اختي الكريمة
الصبر زين
ومن صبر ظفر
بالنسبة لسؤالك : هونج كونج فيها شارع طويل يمتد في وسط كولون وفي هذا الشارع اغلب المجمعات الراقية والشارع قريب ايضا من الاسواق الليلة الممتعة في المساء ولكن يحتاج الى تاكسي لان المشي متعب قليلا .
اسماء الفنادق اعتقد ان الشباب ماراح يقصرون معاك في طرح الافكار والمقترحات بالنسبة للسكن .
الله الموفق

عندك فندق ايتون هوتيل Eaton فندق حلو وراقي وفيه خدمه الانترنت بسعر رمزي
وفي قلب كولون في شارع النايثن روود وقرب المركز الاسلامي والمطاعم الاسلاميه
وعلى الشارع كله اسواق وانصح فيه بس عيبه غرفه صغيره بس اذا انت بروحك بيمشي معاك
انا امس توني جاي من هونغ كونغ وساكن في نفس الفندق واي شي تبيه انا حاضر

مره شكرا عبرتوني
الحين اللي فهمته من المنتدى انه شارع ناثان هو المهم صح او لا هذا هو اللي وسط كولون ؟
طيب انا بعد فهمت انه فندق ايتون عند منطقة العرب انا مابي كذا لانه دايم منطقة العرب باي مكان تكون وسخه وانا ابي شي نظيف
وحسيت انه مو ذاك الزود
يعني وش فيه خيار ثاني
وابي اعرف الاسواق منحصره وين بكولون والا وين ؟
صراحه انحست من تقسيم هونج كونج
احس السنترال فخم فهموني

الشيراتون ..langham .. , the peninsula .. اقرب 3 فنادق للأسواق ... تطلع من باب الفندق يمينك ويسارك بوتيكاات ..ديور-ميوميو-بوتيغا-لوي فيتون وغيرهم
و هاربرد مقابل فندق لانقهام ..
هنا صور للفنادق المذكورة
https://artravelers.com/p/re/221410

lolee
على فكره انت فاهم غلط انت تفكر ان هناك عرب في هذه المنطقه وهذا خطا انا اقصد
المسلميين الاسيويين وخاصه الهنود لكن مش عند الفندق بالضبط يتواجدون حوالي المركز
الاسلامي الجامع لان المنطقه هذه مش مباشره مقابل الفندق هي تبعد حوالي 15 دقيقه
مشي حوالي كيلو ونص ومتواجدين بالضبط في السوق اللي بالقرب من الجامع وهو سوق صغير
في محلات جوالات وسوق متنوع وفيه مطاعم اسلاميه هنديه وباكستانيه وبوفيهات صغار
وهم يتركزون اهناك عالعموم حاول ان لاتبعد عن شارع ناثان وانت بيوجودك في هذا الشارع
ستضمن الاسواق حواليك بمجرد ان تمشي على طول الشارع يمينك ويسارك محلات وماركات
بعد وبالنسبه للاسواق لاتحاتي فهي اكثر مافي هونغ كونغ محلات واسواق

فندق ماركو بولو وراح تدعيلي يقع داخل اوشن مول يعني اتسوي شيك ان والفترينات مالت المحلات بظهرك واسعاره مناسبه وراقي
لا تحتار ماركو بولو وبس