لو تبحث بالمنتدى راح تلقى اجابات وافية
موفق برحلتك

نصيحة أخي الكريم التكسي غالي جدا والمترو متوفر ورخيص بمعدل 130 ريال في الاسبوع ( قطار + باصات ) يعني بلاش
بالنسبة للفندق فالفنادق المحيطة باهظة الثمن والذي فهمته أنك تريد شيئا معقولاُ
اقترح عليك السكن بعيد عن السيتي سنتر والتنقل بالمترو
رحلة سعيدة

وعليكم السلام ورحمة الله وبركاته
يا هلا ومرحبا بأخوي، أنا راح أرد عليك باللي أعرف وإن شاء الله باقي الجماعة ما راح يقصرون معاك
أولاً: بالنسبة عن التاكسي نصيحتي لك مثل باقي الأخوان التاكسي غالي واستخدم الاندرقراوند أحسن وأفضل، لكن إذا ودك تستخدم تاكسي بس من مطار هيثرو للفندق عند الوصول للندن ومن الفندق للمطار عند المغادرة فأنصحك بتاكسي ألفا إللي أخونا لقطري (العمدة) سوى تقرير عنه في هذي البوابة وأنا استخدمته في روحتي للندن مع زوجتي وسعره مناسب جداً ووقتهم مضبوط، وهذا موقعهم:
http://alphaminicab.com/
وممكن تجوف تقرير أخونا العمدة في هذي البوابة عن هذي الشركة، وتجوف تقريري عن لندن مذكور فيه هذي الشركة
ثانياً: بالنسبة عن الفنادق عندك فندق كمبرلاند بس مو رخيص وعندك فندق أخونا لقطري Hotel Shaftesbury Meropolis هو فندق أربع أربع نجوم ويقول حلو ونظيف والنت فري ومكيف وبمنتصف شارع العرب
ثالثاً: المطاعم الحلال راح تلاقيها في شارع العرب
رابعاً: خريطة الباصات الحمرا: هل تقصد الباصات العامة أم الباصات السياحية ؟

مرحبا اخوي بالنسبه للتاكسي خلك مع شركة الفا وماراح تندم
رخيصه ومواعيدها تمام وناس محترمه وامنه لانهم شركه
واحذروا من الي يوزعون ارقامهم في شارع العرب لانهم مو شركات يعني ماتعرف عن التاكسي الا رقم تلفون وبس
ومايلتزمون بالوقت ابدا وكانت بتفوتنا الرحله بسببهم

ماقصروا الاخوان جزاهم الله خير