محمد ابو شوق
11-08-2022 - 05:33 am
السلام عليكم
اسعد الله اوقاتكم
اعزائي اعضاء المنتدى
زواجي ان شاءالله في
1433/10/2
يعني ثاني العيد ان شاءالله .. دعواتكم
يعطيكم علومي ووش سويت ووش ماسويت >> راعي طويله
المهم انا حجزت عن طريق الخطوط السعوديه
حجزت ذهاب وعوده مقعدين لي انا والمدام الله يحفضها لي
رحلتي ان شاءالله في 5 شوال الساعه 12 وربع يعني نصبح على يوم 6 شوال
والعوده في 26 شوال الاقلاع 3 ونص والوصول ان شاءالله الى ارض الوطن الساعه 8 وربع مساء
يعني تقريبا الرحله 20 يوم
طبعا ماسويت شي غير كذا
وللحين ماني عارف اساسا وش يبغالي عشان اطلع جواز لي انا والمدام
وهل زوجتي لازم يكون عندها بطاقة احوال والا عادي لو اضفتها معي في الجواز وتمشي الامور
طبعا فيه شي لازم اعلمكم فيه
سددت مخالفات بمبلغ 13400 >>>>>> نغمه حزينه
عشان اطلع جواز
بس للحين ماني عارف وش اول خطوه اسويها عشان اطلع جواز لي انا والمدام
ياليت تعطوني الطريقة بالتفصيل
الشي الثاني
ماحجزت فنادق ولاني عارف وين اروح بالضبط من اندونيسيا
بس حاط في راسي اني اروح جاكرتا والجبل وباندونق هذي الاماكن اللي احس مناسبه ..من تقارير الاعضاء هنا
بالي حلوه بس انفتاحيه زايده واللي سمعت وشفت من التقارير والصور انها خلاعه زايده
عشان كذا شلتها من راسي
بس ماني عارف كم تبعد جاكرتا عن باندونق وعن الجبل
وهل فيه مناطق قريبه منها وحلوه .. عادي اروح لها لان معي تقريبا 20 يوم
اعطوني رأيكم في الاماكن وكذا
وهل احجز من هنا والا عادي اذا وصلت احجز
اللي بيقول عادي اذا وصلت احجز .. اوك بس اول ثلاثه ايام ودي احجز على بال مااكون ريحت وخططت وكذا
الشي الثالث
كم تتوقعون المبلغ اللي يكفيني
مع العلم ان شاءالله راح اتسوق في بعض اسواق جاكرتا
وهل احد عنده فكره معينه او اقتراح او حاب يقول لي شي اسويه وش مااسويه بحكم تجربته
يعني اي شي في راسك اسدحه لي يمكن استفيد
لاني ماعمري سافرت خارج المملكه فمآ ادري يمكن في شي مااعرفه انت تعرفه
واللي عنده برنامج يسدحه هنا
واللي يبي يفضفض عادي ياخذ راحته ههه بس لايطول
وسلآمتكم
بانتضآركم
شكيت بنفسي أنا اسمي محمد وعندي بنت اسمه شوق وينادوني بوشوق . الزبدة
1) الغي حجزك في الخطوط السعوديةلأنه سيئة .
2)نصيحة لا تحجزون على القطرية الكرسي ضيق ومافي مسافة مابينك وبين الى قدامك يعني الركبة لاصقة في الكرسي الى قدام .
3)الأمارتية أنا مجربه أوكي (مع مراعاة وقت الأنتظار)
4)الأتحاد ماجربته بس يمدحونها (مع مراعاة وقت الأنتظار ).
أول يوم الوصول مو مهم الصباح أو المساء بس أهم شي يوم الوصول يكون راحة للنوم بعد عناء السفر (تحجزون فندق عن طريق البوكنق حق يوم الوصول فقط )
ثاني يوم السواق ينتظركم من الساعة 8 ص تروحون للجبل وتختارون الفلة الى تعجبكم .
بعدين اي حجز في جاكرتا أو باندونق تأخذونه من مكاتب كاها الى موجود في المطار أو جاكرتا أو الجبل بس أهم شي الترتيب قبله بكم يوم يعني بتروحون باندونق تحجزون من مكتب كاها قبله بيومين
وحتى آخر يومين لجاكرتا تحجزونه من مكتب كاها .
الميزانية قول 25000 -30000الف تقريبآ من غير التسوق اذا بتروح بالي تحتاج مبلغ أعلى من كذا .
أتمنى أكون أفدتك .