أخواني وخواتي
شخباركم ،، ان شاء الله طيبين وبصحة عافية
بصراحة دورت وتعبت مالقيت غير هالمنتدى اللي بساعدني في سفرتي
مع زوجي الحبيب بمناسبة عيدميلاده لشرم الشيخ
ولله تعبت وانه ادور مكان نستانس فيه انه وزوجي وحبيت هالسنة اجدد واسوي شي مميز
قلت خلني افكر بسفرة اكون انه وهو بروحنا
فكرت بوايد اماكن بس في الأخير قررت اني اروح شرم الشيخ لمدة 6 ايام لأن ما عندنا اجازه من الشغل واعتقد انها كافية
المهم الحين طلبتكم تساعدوني في هالاجازة القصيرة واللي اكيد وايد منكم وخاصة اخوانا المصريين، الله يذكرهم بالخير يعرفون كل التفاصيل
طبعاً انه للحين ما حجزت الطيران بس بعد بحث مطول بين شركات الطيران لقيت ان ارخص طيران المصرية وطبعاً فيه ترانزيت للقاهرة عقب ما تعبت وانه ادور طياره دايركت وطبعاً لا يوجد
ان شاء الله بتكون سفرتنا على بداية شهر 7
ابي اعرف احوال الطقس في هالوقت من السنة شلون يكون ؟؟
في وين تنصحوني؟؟ فندق حلو ونظيف ورومانسي واهم شي سعره معقول بالنسبة ل 6 ايام
والفيوو بعد شي مهم بس مو اساسي؟؟
وابي اعرف البرامج والرحلات السياحية اللي اتنصحوني فيها؟؟
العملة اللي استخدمها دولار أو جينه؟ وكم المبلغ للمصروف اليومي ؟؟
اعرف انكم ما بتقصروون معاي وبتنصحون اختكم بكل اللي اتشوفنه مناسب لها
انتظر ردودكم ومشكورين مقدماً