ياهلا وغلا فيك أخي الفاضل حياك الله بين أخوانك وخواتك تفيدون وتستفيدون
بالنسبه الاماكن السياحيه
أدخل على هذا الرابط
https://artravelers.com/p/re/473746

فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
2Best Western Mostyn hotelقريب من الاكسفورد

يعطيكم الف عافية ...

أنا يا خوي توني من شهرين راجع من لندن (كانت الرحلة في شهر ديسمبر 2011م) وبصراحة استمعت هناك أنا وزجتي، أنا بخبرك ببرنامجي هناك باختصار:
أول يوم (وصلنا في الليل) كان استكشاف حق شارع العرب لأني رحت الى لندن من 2006م فحبيت أعرف آخر المستجدات، وعلى فكرة حجزت من بالنت تاكسي(مرسدس إي كلس) تدفع له لين وصلت لندن يعني ما ياخذون المبلغ بالنت وعرفت عن ذي الموضوع عن طريق الرابط اللي ذاكره الأخ بوعبدالله مشرف بريطانيا ولندن قبل ما أسافر وبالفعل حجزت التاكسي ووصل في الوقت المحدد بالمطار
ثاني يوم كنت من الصبح رحنا بالبق باص وجفنا تقريباً كل معالم لندن بدون لا ننزل من الباص (حجز البق باص بالنت من البحرين)، وفي نفس اليوم رحت متحف الشمع (مدام توسو) بعد رحلت البق باص، ومن بعدها في تسوقنا شارع العرب
ثالث يوم رحت بالبق باص (لأن تذكرت البق باص حق يومين) بس هالمره في كل معلم سياحي ننزل وناخذ الباص اللي بعده.. ودخلنا في لندن آي ورحنا حق البق بن والهايد بارك ومتحف لندن وساحة التلفغار وتبديل الحرس عند قصر الملكة وتور بريدج وغيرها من الاماكن المشهورة في لندن وأخيراً ختمنا يومنا بالتسوق في هارودز
رابع يوم من الصبح رحنا الأوت لت (بياستر فيلج) تقريباً من شارع العرب فيها ماركات عالمية بأسعار رخيصة، ومن بعدها رجعنا شارع العرب ورحنا السلفردج عبارة عن مجمع كبير فيه كل شي ومحلات بريمارك (محل جميل جداً وفيه أغراض وايد بأسعار مناسبة)
خامس يوم خصصنا حق التسوق في شارع العرب، ومن بعدها رحنا عالم ام أند أمز (m & ms) مكان ممتاز مثل اللي في دبي بس أكبر وفيه أشياء مميزة سادس يوم كنا نستعد للسفر الى باريس
وعلى فكرة بتحس إن البرنامج مضغوط ومافي وقت بس بالعكس ترى معظم المناطق أو المعالم السياحية في لندن قريبة من بعضها، وتمنياتي لك وللأهل بقضاء وقت ممتع وبالتوفيق إن شاء الله