ما شاء الله عدد كبير
لهذا نحتاج ترتيب ممتاز حتى نزفر لكم اكبر قدر من الراحه
اسمحلي اعدل على الجدول المعكوس
اولا الخطأ انج رجعتي الى ميونخ مره اخر ما تحتاجين هالطريقه
لكن احب اجاوبج بالتفصيل لهذا بسئلج سؤال ونصيحه
السؤال انتي ما عندكم مشكله تبون فنادق صح ؟؟؟
النصيحه عددكم كبير جدا رأيي اتشوفين ارقام السواقين بالمنتدى الي ذكرتهم او من هناك وخصوصا للتنقل بين مدينه اوخرى فقط لان قد يكون السعر متقارب مع اسعار القطار بالنسبه للعددكم
ثالثا المخطط كالاتي ميونخ 6 ايام سالزبورخ 5 ايام زيلامسي 6 ايام فينا 5 ايام
بنتظاركم

صباحكم خير..
اسعدني تجاوبك معاي يامشرفنا..وفعلا محتاجه مساعدتك..لاني انا مستلمة كل شي في ترتيب الرحلة..
اقامتنا راح تكون بإذن الله في فنادق..وفعلا سالفة العوده لميونخ مره ثانيه هذي مو عاجبتني...وبالنسبه للتنقل..جات على بالي فكرة السواقين واتوقع انها بتكون اريح لنا..لانه المسافرين امهات وبنات وشباب واطفال..بس شنطنا بتكون وايد..فهالشي ماراح يكون عائق عشان ناخذ سواق للتنقل من منطقه إلى منطقه؟؟!
وبالنسبه لإقامه في سالزبرغ..الأهل حابين بس يتنقلون 3 مرات...يعني ميونخ..سالزبرغ أو زيلامسي..وبعده فيينا..
والسواق شلون اقدر احصل عليه وارتب معاه؟.!
تحيااتي لك اخوي...ومنتظره مشوورتك..

هلا فيج
رأيي يا اختي امشي على الجدول الي ذكرته لج بالاول
مو خساره 4 مدن خصوصا ان بين سالزبورخ وزيلامسي ساعه ونصف بالقطار فقط يعني مو متعبه
لاني في حيره من امري ؟؟ ليش
لو لغينا سالزبورخ
وخلينا الرحله ميونخ زيلامسي فين .. راح تكون الرحلات عبر القطار كلها تبديل .. والمشلكه الثانيه المده طويله 18 يوم على 3 مدن ..
ولو خلينا الرحله فقط ميونخ سالزبورخ فينا .. حرام اطوفون زيلامسي والسكن بها وبيكلفكم الذهاب لها سعر كبير للوصول لها فقط لساعات والعوده الى السكن..
عموما انتي بالخيار انا ودي اتشوفون اربع مدن اذا انتي اتشوفين 3 اختاري بين زيلامسي او سالزبورخ
حتى ننتقل الى الفنادق بأسرع وقت
وعلى فكره لو اخترتي سالزبورخ راح تكون الرحلات بالقطار دايركت ( ميونخ - سالزبورخ -- فينا )
تحياتي

مساء الخير...
خلاص نخليها على ميونخ..زيلامسي..فيينا....وشلون بالنسبه للسواق..اشرايك..؟! انه بصراحه الي متخوفه منه شيل وحط بهالشنط فالقطارات..احسه متعب وشنطنا بتكون وايد..ل10 اشخاص... وبالنسبه للفنادق..انه متوهقه بزيلامسي..مادري شالحل.! مافيها فنادق مثل سالزبرغ..عالعموم بنتظر اقتراحاتك بالنسبه للفنادق..والميزانية بين 600 ريال إلى 650 ريال لليله...
في انتظارك..
تحياتي..ولك مني جزيل الشكر..

