Sister
31-05-2022 - 01:56 am
السلام عليكم ورحمة الله وبركاته
اولا انا من المتابعين بس قليله المشاركه وبصراحه استفدت كثيرا من هالمنتدى الاكثر من رائع واعضائه الاروع
سفرتي لتايلند استانست فيها وحتى زوجي حسيته فرحان فيني لاني رحت وانا متروسه معلومات وما احتجنا اي مساعده هناك وخلاني على كيفي اخيط وابيط واخترت المناطق والفنادق والرحلات كلها بمزاجي
المهم
الحين احنا ناوين على الصين وقاعده الحين اجمع معلومات واحسب حساباتي عشان الميزانيه :11ight_li
ادري بتقولون لي توها الناس بس احسن عشان ما ننحط في مواقف محرجه هناك
احنا ناوين السفر في فبراير ( هل فعلا بيكون فيها ثلج ؟؟؟) وبنروح اثنينا فقط وانا خاطري نروح قروب بدون اطفال ياريت :15: بتكون الرحله احلى حاليا زميل العمل وزوجته يفكرون يجون معانا واتمنى يكبر القرب
انا ابي اروح :
1. شنغهاي: برج التلفزيون, متاحف, تسوق خفيف واي شي ثاني حلو تقترحونه
2. هونج كونج: ديزني لاند, Ocean Park , تسوق خفيف واي شي ثاني حلو تقترحونه
3. جوانزوا:تسوق, نافذة العالم
فمن خبرتكم كل مدينه كم يوم يكفي لها
واكيد في اسئله جايه في الطريق اكثر
كوانزو اسواقها كثيرة جدا وانتي تحددي ايام التسوق بالنسبة للسياحة 3 ايام الى 4
هونق كونق 4 ايام
وان شاء الله بتقريري القادم راح تكون فيه تفاصيل عن المدن اللي ذكرتها كلها قريبا