احلى ملاك
29-08-2022 - 10:37 am
السلام عليكم...........
انا من اللبحرين وانشالله بكرة بروح للشرقية
ابي منكم توصفون لي سوق الحب في الدمام وين صاير بالضبط؟؟؟
ولي رجاء يكون الوصف دقيق لأني ما اعرف هالسوق ولا مرة رحت له........
وياليت يكون الوصف من اول ما اطلع من الجسر وانا جاية من البحرين
ولكم مني كل الشكر
أنا بوصف لك سوق الحب ، بس الله يعينك على التحويله أهم شي تشوفين لك حل وترجعين على الوصف اللي بكتبه لك ..
وأنتي طالعه من جسر الملك فهد تآخذي يمين كأنك رايحه للخبر والظهران والدمام ... أتمنى فهمتي
تمشين على طول تجي مدينة الثقية على يمينك خليك ماشيه على طول يجيك نفق اللي عند مجمع الراشد برضو امشي سيده ، تتعدين جامعة الملك فهد للبترول والمعادن يجي لك لفه يمين على الخط السريع توديك لحي الدوحه والدانه والدمام لفي معها وبتشوفين كلية التقنية على يسارك بعد مسافه..
وخليك كذا وعلى طول تمشين سيده تجيك أول اشاره ثاني أشاره بعدها تجيك تحويله عند ملعب الدمام مقفله الطريق اللي يوصلك على الشارع الأول بالدمام .. ولو كانت التحويله مفتوحه تمشين برضو سيده يجيك مجمع الواحه على يسارك وعدي اشاره أشارتين الثالثه يكون مطعم البحار على يمينك لفي يسار بعدها امشي سيده أول اشاره لفي يسار .............. وهذا هو سوق الحب على يمينك
وصف بالشرح ، أتمنى أنك فهمتيه..
وأي استفسار أحنا بالخدمه ..