورتين

تحياتي