ام ريان
اللي سمعتيه مباالغ من قلب
انفلونز الخنازير شي مو خطير
وبعدين كم واحد راح لندن ورد ومافيه الا العافيه
حبيبتي ام ريان توكلي على الله و نصيحه لاتاخذين بنتج خليها عند اهلج و اخذي راحتج احسن والله راح يضيق خلق بنتج لأنه هناك ترى ناس متواجده بكثره و صراحه الواحد يخاف على عياله الصغار من الزحمه
واذا تبين تاخذينها معاج مافي مشكله
و لاتخافين هناك ناس نعرفهم بلندن عادي مافيهم شي لما كلمتهم قالوا انهم بالهايد بارك
يعني الحمدلله الوضع طبيعي
اي شي تبينه احنا بالخدمه
اختج

مشكورين ما قصرتو
لندنية بعد ماتعرفين ربعنا حق المبالغه
وبنتي ضروري اخذها بوديها دزني باريس اول وبعدين بطلع من باريس على لندن
ليش ما ينفع لها
وبسالج تعرفين شركات سياحية ثقه بلندن ممكن توديني رحلات

اللي بسافر يسافر أنا رحت جنيف وانترلاكن وباريس +ديزني ,لندن ..
والله ما حسييت بالأنفلونزا ولاا جبت خبرها بس أهم شئ تاخذين معآآك ديتول "الصغير حق الشنظه " (المعقم) وبس والحمد لله توكلي على الله وبنتك صغيره 3 سنوات !! والله ديزني كبيره ومااراح تفهم اخواني 6 و7 ومررا ملو يعني بس الكباار اللي استانسوا .. واذا مره بتاخذينها أهمم شئ " العربيه " .. والله يسر لك أمرك وكل مساافر يارب ,,

انا راجع من بريطانيا قبل يومين ومعانا في العايلة اطفال واالوضع جدا عادي كل الي تسمعينة مبالغ فيه وماشفت اي احد في لندن لابس كمام والعرب والخليجيين خاصة مالين البلد وأطفالهم معاهم سافري وانتي مطمنة اصلا راح تنسين المرض هناك لانه مافي حد مهتم فيه

الكلام عن الأنفلونزا مبالغ فيه ... إحنا صار لنا 10 أيام رادين من لندن ومعانا أطفال ....
الوضع عادي وعيالنا استانسوا في لندن ووديناهم مكانات وايد للأطفال .
بس نصيحة خلي مناديل ديتول عندج ، وامسحي يدين اليهال لما يلعبون أو إيودون شي برى ...
وابتعدي عن الأشخاص اللي فيهم زكام ، مثلاً في الباص لو شفتِ حد يكح ،غيري مكانج .
والحافظ الله ، ولن يصيبنا إلا ماكتب لنا .

الحمدلله رجعنا من لندن قبل كم يوم ماصابنا شي
نحن عايله من 10 اشخاص عدنا الصغير وعدنا الشايب
وترى هو موجود في كل مكان المرض يعني الحمدلله نتمشى فالعالم بكيفنا لوول

والله الوضع طبيعي جدا بالندن
بس اليوم ولدي ارتفعت حرارته ويكح ويشتكي من حلقه
ودخل الوسواس فيني الله يستر برجع الخميس لسعوديه واوديه
جبت له علاج من الصيدليه واحس لو بيجيه شي مراح ارتاح من تانيب الضمير
بس ان شاء الله انها انفلونزا عاديه

أنا في لندن ولا في شي عن انفلونزا الخنازير و وياي اخوي الصغير و الوضع طبيعي 100 %