- السلام عليكم ورحمه الله وبركاته
- اخواني واخواتي اعضاء المنتدى
السلام عليكم ورحمه الله وبركاته
اخواني واخواتي اعضاء المنتدى
احتاج مساعدتكم حق سفرتي قصتي تبدي انه قبل 4 سنوات كنت مخطط اسافر شهر العسل حق استراليا وتم عمل اللازم من حجز تذاكر وفندق وقبل الاقلاع بجم يوم اتصل علي المكتب واقترح علي الغي الحجز لانه انتشر مرض انفلونزا الخنازير بشكل كبير فيشرق اسيا واستراليا كون انه هالمرض ما ندري اشلون ينتقل وشنو اسبابه السفره كانت شهر 5 بدايت انتشار المرض فلغيت الحجز وكلفني الالغاء ما يعادل 260 دينار والحمد لله على كل حال الحين حاب اروح مره ثانيه فابي كل التفاصيل حق السفره انا احب اجمع كل المعلومات قبل لا اروح اي مكان احترازا اذا صاي اي شي غير متوقع فابي اعرف جم شغله منكم .
اغلب التقارير تقول اني اروح جولد كوست واقضي اطول وقت فيها فراح تكون رحلتي 10 جولد كوست و4 ايام سيدني راح نكون شخصين انا وزوجي فاحتاج منكم جدول كامل بكل التفاصيل وشلون انظم الرحلات حق كل يوم علشان لا يصير يوم مزدحم ويوم ممل اتمنى من الكل يفيدي باي معلومه لو كانت بسيطه راح تفيدني علشان انظم جدولي حق الرحله وعندي بعد جم سؤال الي يقدر يجاوبني عليهم اكون له شاكر
1-بالنسبه لمواقيت الصلاه و الجبله هل احتاج اخذ معاي بوصله والا المصلى متوافر بكل مكان
2- بالنسبة للمكاتب السياحة وين احصلهم وهل احد مصورهم علشان اعرف شكلهم اشلون صاير وشنو الرحلات الي يكون عندهم عروض
3- بالنسبه للاكل في تقارير تقولي انه لازم اسأل صاحب المطعم اذا حلال او لا واطلب شهاده تثبت صحه كلامه وماراح يزعل او يعصب اذا طلبت منه الشهاده على اني مو امصدق كلامه وشنو المطاعم الي لازم اجربها بجولد كوست
4- اختياري للفندق راح يكون هيلتون على كلام الاعضاء بس المشكله انه في بوكينج يقولون انه الغرفه وايد صغيره مو مثل الي بالصوره شنو ردكم على هالكلام وفي فندق بنفس المكان وحلو اهم شي عندي انه يطل على المحيط وفي قلب السيرفز برادايز
5-رحلتي راح تكون اما طيران الاماراتية او الاتحاد منو الاريح فيهم انا ادري انهم افضل طيران بس منو الطيران الي يكون افضل من الثاني
6- مثل ما قلت قبل ابي جدول من الصبح لي بليل شنو اسوي وشنو ترتيب الرحلات وشنو الرحلات الي ادخل معاهم نشاطات ثانيه
هذا كل شي اذكره الحين وسامحني على الاطاله ومشكورين على قراءت موضوعي هذا موضوعي الاول وان شاء الله ما يكون الاخير
وبالتوفيق