وعليكم السلام ورحمه الله وبركاته
وانت متوقع الكل بروفايشنال باللغه
يا عزيزي أقرأ التقارير وبإذن الله نساعدك ولا تحتاج اي مترجم

ماقصرت ياغالي لكن التقارير ما حصلت فيها كيف احجز وسيلة نقل مثل من باريس الى بلجيكا وبخصوص الجوال يشتغل هناك او لازم افعل خدمه.! يعطيك العافيه

لا بد تفعيل خدمه تجوال
وخذ لك شريحه سمبقه الدفع او اشتري شريحه من هناك
https://artravelers.com/p/re/574214

يعطيك العافيه اخوي لكن ودي بشخص عنده خبره استشيره بروحتي واستفسر منه اذا كنت هناك
ولو ابي مترجم وين احصل وان شاء الله بسوي تقرير عن سفرتي

ما انصحك هناك باي مترجم الامر ما يستاهل معاك ايفون وفيه ترجم اي شيء تبيه ولاي لغه

قبل تخطط لاي سفره لازم ترتب وضعك وتعتمد ع نفسك
اولا البحث عن المعلومات اللي بتفيدك وطرق الوصول لاي معلم ودك تروح له والحجوزات فنادق تذاكر من بلدك
شوف الجدول المثبت فيه اهم المعالم وطرق الوصول
ثانيا خريطه باريسه واضحه وسهله واذكر شفت موضوع منزلينها باللغه العربيه
المترو والباص وباريس فيزت في مواضيع واضحه عنها
موضوع المترجم ابدا ابدا ابدا ماله داعي وفيه استغلال كبير
الموضوع بسيط ولو ترتب امورك من هنا كل شي بيسهل عليك
كم كلمه تمشي فيها وضعك مو ضروري تكون بلبل ع قولتهم والايفون والاجهزه الذكيه برنامج ناطق او مترجم يفي بالغرض
ورحله سعيده

والله نفس المشكلة أنا ودي أسافر لباريس بس المشكلة لم أجد رفيق سفر مناسب ولم أجد شركة سياحية تنظم قروبات أو وجود مرشديين سياحين يتكلموا العربية هناك

أسير الاماكن
تزوج خ وخله شهر عسل <<<<برا

والله نفس المشكلة أنا ودي أسافر لباريس بس المشكلة لم أجد رفيق سفر مناسب ولم أجد شركة سياحية تنظم قروبات أو وجود مرشديين سياحين يتكلموا العربية هناك
ما يحتاج قروبات ولا مترجمين اعتمد على نفسك فقط والله الامر سهل جدا جدا خذ تذكرتك من اي خطوط لباريس وهناك اول ما تطلع من المطار اذا انت ما تعرف المترو خذ تاكسي الى الفندق وبعدها ضبط وضعك وخذ خريطه معاك وباريس سهله جدا طبعا انا دايم اذا جيت باريس استاجر سياره لكن اول مره انصحك لا المترو واسال عادي بالصيف يكون باريس 90 % خليجين مو مشكله اللغه