وش رايكم تسكنون بفيلا او كوخ او شقق كبيره بزيلامسي فيه تكفي عددكم كلكم بس تحتاجون سياره او نبحث لكم عن شي جنبه محطه باصات
تبغين فندق سعره باليوم 600 ريال لكم كلكم مستحيل تلقين بهالسعر ابدا
اقل شي اليوم 1000 ريال هذا اقل شي
الوصول يوم 25-6 وقلتي عندكم 21 ليله يفضل يكون المخطط
5ليالي ميونخ - 7ليالي زيلامسي- 5ليالي سالزبورغ- 4ليالي فيينا
وش رايك اذا ناسبك اجيب لك خيارات للسكن
بس اعطيني عددكم كم بالغ وكم طفل واعمار الاطفال ضروري
المشكله لوبغينا نحجز لكم شي غير الفنادق لازم تكون معاكم سياره لانه غالبا الشاليهات او الفلل تكون بعيده عن السنتر يعني شوفوا موضوع السواق اول شي وهل عادي عندكم تدفعون مبالغه ولالا
طبعا افضل ملبون بالميه من القطارات وشحططتها بس تحملوا سعره بيكون مرتفع

هلا والله اختي...
اسعدني مرورج... الميزانيه للفنادق كنت اقصد من 600 إلى 650 ريال ((للغرفه والليلة))...واهم شي للفنادق عندنا الموقع ومايكون أقل من 4 نجوم..ضروري يكون بالسنتر وقريب من كل شي...وماودنا نسكن بشقق..لانه ماعندنا سيارة راح نعتمد عالمواصلات العامة..وبالنسبه للسواق الأخ ali q8 77 ذكر ان من الممكن تكلفة القطارات نحطها للسيارة الي معاها سايق للتنقل من منطقه إلى منطقه...فإشرايكم؟!
للعلم: عددنا 7 بالغين..و3 اطفال: 11 سنة, 14 سنة, 15 سنة.
والوصول لميونخ بتاريخ 5 جولاي, والرجعة من فيينا بتاريخ 26 جولاي. (( 21 ليلة))
واحتاج مساعدتج في اختيار الفنادق في هالمناطق....
تحيااتي...ولج جزيل الشكر..

هل هذا المخطط مناسبكم
5ليالي ميونخ - 7ليالي زيلامسي- 5ليالي سالزبورغ- 4ليالي فيينا
ياليت تعطيني التاريخ بالضبط ؟؟
وكمان عدد البالغين والاطفال اعمارهم
انا افضل اذا بتدفعون للقطارات وكمان سياره وسواق داخل المدن خلوها من البدايه سياره وسواق بدل الشحططه
اذا بتاخذون فنادق بس ماتبغون شقق حتى الاكل بيكلفكم كثير
ومبلغ 600 ماتلقي في سنتر فيينا اوميونخ بهالسعر غالبا
افضل شي لكم شقق في المدن اللي نلقى فيها
والبقيه فنادق وممكن نبحث عن غرفه ثلاثيه اورباعيه

عددنا 7 بالغين..و3 اطفال: 11 سنة, 14 سنة, 15 سنة.
والوصول لميونخ بتاريخ 5 جولاي, والرجعة من فيينا بتاريخ 26 جولاي. (( 21 ليلة))
واذا بنستخدم سيارة بسواق راح نستخدمها بس للتنقل من منطقة إلى منطقة...اما التنقل داخل المدينة راح يكون بالمواصلات العامة..
وبالنسبة للمخطط..حابينه يكون (( 7 ليلات ميونخ,7 ليلات زيلامسي او سالزبرغ (( على حسب افضل الفنادق المتوفرة, و7 ليلات فيينا..
تحيااتي لج على مجهودج..

اول شي انتوا 9 بالغين وطفل واحد
الافضل يكون المخطط
7ليالي ميونخ- 7ليالي زيلامسي- 7ليالي فيينا
رغم اني اشوف انه ميونخ وفيينا كثير جدا جدا جدا عليهم 7 ليالي والامر يعود لك